અણધડ વહીવટ / એર ઇન્ડિયાની સેફ્ટી સામે સવાલ, DGCAના સુરક્ષા ઓડિટમાં આવી 13 મોટી ખામીઓ, તપાસના આદેશ

• એર ઈન્ડિયા ફરી એક વખત વિવાદમાં
• DGCAએ એરલાઈનનાં ઓડિટમાં શોધી ખામીઓ
• કહ્યું 13 મામલાઓની ખોટી રિપોર્ટ સબમિટ થઈ છે

DGCA ડિરેક્ટોરેટ જનરલ ઓફ સિવિલ એવિએશનનાં બે સભ્યોની નિરીક્ષણ ટીમે એર ઈન્ડિયાનાં આંતરિક સુરક્ષા ઓડિટમાં ખામીઓ શોધી છે અને તેઓ આ મામલે તપાસ કરી રહ્યાં છે. DGCAને સોંપવામાં આવેલી ઓડિટ રિપોર્ટ અનુસાર એર ઈન્ડિયા એરલાઈનને કેબિન સર્વિલાંસ, કાર્ગો, રેંડ અને લોડમાં નિયમિત સુરક્ષાની તપાસ કરી હતી પરંતુ 13 સુરક્ષા બિંદુઓનાં નિરીક્ષણ દરમિયાન જાણવા મળ્યું કે એરલાઈને તમામ 13 મામલાઓમાં ખોટી રિપોર્ટ તૈયાર કરી છે.

DGCA has found many lapses in internal safety audits of Air India.

Air India was supposed to carry out regular safety spot checks in various areas of operations and then, submit the report to the regulator.

In a random inspection at 13 safety points, DGCA found out that the… pic.twitter.com/ssYfmdUm5u

— JetArena (@ArenaJet) August 26, 2023

એર ઈન્ડિયાનાં ઑડિટમાં મળી ખામીઓ
રિપોર્ટમાં કહેવામાં આવ્યું કે જ્યારે CCTV રેકોર્ડિંગ, ઑડિટ કરનારા લોકોનાં નિવેદનો, શિફ્ટ રજિસ્ટરનાં દસ્તાવેજો, GDની લિસ્ટ, પેસેન્જરની વિગતોની યાદી વગેરેને તપાસવામાં આવ્યું તો જાણવા મળ્યું કે ઉપરોક્ત 13 મામલાઓમાં મુંબઈ, ગોવા અને દિલ્હી સ્ટેશનોમાં તપાસ કરવામાં આવેલી નથી. ખોટી રિપોર્ટ જમા કરવામાં આવી છે.

'માંગ્યા બાદ રિપોર્ટ તૈયાર કરાઈ છે'
DGCAનાં 2 સભ્યોની નિરીક્ષણ ટીમે 25-26 જૂલાઈનાં હરિયાણાનાં ગુરુગ્રામમાં એર ઈન્ડિયાનાં કાર્યાલયની વિઝીટ કરી હતી જે બાદ રિપોર્ટમાં રહેલ ખામીઓ સામે આવી હતી.નિરીક્ષણ ટીમે કહ્યું કે આ રિપોર્ટ DGCA દ્વારા માંગ્યા બાદ બનાવવામાં આવી છે. આ રિપોર્ટ ખોટી છે. આ મુદાને લઈને DGCAનાં મહાનિર્દેશક વિક્રમ દેવ દત્ત સાથે સંપર્ક કર્યા બાદ ટીમે કહ્યું કે નિયામક આ મામલાની વધુ તપાસ કરી રહ્યાં છે.