'ટિકિટ'નીતિ / '100 નવા MLA હશે' આ નિવેદન બાદ ભાજપમાં ગણગણાટ શરૂ થતા CR પાટીલે કરી સ્પષ્ટતા, જાણો શું કહ્યું...

• ભાજપ પ્રદેશ પ્રમુખ સી.આર. પાટીલની સ્પષ્ટતા
• વિપક્ષના ધારાસભ્યો છે ત્યાં નવા ચહેરા શોધીશુંઃ પાટીલ
• નિવૃત થતા હશે ત્યાં નવા ચહેરા શોધીશુંઃ પાટીલ

100 નવા ચેહરાઓ વિશે નિવેદન બાદ સી.આર.પાટીલે સ્પષ્ટતા કરી છે.  પાટીલે કહ્યું કે, જ્યા વિપક્ષના ધારાસભ્યો છે ત્યાં લોકપ્રિય અને નવા ચેહરા શોધીશું. 70 નથી એ નવા ચહેરા હશે. હાલના ધારાસભ્યોમાંથી કેટલાક નિવૃત થશે આવા સંજોગોમાં મેં કહ્યું હતું 100 નવા ચહેરા હશે. 112 ધારાસભ્યોમાંથી નિવૃત થતા હશે ત્યા પણ નવા ચેહરા શોધીશું. સંપૂર્ણ નો રિપિટની કોઈપણ વાત નથી. જે કાર્યકરને લોકો સ્વિકારશે તેને ટિકિટ મળશે. ભાજપના તમામ કાર્યકરોમાંથી કોઈને પણ ટીકીટ મળી શકે. 

100 જેટલા નવા ધારાસભ્યો શોધવાના છેઃ પાટીલનું સાબરકાંઠામાં નિવેદન

સાબરકાંઠા ખાતે કાર્યક્રમમાં ભાજપ પ્રદેશ પ્રમુખ સી.આર.પાટીલે કહ્યું હતું કે, 100 જેટલા નવા ધારાસભ્યો શોધવાના છે. ધારાસભ્યોએ બંધબેસતી પાઘડી પહેરવી નહીં. ધારાસભ્યોનું નક્કી ઉપરથી થાય છે. હું કોઈને કાપી શકુ નહી હું કોઈને અપી શકુ નહીં. મોટા અંતરથી હારેલા ધારાસભ્યોને ટિકિટ નહીં મળે. ટિકિટ આપતા પહેલા 5થી 6 સર્વે કરાવાયા છે. ત્યારે હવે પાટીલના 100 જેટલા નવા ધારાસભ્યો વાળા નિવેદન બાદ નો-રિપિટ થિયરી 2022માં પણ લાગુ થાય તેવી ચર્ચા શરૂ થતા ભાજપ પ્રદેશ પ્રમુખે સ્પષ્ટતા કરી છે.

માત્ર લાયક ઉમેદવારને જ મળશે ટિકિટઃ પાટીલનું સોમનાથમાં નિવેદન

ગુજરાત ભાજપ પ્રદેશ પ્રમુખ સી.આર.પાટીલે થોડા દિવસ અગાઉ સોમનાથના વેરાવળમાં એક નિવેદન આપ્યું હતું કે ટિકિટ માટે કોઈની લાગવગ નહીં ચાલે. પાર્ટી કાર્યકર્તાઓનો જેને સપોર્ટ હશે તેને જ ટિકિટ મળશે. માત્ર લાયક ઉમેદવારને જ ટિકિટ મળશે. એટલે કે નવી કેડર ઉભી કરાશે અને નાના કાર્યકર્તાઓને તક મળશે. પાટીલે આવી બાહેંધરી આપી હતી.