coronavirus / અમેરિકામાં કોરોનાવાયરસની રસી પ્રગતિના પંથે; પરીક્ષણ બાદ થોડા દિવસોમાં લોન્ચ થઇ શકે છે

• પ્રાણીઓ ઉપરનું પરીક્ષણ ટાળીને સીધું તંદુરસ્ત સ્વયંસેવકો ઉપર પરીક્ષણ થશે
• જો સુરક્ષિત રહેશે તો કોરોનાવાયરસના દર્દીઓ ઉપર પણ પ્રયોગ થશે 

નોંધનીય છે કે આ પહેલા બ્રિટનના વૈજ્ઞાનિકે કહ્યું હતું કે એક રસીના ઉંદર ઉપર પરીક્ષણ કરવાથી સારા પરિણામ મળી રહ્યા છે. આ ઉપરાંત પારંપારિક રીતે જે પદ્ધતિથી રસી શોધવામાં આવતી હતી તેના કરતા આ રસી જુદી રીતે વિકસાવવામાં આવી રહી છે.

પહેલા રસી શોધવા માટે જે તે વાયરસના નબળા વર્ઝનને શરીરમાં દાખલ કરવામાં આવતું જેથી શરીર તે ઈન્ફેક્શન સામે લડવાનો રસ્તો શોધી લે છે. જો કે હવે નવી પદ્ધતિમાં RNAની મદદથી શરીરની રોગપ્રતિકારકને આ ઘાતક વાયરસ સામે પ્રોટીન ઉભા કરવા માટે તાલીમ આપે છે. 

ઉંદર ઉપર પ્રયોગ કરનાર રિસર્ચ ટીમે આશા વ્યક્ત કરી છે કે તેઓ જૂન સુધીમાં માણસો ઉપર કામ કરી શકે તેવી રસી લોન્ચ કરી શકે છે. જો કે ત્યાં સુધી એટલે કે મે મહિના સુધી કોરોનાનો કહેર આ જ પ્રમાણે ચાલુ રહેશે તેવી દહેશત જાહેર કરાઈ છે. 

આ રસી વિશ્વના બધા દર્દીઓ સુધી પહોંચે એ માટે એક વર્ષનો સમય લાગશે તેમ લાગી રહ્યું છે. ત્યાં સુધી દર્દીઓએ જાતે જ આઇસોલેટ થઇને શરીર પોતે ઇન્ફેક્શન સામે લડત આપે ત્યાં રાહ જોવી પડશે.

યુરોપના દેશોમાં કોરોનાવાયરસનો આતંક વધી રહ્યો છે

યુરોપમાં ઇટાલી સૌથી વધુ કોરોના વાયરસ થી ત્રસ્ત છે. અહીં ગઈ કાલે કોરોના વાયરસ થી અત્યાર સુધીના સૌથી વધુ મૃત્યુ નોંધાયા છે. અધિકારીઓએ કહ્યું કે, ઈટાલીમાં છેલ્લા 24 કલાકમાં 250 લોકોનાં મોત નીપજ્યાં છે. ઈટાલીમાં કોરોનાથી એક જ દિવસમાં થયેલાં મોતની આ સૌથી મોટી સંખ્યા છે. આ સાથે જ ઈટાલીમાં કોરોનાથી મૃત્યુ પામેલા લોકોની સંખ્યા વધીને 12,66 થઈ ગઈ છે. અહીં કુલ 17,660 લોકો કોરોનાગ્રસ્ત છે.