ટેકનોલોજી / શું તમે પણ ખરાબ નેટવર્કથી છો પરેશાન? તો આજથી જ ફોનમાં બદલી નાખો આ સેટિંગ્સ

દેશમાં 5G લોન્ચ થઇ ગયું છે. તમામ ટેલિકોમ કંપનીઓના દાવા મુજબ, હાઈ સ્પીડ 5G ઈન્ટરનેટ દેશના ખૂણે-ખૂણે પહોંચી ગયું છે, પરંતુ હકીકત તો એ છે કે શહેરના લોકો કોલ ડ્રોપ્સથી અને ગામડાના લોકો કોલ અને ઈન્ટરનેટ બંનેની સમસ્યાનો સામનો કરી રહ્યા છે. જો તમે પણ નેટવર્ક હોવા છતાં ધીમા ઇન્ટરનેટથી પરેશાન છો તો આ સમાચાર તમારા માટે ઉપયોગી થઇ શકે છે કારણ કે આજે અમે જણાવીશું કે એન્ડ્રોઇડ સ્માર્ટફોનમાં 5G નેટવર્કની સ્પીડ કેવી રીતે વધારવી.

નેટવર્ક સેટિંગને બદલવું
જો ઇન્ટરનેટ ધીમું ચાલે છે તો સૌથી પહેલા ફોનના સેટિંગને ચેક કરવું. ફોનના સેટિંગમાં નેટવર્ક સેટિંગમાં જવું અને preferred type of networkને 5G કે Auto સિલેક્ટ કરવું.

સાચો APN હોવો જરૂરી છે
આ સિવાય નેટવર્ક સેટિંગ્સમાં Access Point Network (APN) સેટિંગને પણ ચેક કરવું કારણ કે સ્પીડ માટે સાચો APN હોવું જરૂરી છે. APN સેટિંગ્સને મેનૂ પર ક્લિક કરી ડિફોલ્ટ તરીકે સેટ કરવું.

સોશિયલ મીડિયા એપ્સનાં સેટિંગને બદલો 
આ સિવાય ફોનમાં ઇન્સ્ટોલ કરેલ સોશિયલ મીડિયા એપ્સને પણ ચેક કરવી કારણ કે ફેસબુક, એક્સ અને ઇન્સ્ટાગ્રામ જેવી એપ્સ સ્પીડને ઘટાડે છે અને વધુ ડેટા પણ વાપરે છે. તેથી, એપ્સની સેટિંગ્સમાં જઈને ઓટો પ્લે વીડિયોને બંધ કરવું અને ફોનના બ્રાઉઝરને ડેટા સેવ મોડમાં સેટ કરવું.

વધુ વાંચોઃ મોટા નુકસાનથી બચવા ઉનાળામાં કારનું ફ્યૂઅલ ટેન્ક ક્યારેય પણ ફૂલ ન કરાવો, જાણો કારણ

છેલ્લો વિકલ્પ રીસેટ
જો આ બધું કર્યા પછી પણ સ્પીડ નથી મળતી તો ફોનના નેટવર્ક સેટિંગ્સને રીસેટ કરવું અને ડિફોલ્ટ નેટવર્ક સેટિંગ્સમાં સારી સ્પીડ મળે તેવી આશા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો