9 ફોટો ગેલેરી

ટ્રાવેલ / વીકેન્ડમાં પ્રવાસનું પ્લાનિંગ કરો છો ? ઓછા બજેટમાં ફરવા માટે શાનદાર છે દેશના આ 9 બેસ્ટ ટુરિસ્ટ પ્લેસ

Last Updated: 05:27 PM, 10 October 2026

FOLLOW ON

શેર કરો

જો તમે બ્રેક લઈને 2 થી 3 દિવસની ટૂંકી રજાઓનું પ્લાનિંગ કરી રહ્યા હોવ, તો દરિયાકિનારા, પહાડો, ઐતિહાસિક કિલ્લાઓ અને સુંદર સરોવરો ધરાવતા દેશના 9 શ્રેષ્ઠ સ્થળોની મુલાકાત લઈ શકો છો.

1/9

1. વીકેન્ડમાં પ્રવાસનું પ્લાનિંગ કરો છો ? ઓછા બજેટમાં ફરવા માટે શાનદાર છે દેશના આ 9 બેસ્ટ ટુરિસ્ટ પ્લેસ

કામકાજના તાણ અને રોજિંદી ભાગદોડમાંથી મુક્તિ મેળવવા માટે અક્ટોબર મહિનો શ્રેષ્ઠ ગણાય છે. આ દિવસોમાં દેશના મોટાભાગના વિસ્તારોમાં ગુલાબી ઠંડીની શરૂઆત થાય છે અને વાતાવરણ ખુશનુમા બની જાય છે. જો તમે લાંબી રજાઓ લીધા વગર કે વધારે પડતો ખર્ચ કર્યા વગર માત્ર 2 થી 3 દિવસની નાની ટ્રિપ પ્લાન કરવા માંગતા હોવ, તો ભારતમાં જ અનેક મનોહર વિકલ્પો ઉપલબ્ધ છે. પહાડોની શાંતિ, સમુદ્રના મોજાંનો રોમાંચ, સરોવરોની સુંદરતા કે ઐતિહાસિક વિરાસત—તમારી પસંદગી ગમે તે હોય, આ 9 ટુરિસ્ટ ડેસ્ટિનેશન્સ વીકેન્ડ ગેટઅવે માટે પરફેક્ટ છે:

આ તસવીર શેર કરો

2/9

2. પુષ્કર (રાજસ્થાન)

અરાવલીની પહાડીઓથી ઘેરાયેલું પુષ્કર શાંતિપ્રિય પ્રવાસીઓ માટે ઉત્તમ સ્થળ છે. અહીં તમે પવિત્ર પુષ્કર સરોવરના ઘાટ પર સમય વિતાવી શકો છો અને વિશ્વપ્રસિદ્ધ બ્રહ્મા મંદિરના દર્શન કરી શકો છો. શહેરની રંગબેરંગી ગલીઓ, કલ્ચરલ માર્કેટ્સ અને કેફે કલ્ચર તમારું મન મોહી લેશે.

આ તસવીર શેર કરો

3/9

3. વિશાખાપટ્ટનમ (આંધ્રપ્રદેશ)

જો તમને દરિયા કિનારો પસંદ હોય તો વિઝાગ તરીકે ઓળખાતું વિશાખાપટ્ટનમ શ્રેષ્ઠ વિકલ્પ છે. અહીં રામકૃષ્ણ બીચ, ઋષિકોંડા અને યારાડા બીચના નયનરમ્ય દ્રશ્યો માણી શકાય છે. આ ઉપરાંત, દેશનું પ્રખ્યાત INS કુરુસુરા સબમરીન મ્યુઝિયમ અને કૈલાસગિરી વ્યુ પોઈન્ટ 2 થી 3 દિવસની ટ્રિપ માટે મુખ્ય આકર્ષણો છે.

