BIG NEWS / હવે કોઈ ટકા કે ડિવિઝન નહીં અપાય, માત્ર માર્ક્સ જ અપાશે...: ધોરણ 10 અને 12ની બોર્ડની પરીક્ષા પહેલા મોટું એલાન

• CBSE બોર્ડે 10મી અને 12મીની પરીક્ષા પહેલા મોટો ફેરફાર કર્યો
• હવે કોઈ ટકા કે ડિવિઝન નહીં અપાય, માત્ર માર્ક્સ જ અપાશે

CBSE બોર્ડે 10મી અને 12મીની પરીક્ષા પહેલા મોટો ફેરફાર કર્યો છે. બોર્ડે આ અંગે મહત્વની માહિતી જાહેર કરી છે. તેની સૂચના સેન્ટ્રલ બોર્ડ ઓફ સેકન્ડરી એજ્યુકેશનની સત્તાવાર વેબસાઇટ cbse.gov.in પર પોસ્ટ કરવામાં આવી છે. આ મુજબ, વર્ષ 2024માં CBSE બોર્ડની પરીક્ષામાં ભાગ લેનાર વિદ્યાર્થીઓને વિભાગ, રેન્ક અથવા ડિસ્ટ્રિક્શન માર્કસ આપવામાં આવશે નહીં.

#CBSE decides not to award any division and distinction in class 10th and 12th exams. pic.twitter.com/T0th1aJPJR

— All India Radio News (@airnewsalerts) December 1, 2023

CBSEએ સૂચના આપી
CBSE એ સત્તાવાર સૂચનામાં જણાવ્યું છે કે પરીક્ષા પેટા-નિયમોના પ્રકરણ 7 ની પેટા કલમ 40.1 (3) મુજબ, કોઈ ટકા કે ડિવિઝન આપવામાં આવશે નહીં. બોર્ડની પરીક્ષામાં વિદ્યાર્થીઓના માર્કસની ટકાવારીની ગણતરીને લઈને ઘણી વખત સવાલો ઉભા થયા છે. આવી સ્થિતિમાં સીબીએસઈએ નિર્ણય લીધો છે કે કોઈ ડિવિઝનની ગણતરી કરવામાં આવશે નહીં. CBSEના આ નિર્ણયથી લાખો વિદ્યાર્થીઓને અસર થશે.

ડેટશીટ ક્યારે બહાર પાડવામાં આવશે?
CBSE દ્વારા અગાઉ જારી કરાયેલા નોટિફિકેશન મુજબ, 10મી-12મી બોર્ડની પરીક્ષાઓ 15 ફેબ્રુઆરી, 2024થી શરૂ થશે અને એપ્રિલ સુધી ચાલશે. જો કે, બોર્ડે હજુ સુધી પરીક્ષાઓની ડેટશીટ જાહેર કરી નથી. મીડિયા રિપોર્ટ્સનું માનીએ તો બોર્ડ ટૂંક સમયમાં આ અંગે નોટિફિકેશન બહાર પાડશે. આવી સ્થિતિમાં, ઉમેદવારોએ સત્તાવાર વેબસાઇટ પર નજર રાખવી જોઈએ.
આ પહેલા શાળાઓ દ્વારા બોર્ડની પરીક્ષાના પેપર ભરવાની પ્રક્રિયા પૂર્ણ કરવામાં આવી છે.