લખિમપુર ખીરી કાંડ / મંત્રી પુત્ર આશિષ મિશ્રાની મુશ્કેલીમાં વધારો, હાઇકોર્ટે જામીન આપવાનો કર્યો ઇનકાર

• લખીમપુર ખીરી હિંસા કેસના આરોપી આશિષ મિશ્રાને મોટો ઝટકો  
• અલ્હાબાદ હાઈકોર્ટે  આશિષ મિશ્રાની જામીન ના મંજુર કર્યા
• અગાઉ આ મામલાની સુનાવણી 15 જુલાઈએ થઈ હતી

હાઈકોર્ટની લખનૌ બેંચે લખીમપુર ખેરીના તિકોનિયા હિંસા કેસમાં આશિષ મિશ્રાની જામીન અરજી ફગાવી દીધી છે. એટલે કે આશિષ મિશ્રાને અત્યારે જેલમાં જ રહેવું પડશે. એવું માનવામાં આવતું હતું કે તેને કેટલીક શરતો સાથે જામીન આપવામાં આવી શકે છે, પરંતુ તેમ થયું નહીં.

Lakhimpur violence case | Lucknow bench of Allahabad High Court rejects bail petition of main accused Ashish Mishra

Court refuses to grant him bail.

— ANI UP/Uttarakhand (@ANINewsUP) July 26, 2022

હાઈકોર્ટે આશિષ મિશ્રા જામીન અરજી ફગાવી 

કેન્દ્રીય મંત્રી અજય મિશ્રા ટેનીના પુત્ર આશિષ મિશ્રાની જામીન અરજી ફગાવી દેતા હાઈકોર્ટે આકરી ટીપ્પણી કરી હતી કે લખીમપુર કેસમાં 4 ખેડૂતોના મોત થયા હતા. આરોપીની કાર ત્યાં હાજર હતી, આ સૌથી મોટી હકીકત છે. આ કેસ જઘન્ય અપરાધની શ્રેણીમાં આવે છે. આશિષ મિશ્રા વતી વરિષ્ઠ વકીલ ગોપાલ ચતુર્વેદી, પીડિતો વતી કમલજીત રાઠડા, રાજ્ય સરકાર વતી એએજી વિનોદ શાહી હાજર રહ્યા હતા.

અગાઉ આ મામલાની સુનાવણી 15 જુલાઈએ થઈ હતી

તે વખતે કોર્ટે પોતાનો નિર્ણય સુરક્ષિત રાખ્યો હતો. પરંતુ મંગળવારે હાઈકોર્ટે આશિષ મિશ્રાની જામીન અરજી રદ્દ કરી તેને ફરીથી જેલમાં મોકલી દીધો હતો. આશિષ મિશ્રાને હાલ જેલમાં જ રહેવું પડશે. આશિષ મિશ્રાના વકીલોએ તેમને જામીન અપાવવાનો પૂરો પ્રયાસ કર્યો હતો પરંતુ કોર્ટ તેમની દલીલોને સફળ બનાવી શકી નહોતી. પહેલા એવી અપેક્ષા રાખવામાં આવી રહી હતી કે તેમને કેટલીક શરતો સાથે જામીન આપવામાં આવી શકે છે, આવી સ્થિતિમાં કોર્ટનો આ નિર્ણય તેમના માટે મોટા આંચકા સમાન છે.

આ બાબતે આશિષ મિશ્રાના વકીલો તરફથી કોઈ પ્રતિક્રિયા મળી નથી 

જો કે હજુ સુધી આ બાબતે આશિષ મિશ્રાના વકીલો તરફથી કોઈ પ્રતિક્રિયા મળી નથી. પરંતુ એવું માનવામાં આવે છે કે વકીલો ફરી એકવાર કોર્ટમાં રિવ્યુ અરજી મૂકી શકે છે. તમને જણાવી દઈએ કે ગયા વર્ષે 3 ઓક્ટોબરના રોજ લખીમપુર ખીરીના તિકોનિયામાં થયેલી હિંસામાં ચાર ખેડૂતો સહિત આઠ લોકોના મોત થયા હતા. આ કેસમાં આશિષ મુખ્ય આરોપી છે.