આ તસવીર શેર કરો

4/9

4. પોંડિચેરી

યુરોપિયન વાઇબ્સ અને શાંત સમુદ્રકિનારા માટે પુદુચેરી જાણીતું છે. અહીંના ફ્રેન્ચ ક્વાર્ટરની રંગીન ઇમારતો, મનોહર ગલીઓ અને કાફે પ્રવાસીઓને આકર્ષે છે. શ્રી અરબિંદો આશ્રમ અને પ્રોમેનેડ બીચ પર ટહેલવાનો અનુભવ તમારી નાની રજાઓને યાદગાર બનાવી દેશે.

આ તસવીર શેર કરો

5/9

5. અમૃતસર (પંજાબ)

ઇતિહાસ, આધ્યાત્મિકતા અને સ્વાદિષ્ટ વાનગીઓના શોખીનો માટે અમૃતસર અદ્ભુત સ્થળ છે. ગોલ્ડન ટેમ્પલ (સુવર્ણ મંદિર) નો શાંત વાતાવરણ મનને અસીમ શાંતિ આપે છે. આ ઉપરાંત જલિયાંવાલા બાગ અને પાર્ટીશન મ્યુઝિયમ દેશના ઇતિહાસની ઝાંખી કરાવે છે. અમૃતસરી છોલે-કુલ્ચા અને લસ્સીનો સ્વાદ માણવાનું ભૂલવું જોઈએ નહીં.

આ તસવીર શેર કરો

6/9

6. ઋષિકેશ (ઉત્તરાખંડ)

એડવેન્ચર અને પવિત્રતાનો સંગમ એટલે ઋષિકેશ. જો તમને સાહસ પસંદ હોય તો અહીં ગંગા નદીમાં રિવર રાફ્ટિંગનો આનંદ લઈ શકો છો. આ સિવાય ગંગા કિનારે શાંતિથી બેસવું, સાંજના સમયે ગંગા આરતીમાં ભાગ લેવો અને નદી કિનારે આવેલા કેફેમાં સમય વિતાવવો ખૂબ જ આહલાદક અનુભવ છે.

આ તસવીર શેર કરો

7/9

7. જયપુર (રાજસ્થાન)

રાજસ્થાનની રાજધાની પિંક સિટી જયપુર કલા અને સ્થાપત્યનો અજોડ નમૂનો છે. અહીં આમેર કિલ્લો, હવા મહેલ અને સિટી પેલેસ જેવા ઐતિહાસિક સ્થાપત્યો આવેલા છે. શોપિંગ માટે જયપુરના સ્થાનિક બજારો પ્રખ્યાત છે, જ્યાંથી પરંપરાગત વસ્ત્રો અને હસ્તકળાની વસ્તુઓ ખરીદી શકાય છે. દાળ-બાટી-ચૂરમાનો સ્વાદ આ ટ્રિપને પરિપૂર્ણ બનાવે છે.

આ તસવીર શેર કરો

8/9

8. જીમ કોર્બેટ નેશનલ પાર્ક (ઉત્તરાખંડ)

કુદરતના ખોળામાં વન્યજીવો અને પ્રકૃતિની નજીક સમય વિતાવવા માગતા લોકો માટે જીમ કોર્બેટ પરફેક્ટ સ્થળ છે. અહીં જંગલ સફારી દરમિયાન વાઘ સહિતના વન્યજીવોને જોવાની રોમાંચક તક મળે છે. સવારની સફારી માટે અગાઉથી એડવાન્સ બુકિંગ કરાવવું સલાહભર્યું છે.

આ તસવીર શેર કરો

9/9

9. અલપ્પુઝા / અલેપ્પી (કેરળ)

'વેનિસ ઓફ ધ ઈસ્ટ' તરીકે જાણીતું અલેપ્પી પોતાના બેકવોટર્સ અને હાઉસબોટ માટે મશહૂર છે. પાણી વચ્ચે વસેલા ગામડાં, નાળિયેરીના વૃક્ષો અને શાંત વાતાવરણ માનસિક થાક દૂર કરી દે છે. હાઉસબોટમાં રોકાણ કરીને કેરળનું ટ્રેડિશનલ ફૂડ માણવું એ એક અનન્ય અનુભવ છે.

આ તસવીર શેર કરો

સંકળાયેલા મુદ્દાઓ

WeekendGetaway OctoberTravel TravelIndia