સરકારનો દાવો / જૂનના અંત સુધી કોરોનાના કેસમાં વિચાર્યો પણ નહીં હોય તેવો ઘટાડો થશે

• કેન્દ્ર સરકારનો દાવો જૂનના અંત સુધી કોરોનાના કેસ ઘટસે 
• રોજના 15-20 હજાર કેસ આવે તેવી સંભાવના 
• ત્રીજી લહેર 6થી 8 મહિનામાં આવી શકે છે 

કેન્દ્ર સરકારની તરફથી દાવો કરવામાં આવ્યો છે કે જૂનના અંત સુધી કોરોનાના રોજના કેસ 15-20 હજાર સુધી આવી શકે છે. જે અત્યારે લગભગ 3 લાખની આસપાસ છે. પરંતુ તેના માટે કોવિડ વેક્સિનેશન ઝડપી બનાવવું પડશે અને પહેલાની જેમ જ સતર્કતા રાખવાની રહેશે. સરકારી પેનલના એક સદસ્યએ કહ્યું કે કોરોનાની ત્રીજી લહેર 6થી 8 મહિનામાં આવી શકે છે.  સરકારી પેનલના સદસ્ય ડો. એમ વિદ્યાસાગરે કહ્યું, જો પર્યાપ્ત સંખ્યામાં કોરોના વેક્સિનેશન થાય છે તો કોરોનાના કેસ ખૂબ ઝડપથી નીચે આવી જશે. 

વેક્સિનેશન અભિયાન ઝડપી કરવું જરૂરી 

આઈઆઈટી હૈદરાબાદના ડો. એમ વિદ્યાસાગર વિજ્ઞાન અને પ્રૌદ્યોગિકી મંત્રાલયના ત્રણ સદસ્યી સમુહના સદસ્ય છે. તેમણે એક મેથેમેટિકલ મોડલના આધાર પર કોરોનાના કેસની મેુપિંગ કરી છે. તેમણે કહ્યું કે દેશમાં કોરોના વિરૂદ્ધ વેક્સિનેશન અભિયાન ઝડપી કરવું જરૂરી છે. વિદ્યાસાગરે એક ઈન્ટરવ્યૂમાં કહ્યું કે મોટા પાયે કહેવામાં આવે તો લોકો દ્વારા કોરોનાના નિયમોનું પાલન કરવાના કારણે બાજી લહેર આવી છે. પરંતુ એ પણ તથ્ય છે કે પહેલી લહેરમાં જે લોકોમાં કોરોના પ્રત્યે ઈમ્યૂનિટી હતી તેમાં પણ પ્રતિરોધક ક્ષમતા ઓછી થઈ ગઈ.

6થી 8 મહિનાની અંદર જતી રહે છે ઈમ્યૂનિટી 

ડો. વિદ્યાસાગરે કહ્યું કે હાલ વૈજ્ઞાનિક અધ્યયનોથી સંકેત મળે છે કે જે લોકોમાં ઈમ્યૂનિટી બને છે તે 6થી 8 મહિનામાં ગાયબ થઈ જાય છે. હાલની કોરોના લહેરમાં પહેલા વેવના મુકાબલે 30 ટકા વધારે દર્દી મળી રહ્યા છે. તેમની પ્રતિરોધક ક્ષમતા 6-8 મહિનામાં ખોવાઈ જશે. જેથી પ્રતિરોધી ક્ષમતા વધારવા માટે વેક્સીનેશન પર ભાર મુકવો જરૂરી છે. પ્રોફેસરે કહ્યું કે જો વેક્સિનેશન અભિયાન ઝડપથી ચલાવવામાં આવે છે તો કોરોનાના ગ્રાફમાં ઘટાડો જોવા મળશે. પરંતુ આ કોરોનાની બીજી લહેરમાં આવેલા ઝડપી ઉછાળ જેવું નહીં હોય.