તમારા કામનું / ઇલેક્શન પહેલાં ફટાફટ આ કામ પૂર્ણ કરી દેજો, તો રહેશો ફાયદામાં, ચૂંટણી આયોગની સૂચના

મતદાર આઈડી અને આધાર કાર્ડ એવા બે મહત્વપૂર્ણ દસ્તાવેજો છે જેનો ઉપયોગ બેંક ખાતું ખોલવા, શાળા-કોલેજમાં પ્રવેશ મેળવવો, ડ્રાઇવિંગ લાઇસન્સ મેળવવું વગેરે જેવા ઘણા મહત્વપૂર્ણ કાર્યો માટે થાય છે. આધાર નંબરને મતદાર આઈડી સાથે લિંક કરવાથી, એક જ વ્યક્તિના નામે બનેલા નકલી અથવા એકથી વધુ નકલી મતદાર આઈડીને દૂર કરી શકાય છે.

એવામાં ચૂંટણી પંચે મતદારોને મતદાર આઈડીને આધાર સાથે લિંક કરવાનું સૂચન કર્યું છે. જણાવી દઈએ કે આ કોઈ ફરજિયાત પ્રક્રિયા નથી, પરંતુ તેનાથી નિષ્પક્ષ ચૂંટણી કરાવવામાં મદદ મળશે. આ કારણે ચૂંટણી પંચે મતદારોને મતદાર આઈડી સાથે આધાર લિંક કરવાનું સૂચન કર્યું છે.

કયા દસ્તાવેજોની જરૂર પડશે
મતદાર આઈડી કાર્ડ નંબર
આધાર કાર્ડ
રજીસ્ટર્ડ મોબાઈલ અને ઈમેલ

આધાર મતદાર ID કેવી રીતે લિંક કરવું 
Step 1:
NVSPના અધિકૃત પોર્ટલ https://www.nvsp.in/ અથવા મતદાર સેવા પોર્ટલ https://voters.eci.gov.in પર જઈને સૌ પ્રથમ લોગિન અને સાઈનઅપ કરો. 
Step 2:
જો તમે રજીસ્ટર કર્યું હોય તો મોબાઈલ નંબર, પાસવર્ડ અને કેપ્ચા કોડ દાખલ કરો. આ પછી એકાઉન્ટ લોગિન માટે OTP દાખલ કરો. જો તમે રજીસ્ટર નથી કરાવેલું તો તો 'સાઇન-અપ' પર ક્લિક કરો. આ પછી મોબાઈલ નંબર અને કેપ્ચા કોડ દાખલ કરો અને પછી Continue પર ક્લિક કરો. આ પછી તમારું નામ અને પાસવર્ડ દાખલ કરીને OTT દાખલ કરો. ત્યારબાદ તમારા મોબાઈલ નંબર પર વન ટાઈમ પાસવર્ડ મોકલવામાં આવશે. આ પછી સાઇનઅપ પ્રક્રિયા પૂર્ણ થશે.
Step 3: 
નીચે સ્ક્રોલ કરો અને આધાર કલેક્શન ઓપ્શન પર ક્લિક કરો અને ફોર્મ 6B ભરો. આ પછી આધાર અને ચૂંટણી ફોટો આઈડીની જરૂર પડશે.
Step 4: 
આ પછી EPIC નંબર દાખલ કરો, જે તમારા મતદાર ID પર નોંધાયેલ છે. આ પછી 'Verify & Fill Form' પર ક્લિક કરો.
Step 5: 
આ પછી, તમારી પસંદગીની ભાષા પસંદ કરીને ફોર્મ ભરો.
Step 6: 
પછી 'નેક્સ્ટ' વિકલ્પ પર ક્લિક કરો. પછી 'ફોર્મ 6B' ભરો અને જરૂરી દસ્તાવેજો ભરો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો