નિવેદન / ડીયર વિરાટ... કોહલીની પુત્રીને મળેલી રેપની ધમકી બાદ સપોર્ટમાં આવ્યાં રાહુલ, હિંમત આપતા જુઓ શું કહ્યું

• ટી-20 વર્લ્ડ કપમાં ભારતના બે પરાજય બાદ વિરાટ કોહલી પર પસ્તાળ 
• વિરાટ કોહલીના સપોર્ટમાં આવ્યાં રાહુલ ગાંધી
• ટ્વીટ કરીને જણાવ્યું, ટ્રોલર્સને માફ કરો, તમે ટીમને બચાવો 

ટી-20 વર્લ્ડ કપમાં ભારતની સતત બે હારથી હાહાકાર મચી ગયો છે. કેપ્ટન વિરાટ કોહલીને સોશિયલ મીડિયા પર નિશાન બનાવવામાં આવી રહ્યો છે, જેનાથી તેના પરિવારને ધમકી મળી રહી છે. કોંગ્રેસ સાંસદ રાહુલ ગાંધીએ હવે કેપ્ટન વિરાટ કોહલીને ટેકો આપ્યો છે.

તમે ટીમને બચાવો, ટ્રોલર્સને માફ કરો-રાહુલે કોહલીને કહ્યું 

એક ટ્વીટમાં કોંગ્રેસ નેતા રાહુલ ગાંધીએ વિરાટ કોહલીને અપીલ કરી હતી કે આ તમામ લોકો (ટ્રોલ્સ) નફરતથી ભરેલા છે, જેમને કોઈ પ્રેમ આપતું નથી. તેમને માફ કરો. તમે ટીમને બચાવો.

Dear Virat,

These people are filled with hate because nobody gives them any love. Forgive them.

Protect the team.

— Rahul Gandhi (@RahulGandhi) November 2, 2021

 તાજેતરમાં જ જ્યારે પાકિસ્તાન સામેની હાર બાદ મોહમ્મદ શમીને નિશાન બનાવવામાં આવ્યો ત્યારે પણ રાહુલ ગાંધીએ તેમનું સમર્થન કર્યું હતું. રાહુલ ગાંધીએ મોહમ્મદ શમીને આવા નફરત વાળા લોકોને માફ કરવા પણ કહ્યું હતું કારણ કે કોઈ તેમને પ્રેમ આપતું નથી.

Mohammad #Shami we are all with you.

These people are filled with hate because nobody gives them any love. Forgive them.

— Rahul Gandhi (@RahulGandhi) October 25, 2021

ભારતની હાર બાદ કોહલીની 10 મહિનાની પુત્રીને મળી હતી રેપની ધમકી 
ઉલ્લેખનીય છે કે પાકિસ્તાન અને ન્યૂઝીલેન્ડ સામેની હાર બાદ કેપ્ટન વિરાટ કોહલી બધાના નિશાના પર છે. ખરાબ કેપ્ટન્સી, ટીમનું ખરાબ પ્રદર્શન ઘણું કહેવામાં આવ્યું છે, પરંતુ તેનાથી પણ ખરાબ વાત એ છે કે વિરાટ કોહલીની 10 મહિનાની પુત્રી અંગે વાંધાજનક વાતો થઈ છે. 
દિલ્હી મહિલા આયોગે પણ આ મુદ્દે કડક વલણ અપનાવ્યું છે. ડીસીડબ્લ્યુએ દિલ્હી પોલીસને આ કેસમાં એફઆઈઆર નોંધાવવા અને આરોપીની ધરપકડ કરવાની માંગ કરી છે.

વિરાટ કોહલી  ટ્રોલર્સનું નિશાન બન્યો 

વિરાટ કોહલીની છેલ્લા કેટલાક દિવસોમાં સોશિયલ મીડિયા પર ટીકા થઈ રહી છે, માત્ર તેની હાર પાછળનું કારણ જ નહીં. વાસ્તવમાં થોડા દિવસો પહેલા વિરાટ કોહલીએ દિવાળી ઉજવવાની યોગ્ય રીતની વાત કરી હતી, જેના માટે તેને ટ્રોલ કરવામાં આવ્યો હતો. બાદમાં વિરાટ કોહલીએ જ્યારે પોતાની ટીમના સભ્ય મોહમ્મદ શમીનો બચાવ કર્યો ત્યારે પણ સોશિયલ મીડિયા પર વિરાટ કોહલીને નિશાન બનાવવામાં આવ્યો હતો. ભારતીય ટીમનો કેપ્ટન ટ્રોલર્સની નજરહેઠળ આવ્યો ત્યારે ઘણા વિસ્તારોના લોકો તેને બચાવવા આવ્યા છે.