પરિણામ / 3 લોકસભા અને 29 વિધાનસભાનું આજે પરિણામ, થશે આ પાર્ટી અને પ્રજાનું ભવિષ્ય નક્કી

• 3 લોકસભા અને 29 વિધાનસભાનો નિર્ણય આજે
• મધ્ય પ્રદેશમાં મોટી સ્પર્ધા, રાજસ્થાનમાં માહોલ ગરમ
• લાલૂની એન્ટ્રીએ બિહાર ચૂંટણીને રસપ્રદ બનાવી દીધી

3 લોકસભા અને 29 વિધાનસભાનો નિર્ણય આજે

મળતી જણકારી મુજબ 30 ઓક્ટોબરે 3 લોકસભા સીટો પર વોટ પડ્યા હતા. તે સીટો હતી દાદરા અને નગર હવેલી, હિમાચલના મંડી તથા મધ્ય પ્રદેશની ખંડવા. આ ઉપરાંત જે 29 વિધાનસભાની સિટો પર વોટ પડ્યા હતા. જેમાં આસામના 5, બંગાળની 4 , મધ્ય પ્રદેશ, હિમાચલ તથા મેઘાલયના 3 -3 , બિહાર, રાજસ્થાન તથા કર્ણાટકના 2-2 અને આંધ્ર પ્રદેશ, હરિયાણા, મહારાષ્ટ્ર, મિઝોરમ તથા તેલંગાણાની એક- એક વિધાનસભા સીટ સામેલ હતી.  સૌથી રસપ્રદ સ્પર્ધા મધ્ય પ્રદેશ અને બિહારમાં જોવા મળશે.  કેમ કે આ 2 રાજ્યોમાં ભારે પ્રચાર કરવામાં આવ્યા હતા. 

મધ્ય પ્રદેશમાં મોટી સ્પર્ધા

મધ્ય પ્રદેશમાં ચૂંટણી પ્રચારમાં ખુદ સીએમ શિવરાજે 20થી વધારે સભાઓ કરી હતી. જેના કારણે આ તેમના આત્મસન્માનની લડાઈ બની ગઈ છે. કોંગ્રેસ પણ રાજ્યોમાં એકબીજા સાથે આશા લગાવીને બેઠી છે.  મધ્ય પ્રદેશમાં ખંડવા સંસદીય વિસ્તાર સહિત પૃથ્વીપુર, જોબટ અને રૈગાંવ વિધાનસભા વિસ્તારની પેટા ચૂંટણી યોજાઈ હતી. 

રાજસ્થાનમાં માહોલ ગરમ

આજે રાજસ્થાનનો નિર્ણય થવાનો છે. રાજ્યના વલ્લભનગર (ઉદેયપુર) અને ધરિયાવદ (પ્રતાપગઢ) વિધાનસભા સીટો પર વોટિંગ થયું હતુ. હવે સીએમ ગહેલોત આને પોતાની મોટી પરીક્ષા માની રહ્યા છે. તે આ બન્ને સીટ જીતી હાઈ કમાનના પોતાના પરના ભરોસાને વધારે મજબૂત કરવા માંગે છે. 

લાલૂની એન્ટ્રીએ બિહાર ચૂંટણીને રસપ્રદ બનાવી દીધી

બિહારના બે સીટો કુશેશ્વરસ્થાન અને તારાપુરનું નશીબ પણ આજે નક્કી થશે. લાલુ પ્રસાદ યાદવની એન્ટ્રી બાદથી આ ઉપચૂંટણી ચર્ચામાં રહી અને કેમ કે બન્ને જેડીયૂ અને આરજેડીએ આને પોતાનું વર્ચસ્વ જોડી દીધું છે તેવામાં આ સ્પર્ધા ઘણી મહત્વની છે.

બંગાળમાં કોણ જીતશે

પશ્ચિમ બંગાળની ચાર વિધાનસભા સીટો દિનહાટા, નદિયા જિલ્લાની શાંતિપુર, ઉત્તર 24 પરગનાની ખરદા અને દક્ષિણ 24 પરગનાની ગોસાબા સીટ પર પેટા ચૂંટણી થઈ હતી. ત્યારે પ્રતિષ્ઠાની વાત કરીએ તો ટીએમસી કોઈ પણ કિંમત પર દિનહટા સીટ ફરી જીતવા માંગે છે. તો ભાજપ પણ શાંતિપુર સીટ પર પોતાની જીતની આશા લગાવી બેઠી છે.  આ રાજ્યો ઉપરાંત આસામ, હરિયાણા અને હિમાચલમાં ભારે સ્પર્ધા જોવા મળી રહી છે.