કોરોના સંકટ / અમદાવાદમાં ખાનગી હોસ્પિટલમાં કોરોનાના દર્દીઓને દાખલ કરવા માટે નક્કી કરાયા ક્રાઇટેરિયા, આ દર્દીઓને અપાશે પ્રાથમિકતા

• અમદાવાદ હોસ્પિટલ & નર્સિંગ હોમ એસો.ની માર્ગદર્શિકા
• ખાનગી હોસ્પિટલમાં દાખલ કરવા 5 માપદંડ કરાયા નક્કી
• હોસ્પિટલોમાં બેડ ફુલ થવાની ફરિયાદોને લઇને કરાયો નિર્ણય

અમદાવાદની ખાનગી કોવિડ હોસ્પિટલમાં મહત્તમ બેડ દર્દીઓથી ભરાઈ જતા હતા. બેડ ના હોવાની સતત મળતી ફરિયાદને કારણે આ 5 ક્રાઈટેરિયા નક્કી કર્યા છે. 10 ટકાથી 15 ટકા જેટલા જ કોરોના પોઝિટિવ દર્દીઓને જ સારવાર માટે દાખલ કરવાની જરૂરિયાત પડતી હોવાથી જરૂરી દર્દીઓને તાત્કાલિક સારવાર મળી રહે તે હેતુથી ક્રાઈટેરિયા સેટ કરવામાં આવ્યા છે. જો કે, એક બાબત એવી પણ નોંધી લેવા જેવી છે કે, કોઇપણ વ્યક્તિને કોરોનાના લક્ષણ હશે અને એડમિટ થવું હશે તો પણ તેઓ નક્કી કરેલા ધારા ધોરણ હેઠળ તેમને કોરોના વોર્ડ સિવાયના બેડમાં દાખલ કરવામાં આવી તેમની સારવાર કરાશે. 

ક્રાઈટેરિયા : 1

• 60 વર્ષથી ઉપરના કોવિડના દર્દીને પ્રાયોરિટી આપવામાં આવશે.
• કોવિડ થાય અને જો અગાઉથી જ દર્દીને કોઈ અન્ય બીમારી હોય અથવા સારવાર ચાલતી હશે તો પ્રાયોરિટી આપવામાં આવશે.
• લીવર, કિડની, ટ્રાન્સપ્લાન્ટ, HIV ઇન્ફેક્શનના દર્દીને તાત્કાલિક સારવાર મળે તેવા પ્રયાસ કરાશે.

ક્રાઈટેરિયા : 2

• છેલ્લા 3 દિવસથી કોવિડના દર્દીનું શરીરનું તાપમાન 101 F આવતું હશે તો...

ક્રાઈટેરિયા : 3

• શરીરમાં ઓક્સિજન (SPO2) નું પ્રમાણ 94 ટકા કરતા ઓછું થઈ જાય એવા કિસ્સામાં

ક્રાઈટેરિયા : 4

• એવા કોવિડના દર્દીઓ જેમને શ્વાસ લેવામાં તકલીફ પડતી હોય

ક્રાઈટેરિયા : 5

• ફેફસા સિવાય શરીરના કોઈ અંગમાં તકલીફ થઈ રહી હોય તેવા દર્દીઓ

આ 5 ક્રાઈટેરિયા સિવાય જો કોઈ કોવિડનો દર્દી દાખલ થવા ઈચ્છશે તો જે તે હોસ્પિટલના ડોકટર સ્થિતિ મુજબ નિર્ણય લેશે