વિલય / ભારતનું ભૂગોળ ફરી બદલાયું : દીવ-દમણ અને દાદરા નગરહવેલીના વિલીનીકરણનું બિલ લોકસભામાં પાસ

• દમણ-દીવ અને દાદરા-નગર હવેલીનો થશે વિલય 
• બે કેન્દ્રશાસિત પ્રદેશને એકમાં મર્જ
• આજે લોકસભામાં બિલ પાસ

કેન્દ્ર સરકાર દ્વારા જમ્મૂ-કાશ્મીરને કેન્દ્ર શાસિત પ્રદેશ જાહેર કર્યા બાદ હવે અન્ય બે કેન્દ્ર શાસિત પ્રદેશને એકમાં મર્જ કરવાને લઇને આજરોજ લોકસભામાં બીલ રજૂ કરાયું હતું.

दादरा और नागर हवेली तथा दमण और दीव (संघ राज्यक्षेत्रों का विलयन) विधेयक 2019 लोक सभा में पारित #WinterSession #शीतकालीनसत्र pic.twitter.com/B5SgykFHIq

— Lok Sabha TV (@loksabhatv) November 27, 2019

35 કિમીના અંતરે બે સચિવાલય, બજેટ પણ અલગ

બન્ને કેન્દ્ર શાસિત પ્રદેશો માટે અલગ બજેટ અને સચિવાલય છે, દાદરા-નગર-હવેલીમાં એક જીલ્લો આવેલો છે. જ્યારે દમણ અને દીવમાં 2 જીલ્લા આવેલા છે. આ બંને પ્રદેશો 35 કીમી એકબીજાથી દૂર છે. વિલય બાદ વડુ મથક દમણ-દીવમાં થઈ શકે છે. જેમાં આ દમણ-દીવ 72 ચોરસ કિલોમીટરના વિસ્તાર ધરાવે છે.

દમણ-દીવની વસ્તી 1 લાખ 51 હજાર છે. જ્યારે દાદર નગર હવેલીનું ક્ષેત્રફળ 491 સ્ક્વેર કિમી છે. જ્યારે દાદરા-નગર હવેલીની વસતી 5 લાખ 31 હજાર છે. દાદરા-નગર હવેલીમાં 70 ગ્રામ પંચાયતો છે.

5 ઓગસ્ટના રોજ જમ્મુ-કાશ્મીરને બે UTમાં વિભાજીત કરાયા

આમ જમ્મૂ-કાશ્મીર અને લદ્દાખને બે કેન્દ્ર શાસિત પ્રદેશ જાહેર કર્યા બાદ દેશમાં હાલ 9 કેન્દ્ર શાસિત પ્રદેશે હતા, જ્યારે હવે દમન અને દીવ અને દાદરા તેમજ નગર હવેલીનું વિલય કરાતા કેન્દ્ર શાસિત પ્રદેશની કુલ સંખ્યા 8 થઇ જશે.

અત્રે ઉલ્લેખીય છે કે, અગાઉ શુક્રવારે આ અંગે કેન્દ્રીય મંત્રી અર્જૂન મેઘવાલે લોકસભામાં જણાવ્યું હતું કે સરકાર બે કેન્દ્ર શાસિત પ્રદેશ 'દમણ અને દીવ' અને દાદરા તેમજ નગર હવેલીનો વિલય કરી તેને એક કેન્દ્ર શાસિત પ્રદેશ કરવામાં આવશે.