મોંઘવારીનો માર / ખાવાનો સ્વાદ બગડી જશે, જીરાના ભાવમાં 70 ટકાનો વધારો

• મોંઘવારીના માર વેઠતી પ્રજા
• રસોડાનું બજેટ ખોરવાયું
• જીરાના ભાવમાં થયો તોતિંગ વધારો

ચારેતરફ મોંઘવારીના કારણે સામાન્ય લોકો પરેશાન થઈ ગયા છે. છેલ્લા 1 વર્ષથી દેશમાં લગભગ મોટા ભાગની વસ્તુઓના ભાવો આકાશે આંબ્યા છે. તેમાં જીરુ પણ સામેલ છે. દેશમાં આ મસાલાનો વ્યાપક પ્રમાણમાં ઉપયોગ થાય છે. તો વળી ઉત્પાદનમાં કમીની વચ્ચે એક્સપોર્ટની પણ ભારે માગ રહેલી છે, જો કે પહેલાની સરખામણી આ વખતે જીરુના ભાવ 70 ટકા વધી ગયા છે. બજારોના જાણકારોનું કહેવુ છે કે, આવનારા મહિનામાં જીરુ હજૂ પણ 20-25 ટકા મોંઘુ થશે. 

ભારત દુનિયાનો સૌથી મોટો જીરુ ઉત્પાદન કરતો દેશ છે. ત્યારે આવા સમયે ભારતમાં જીરાના ઓછા ઉત્પાદને સમગ્ર દુનિયામાં તેની કિંમતો વધારી દીધી છે. ઉંજામાં આવેલી દેશની સૌથી મોટી જીરા માર્કેટમાં 19 મેના રોજ હાજર કિંમત 195-225 રૂપિયા પ્રતિ કિલો હતી. તો વળી ગત વર્ષએ આ જ સમયે તેની કિંમત 140-160 રૂપિયા હતા. એટલું જ નહીં, સફાઈ, ગ્રેડિંગ, પેકેઝિંગ વગેરે બાદ રિટેલ માર્કેટામં જીરું લગભગ 275-300 રૂપિયા પ્રતિ કિલોના હિસાબે વેચાઈ રહ્યું છે. 

આ વર્ષે ઓછુ આવ્યું જીરુ

ઉંજા એગ્રિકલ્ચર પ્રોડ્યૂસ માર્કેટ કમિટિના ચેરમેન દિનેશ પટેલના જણા્વ્યા અનુસાર માર્કેટમાં આ વર્ષે ઓછુ જીરુ આવ્યું છે. પહેલા દર વર્ષે સરેરાશ 80-90 લાખ બોરી માર્કેટમાં જીરુ આવતું હતું. જો કે, આ વર્ષે આ આંકડો 50-555 લાખ બોરી સુધી રહી ગયો છે. ત્યારે આવા સમયે તેની કિંમત વધી જાય છે. કહેવાય છે કે, ખેડૂતો હવે જીરાની જગ્યાએ નફા આપતી ખેતી વધારે કરી રહ્યા છે. 

દિનેશ પટેલના જણાવ્યા અનુસાર છેલ્લા 3-4 વર્ષોમાં જીરાના કિમત 130થી 150 રૂપિયાની રેંજમાં રહેતા હતા. જો કે, આ વખતે ખેડૂતોએ વધારે નફા માટે જીરાની જગ્યાએ સરસવ, કપાલ, મગફળી, સોયાબિન, ધાણા જેવી અન્ય ખેતી કરવાનું પસંદ કર્યું. એટલુ જ નહીં, આ વર્ષએ હવામાન પણ જીરાની ખેતી માટે અનુકુળ નહોતું રહ્યું. જીરાનું ઉત્પાદન આ વખતે 25 ટકા જેટલું ઓછુ રહ્યું છે.