હાલચાલ / CM રૂપાણીની તબિયતને લઈને મોટા સમાચાર , જાણો શું કહે છે ડોક્ટર્સ !

• આજે સીએમને હોસ્પિટલમાંથી અપાઈ શકે છે રજા
• સીએમ રૂપાણીની સારવારનો આજે 7મો દિવસ 
• સીએમની તબિયત સુધારા પર 

સીએમની સારવારને લઇ મહત્વના સમાચાર સામે આવ્યા છે. આજે સીએમને હોસ્પિટલમાંથી રજા અપાઈ શકે છે. સીએમ રૂપાણીની સારવારનો આજે 7મો દિવસ છે. CM રૂપાણીની તબિયત સુધારા પર છે. નિષ્ણાંત ડોક્ટરોની સલાહ બાદ CM રૂપાણીને  રજા અપાઈ શકે છે.

સીએમની સારવારને લઇ મહત્વના સમાચાર : આજે CMને હોસ્પિટલમાંથી અપાઈ શકે છે રજા, નિષ્ણાંત ડોક્ટરોની સલાહ બાદ અપાઈ શકે છે રજા@CMOGuj @vijayrupanibjp #Gujarat

— VTV Gujarati News and Beyond (@VtvGujarati) February 20, 2021

સીએમ રૂપાણીનો કોરોના રિપોર્ટ પોઝિટિવ આવ્યો છે. સ્થાનિક સ્વરાજ્યની ચૂંટણીમાં પ્રચાર માટે રેલીઓ અને સભાઓને સંબોધન કરતા કરતા CM રૂપાણી ઢળી પડ્યા હતા ત્યારે તેમને તાત્કાલિક સારવાર માટે હોસ્પિટલ લઈ જવાયા હતા. 

હેલ્થ બુલેટીનમાં થયો ખુલાસો
 
CM રૂપાણીની તબિયત સુધાર પર છે. આ અંગે યુ.એન.મહેતા હોસ્પિટલ દ્વારા બુલેટિન પ્રસારિત કરાયું છે. જેમાં CM રૂપાણીનો કોરોના અંગે RT-PCR ટેસ્ટ પોઝિટિવ  આવ્યો હતો. જો કે,  CMના ECG, સિટી સ્કેન રિપોર્ટ પણ નોર્મલ છે. CMનું ઓક્સિજન લેવલ પણ નોર્મલ છે. 24 કલાક માટે CMનો ઓબ્ઝરવેશન હેઠળ રખાયા હતા. 

લથડી હતી તબિયત

મુખ્યમંત્રી વિજય રૂપાણી નિઝામપુરામાં સભા સંબોધી રહ્યા હતા ત્યારે તેમની તબિયત લથડી હતી. તેઓ જનસભાને સંબોધન કરતા હતા અને આશરે 10 મિનિટમાં તેમને ચક્કર આવવા લાગતા તેઓ ઢળી પડ્યા હતા.

જો કે સુરક્ષા કર્મીઓની સતર્કતાથી નીચે પટકાતા બચી ગયા હતા. અને બાદમાં ડોક્ટરની ટીમે તેમની તપાસ કરી અને ગ્લૂકોઝ પીવડાવ્યું હતું અને બાદમાં તેમની તબિયતમાં સુધારો થયો હતો. અને તેઓ જાતે થોડીવારમાં કોઈના ટેકા વગર ચાલતા પોતાની ગાડી પાસે જઈને બેઠા હતા.