બ્રેકિંગ ન્યુઝ
PM મોદીનો આવતીકાલે વારાણસીમાં ભવ્ય રોડ શો
ભાજપને 2019 કરતાં વધુ જનાદેશ મળશે: PM મોદી
બારડોલીના નાદીદા પાસેથી ગેરકાયદેસર અનાજનો જથ્થો ઝડપાયો
અફ્ઘાનિસ્તાનમાં ફરી અનુભવાયા ભૂકંપના આંચકા
ઉત્તરાખંડમાં ભારે વરસાદ, ચારધામની યાત્રામાં સેંકડો શ્રદ્ધાળુઓ ફસાયા
દિલ્હી કેપિટલ્સના કેપ્ટન ઋષભ પંત પર એક મેચનો પ્રતિબંધ
લોકસભા ચૂંટણી 2024: અરવિંદ કેજરીવાલે બીજેપી પર કર્યા આકરા પ્રહાર, કહ્યુ- અમારી પાર્ટીને ખતમ કરવાનો પ્રયાસ
સૌરાષ્ટ્ર-કચ્છમાં ફૂંકાશે ભારે પવન, ગુજરાતમાં ગાજવીજ સાથે વરસાદની અંબાલાલ પટેલે કરી આગાહી
ભાજપના સહકારી આગેવાન બાબુ નશિતના આરોપો પર જયેશ રાદડિયાનો જવાબ, હું ભાજપના બે હોદ્દા પર નથી
ભાજપના સહકારી આગેવાન બાબુ નશિતના જયેશ રાદડિયા પર ગંભીર આરોપ, પાર્ટીના મેન્ડેટ વિરુદ્ધ કામ કર્યું તેને હોદ્દા પરથી દૂર કરો
VTV / ગુજરાત / Even if you get permission to drink alcohol in Gift City, this thing has to be specially preserved, know the rules
Megha
Last Updated: 12:33 PM, 31 December 2023
ગાંધીનગરના ગિફ્ટ સિટીમાં દારૂની છૂટ અપાયા બાદ ગેલમાં આવી ગયેલા ગુજરાતીઓ માટે આ સમાચાર ખાસ છે, કારણ કે સરકારે ગિફ્ટ સિટીમાં દારૂની છૂટછાટ આપ્યા બાદ હવે સત્તાવાર નિયમો જાહેર કર્યા છે. રાજ્યના ગૃહવિભાગ દ્વારા ગિફ્ટ સિટીમાં દારૂની છૂટછાટને લઇ ગેઝેટ બહાર પાડ્યું છે. જેમાં ગિફ્ટ સિટીમાં દારૂના વેચાણ, દારૂ પીવા અને પરમીટને લઇને ખાસ નિયમોનો ગેજેટમાં ઉલ્લેખ કરાયો છે.
ગિફ્ટ સિટીમાં દારૂની છૂટને લઇ નિયમો કરાયા જાહેર
ગૃહ વિભાગ દ્રારા ગિફ્ટ સીટીમાં દારૂની છૂટછાટને લઈ સત્તાવાર નિયમો જાહેર કર્યા છે. રાજ્યના ગૃહવિભાગ દ્વારા ગેજેટ બહાર પાડ્યું છે જેમાં દારૂ વેચવાનું લાયસન્સ ધરાવતી હોટેલ અને દારૂ પીવાની પરમિટ ધારકો માટે પણ કડક નિયમો બનાવવામાં આવ્યા છે.
જે પ્રમાણે દારૂ વેચવાનું લાયસન્સ ધરાવતા ધારક લીકરની પરમીટ ધરાવતા કે હંગામી પરમિટ ધરાવનારા સિવાય કોઇને દારૂ વેચી કે પરોસી નહીં શકે. એટલું જ નહીં, લાયસન્સ ધારક લીકરનું સંચાલન અન્ય વ્યક્તિઓને નહીં આપી શકે. સાથે જ લીકરની દૂકાન અને હોટેલમાં જ્યાં સીલબંધ દારૂ રાખવામાં આવે તે વિસ્તારમાં સીસીટીવી લગાવવા ફરજિયાત કરવાનો આદેશ કરાયો છે. તમામ લાયસન્સ ધારકોને 3 મહિનાનું રેકોર્ડિંગ ફરજિયાત રાખવું પડશે.
વાંચવા જેવુ: ગિફ્ટ સિટીમાં દારૂની છૂટછાટ અંગે ગૃહવિભાગે SoP કરી જાહેર, દારૂની પરમીટ માટે કોને કયા નિયમ પાળવા ફરજિયાત
સાથે જ આ ગેજેટમાં કહેવામાં આવ્યું છે કે હોટેલમાં દારૂ પીરસવાની જગ્યા સામાન્ય જગ્યાથી અલગ બનાવવી પડશે અને લાયસન્સ ધારકોએ વાઇન એંડ ડાઇનની જગ્યાએ સિક્યોરિટી સ્ટાફ પણ રાખવો પડશે. ગેઝેટમાં દારૂ વેચવાનું લાયસન્સ ધરાવતા ધારકોને તમામ વ્યક્તિને પીરસાયેલા લીકરનું બિલ અને માત્રાના પુરાવાઓ રાખવા પડશે.
વધુમાં કહેવામાં આવ્યું છે કે લાયસન્સ ધારકોએ સરકારે નિર્ધારિત કરેલા FL-1 લાયસન્સ ધારક પાસેથી જ દારૂ ખરીદી શકશે. વાઇન એંડ ડાઇન વિસ્તારમાં પણ દારૂની બોટલ લઇ જવા પર પ્રતિબંધ રાખવામાં આવ્યો છે. પરમિટ ધારકોને ફક્ત ગ્લાસમાં જ દારૂ અપાશે તો બીજી બાજુ દારૂ પીવાની પરમીટ ધરાવનારા વ્યક્તિઓએ પોતે પીધેલા દારૂનું બિલ સંભાળીને રાખવું પડશે.
પરમિટ ધારકોને પહેલી વખત 2 વર્ષની પરમિટ આપવામાં આવશે, જે બાદ દર વર્ષે પરમિટ રિન્યૂ થશે જેનો ચાર્જ 1 હજાર રૂપિયા રાખવામાં આવ્યો છે. ગિફ્ટ સિટીના તમામ કર્મચારીઓ અને કંપનીઓને પરમિટ માટે રાજ્યના નશાબંધી અને આબકારી ખાતાને અરજી સાથે વિગતો જમા કરાવવાની રહેશે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ADVERTISEMENT
ટોપ સ્ટોરીઝ
ADVERTISEMENT