હેલ્થ ટિપ્સ / યુવાન દેખાવા માટે રોજ ખાઓ આ 3 ફળ, 50ની ઉંમરમાં પણ લાગશો 35 જેવા

ખરાબ ભોજન, દારૂ, સિગરેટ અને વધારે સ્ટ્રેસ, પ્રદૂષણના કારણે ત્વચા ઉંમર કરતા વધારે વૃદ્ધ દેખાવા લાગે છે. માટે ત્વચાને લાંબા સમય સુધી જવાન રાખવા માટે યોગ્ય ડાયેટ જરૂરી છે. અહીં અમે તમને જણાવીશું કે એવા કયા ફળો છે જેમાં એન્ટી-એજિંગ ગુણ રહેલા છે જેના સેવનથી તમારી ત્વચાને લાંબા સમય સુધી જવાન રાખી શકાય છે.

પપૈયુ
પપૈયામાં એન્ટીઓક્સીડેન્ટ્સ, વિટામિન્સ અને મિનરલ્સથી ભરપૂર હોય છે માટે તેના સેવનથી ત્વચા લબડી નથી પડતી. માટે પ્રયત્ન કરો કે તમે રોજ પોતાની ડાયેટમાં પપૈયાને શામેલ કરો. પપૈયાથી ચહેરાની કરચલીઓ પણ ઓછી થઈ જાય છે. તેમાં વિટામિન એ, વિટામિન સી, વિટામિન કે અને ત્વચા માટે સૌથી જરૂરી વિટામિન ઈથી ભરપૂર હોય છે. 

પપૈયામાં ખૂબ જ પોષક તત્વો હોય છે. જે તમારી ત્વચાને યંગ રાખવામાં તમારી મદદ કરે છે. તેના ઉપરાંત તેમાં કેલ્શિયમ, પોટેશિયમ, ફોસ્ફોરસ, મેગ્નેશિયમ વગેરે મળી આવે છે. પપૈયામાં હાજર એન્ટીઓક્સીડેન્ટ્સ ફ્રી રેડિકલ્સથી લડવામાં તમારી મદદ કરે છે અને ત્વચા પર વૃદ્ધાવસ્તાના લક્ષણ આવવાથી રોકે છે. 

એવોકાડો 
એવોકાડો પણ ત્વચા માટે ખૂબ જ સારૂ હોય છે. એવોકાડોમાં ખૂબ એન્ટીઓક્સીડેન્ટ્સ હોય છે. જે શરીરમાં ફ્રી રેડિકલ્સથી લડે છે જેથી તમારી ત્વચાની ચમક ગાયબ ન થઈ જાય. એવોકાડો વિટામિન કે, વિટામિન સી, વિટામિન ઈ, વિટામિન બી અને વિટામિન એથી ભરપૂર હોય છે. 

તેમાં વિટામિન એનું પ્રમાણ વધારે હોય છે માટે આ ડેડ સ્કિન સેલ્સને ખતમ કરવા અને નવા સ્કિન સેલ્સનું નિર્માણ કરવા માટે ફાયદાકારક છે. તેમાં હાજર કેરોટેનોઈડના કારણે સૂરજના કિરણોથી થતી ટેનિંગથી પણ બચી શકાય છે. 

કીવી 
કીવીમાં ખૂબ જ વધારે પાવરફૂલ એન્ટીઓક્સીડેન્ટ્સ હોય છે. જેના કારણે આ દુનિયાભરના સૌથી હેલ્ધી ફળોમાં ગણવામાં આવે છે. કીવીમાં વિટામિન સી અને વિટામિન ઈનું પ્રમાણ વધારે હોય છે. તેમાં હાજર પોષક તત્વ ફ્રી રેડિકલ્સથી લડે છે અને ત્વચાને ડેમેજ થવાથી બચાવે છે. 

વધુ વાંચો: ભીષણ ગરમીથી બચીને રહેજો, નહીંતર સપડાઇ જશો આ 3 ખતરનાક બીમારીમાં, જાણો બચાવના ઉપાય

કીવીમાં હાજર એન્ટીઓક્સીડેન્ટ્સના કારણે ચહેરાની કરચલીઓ અને દાગ-ધબ્બા દૂર થાય છે. તેના સેવનથી ફાઈન લાઈન્સ પણ જતી રહે છે અને ત્વચા બિલકુલ યંગ અને સુંદર દેખાય છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો