મદદ / સુરતના પરપ્રાંતિઓની મદદે આવ્યું કોંગ્રેસ ઉભો કર્યો કંટ્રલો રૂમ અને જાહેર કર્યો હેલ્પલાઈન નંબર

• સુરત કોંગ્રેસે ઉભો કર્યો કંટ્રોલરૂમ  
• કોંગ્રેસ દ્વારા 9998331211 હેલ્પલાઇન નંબર કરાયો શરૂ
• જુદી જુદી 4 વિભાગમાં 16 લોકોની બનાવી ટીમ

માદરે વતન જવા માટે પરપ્રાંતિઓની કરાઇ રહી છે મદદ

સુરત કોંગ્રેસે પરપ્રાંતિયોની મદદ માટે કંટ્રોલરૂમ ઉભો કર્યો છે. ઓરિસ્સા, ઉત્તર પ્રદેશ, મધ્યપ્રદેશ, બિહારથી પેટીયુ રળવા આવેલા લાખો પરપ્રાંતિયો ગુજરાતમાં સુરત, અમદાવાદ, વડોદરા જેવા શહેરોમાં ફસાઈ ગયા છે. ત્યારે હવે કેન્દ્ર સરકાર દ્વારા તેમને તેમના વતન પરત જવા માટે છુટ આપવામાં આવી છે. પણ તેમને હાલાકી પડી રહી છે ત્યારે કોંગ્રેસ તેમની મદદે આવી છે. સુરતમાં જુદી જુદી 16 ટીમ બનાવી અને 4 વિભાગ માટે કામ કરી રહ્યા છે. કોંગ્રેસ દ્વારા 9998331211 હેલ્પલાઇન નંબર  શરૂ કરાયો છે. 

શું કહે છે કોંગ્રેસના નેતા

જી એમ સલતાણીયા કોંગ્રેસના નેતા છે. જે તેમની ટીમ સાથે અત્યારે કામે લાગ્યા છે. યુપી, બિહાર, મધ્યપ્રદેશ, ઓરિસ્સા, ઝારખાંડ, મહારાષ્ટ્ર વગેરેની ઈન્કવાયરી માટે અમને કોલ આવી રહ્યા છે. તેમનું કહેવું છે કે તેમને કન્ફ્યુઝ થયેલા લોકો ફોન કરી રહ્યા છે જેમને મોટે ભાગે ફોર્મ ભરવું, પરમિશન લેવી, કે ટિકિટ મળશે કે નહીં, ટ્રેન અવેલેબલ છે કે નહીં તેવી પૂછપરછ માટે હાલ કોલ આવી રહ્યા છે અને કોંગ્રેસની યુવા કાર્યકરોની ટીમ હાલ આ કામમાં લાગી છે. 

ગુજરાત સરકાર પણ કરી રહી છે મદદ

સુરતથી બિનગુજરાતીઓને વતન લઈ જવા માટે ટ્રેનની વ્યવસ્થા કરવામાં આવી છે.  સુરતથી 3600 જેટલા બિનગુજરાતીઓને પોતાના વતનમાં પહોંચાડવામાં આવશે. પાલિકાની 60 જેટલી બસોમાં રેલવે સ્ટેશન પહોંચાડવામાં આવી રહ્યા છે. પાંડેસરા અને સચિન વિસ્તારથી બસની વ્યવસ્થા કરવામાં આવી છે. આજે સુરતથી પ્રથમ ટ્રેન જગન્નાથ જશે. સવારે 10 વાગ્યે, બપોરે 1 વાગ્યે અને સાંજે 4 વાગ્યે ટ્રેન રવાના થશે.  એક ટ્રેનના 20 કોચમાં 1200 જેટલા લોકોને મોકલાશે