હેલ્થ / શું પિરિયડ્સમાં પેઇન કિલર દવા ખાવી હિતાવહ? જાણો તેનાથી થતા ફાયદા-નુકસાન

જ્યારે કોઈ મહિલા કે છોકરી પીરિયડ્સમાં થાય છે ત્યારે તેને પેટમાં દુ:ખાવો, કમરમાં દુ:ખાવો અને શરીરમાં નબળાઈ આવી જાય છે. કેટલાક કેસમાં તો ઊલટી અને ઊબકા પણ થવા લાગે છે. ક્યારેક આ દુ:ખાવો એટલી હદે વધી જાય છે કે તેમણે ડોક્ટરની પાસે જવું પડે છે. આ દુ:ખાવાથી રાહત મેળવવા માટે ક્યારેક તે હર્બલ ટીનું સેવન કરે છે અને આવા અન્ય ઉપાય પણ કરે છે. તે છતાં પણ જો દુ:ખાવો ઓછો ન થાય તો તે પેનકીલરનું સેવન કરે છે. 

શું પીરિયડ્સમાં પેનકીલર લેવી જોઈએ કે નહીં 
સામાન્ય રીતે મહિલાઓને પીરિયડ્સના શરૂઆતના બે દિવસોમાં દુ:ખાવો વધુ થતો હોય છે. પેટમાં ખેચ આવે છે અને ક્યારેક તાવ પણ આવી જાય છે. આ સમસ્યાથી છુટકારો મેળવવા માટે મહિલાઓ પીરિયડ્સમાં પેનકીલરનું સેવન કરે છે. જો આ દવાનું સેવન વારંવાર કરવામાં આવે અથવા થોડા જ સમયમાં ફરી આ જ દવાનું સેવન કરવામાં આવે તો આ તમારા સ્વાસ્થ્ય માટે નુકસાનકારક છે. 

પીરિયડ્સમાં કેમ એટલો દુ:ખાવો થાય છે 
પીરિયડ્સ સમયે ગર્ભાશયમાં હાજર એન્ડોમેટ્રીયમ મેમ્બ્રેન નીકળી જાય છે. આ એક પ્રોસ્ટાગ્લાન્ડિન્સ નામના હોર્મોન્સના કારણે થાય છે. તેના કારણે ગર્ભાશય સંકોચાય જાય છે. જેના કારણે સોજો આવી જાય છે અને દુ:ખાવો થાય છે. 

પેનકીલર 
પીરિયડ્સમાં થતાં દુ:ખાવાથી છુટકારો મેળવવા માટે તમે પેનકીલર લઈ શકો છો. સામાન્ય દુ:ખાવાથી રાહત મેળવવા માટે તમે નોનસ્ટીરોઇડ બળતરા વિરોધી દવાઓ લઈ શકો છો. આ દવા પ્રોસ્ટાગ્લાન્ડિનના સ્તરને વધતાં અટકાવે છે. જેના કારણે ગર્ભાશય ઓછું સંકુચાય છે. સ્વાસ્થ્ય નિષ્ણાંતનાં જણાવ્યા મુજબ 12 કલાકમાં એક જ વાર પેનકીલરનું સેવન કરવું જોઈએ. 

વાંચવા જેવું: કેવી રીતે નખને મજબૂત અને સુંદર બનાવવા? ચાવવાની આદત સહિત આ રીતો છે ખતરનાક, 10 ટ્રિક અજમાવો

પીરિયડ્સ સમયે દુ:ખાવાથી રાહત મેળવવા આ ઉપાય કરવા 

• વધુ પ્રમાણમાં પાણીનું સેવન કરો 
• તમારું પેટ ફુલે તેવા શાકભાજી અને ફળનું સેવન ન કરો 
• વિટામિન D યુક્ત ખોરાકનું સેવન કરો 
• વિટામિન E અને ઓમેગા 3 ફેટી એસિડવાળા ફૂડ્સનું સેવન કરો 
• હળવી કસરત કરો 
• પેટની નીચેના ભાગમાં ગરમ પાણીથી શેક કરો