ખળભળાટ / ભાવનગર મેડિકલ કોલેજમાં PGના વિદ્યાર્થીએ જુનિયર સાથે સૃષ્ટિ વિરુદ્ધનું કૃત્ય આચર્યું હોવાનો ગંભીર આરોપ

• મેડિકલ કોલેજમાં સૃષ્ટિ વિરુદ્ધનું કૃત્ય થયાનો આક્ષેપ
• વિદ્યાર્થી સાથે સૃષ્ટિ વિરુદ્ધનું કૃત્યનો આક્ષેપ
• પોલીસ આરોપી વિદ્યાર્થીને છાવરતી હોવાનો આક્ષેપ

ભાવનગરની મેડિકલ કોલેજમાં બનેલા એક બનાવે શહેરભરમાં ચર્ચા જગાવી દીધી છે. ભાવનગર મેડિકલ કોલેજમાં વિદ્યાર્થી સાથે સૃષ્ટિ વિરુદ્ધનું કૃત્ય થયાનો આક્ષેપ થતાં ખળભળાટ મચી ગઈ છે. વિદ્યાર્થીઓએ નિલમબાગ પોલીસ આરોપી વિદ્યાર્થીને છાવરતી હોવાનો આક્ષેપ કર્યો છે. 

મેડિકલ કોલેજમાં સૃષ્ટિ વિરુદ્ધનું કૃત્ય થયાનો આક્ષેપ
મેડિકલ કોલેજમાં PGના વિદ્યાર્થીએ UGના વિદ્યાર્થી સાથે સૃષ્ટિ વિરુદ્ધનું કૃત્ય આચર્યાનો આક્ષેપ કરવામાં આવી રહ્યો છે. સૃષ્ટિ વિરુદ્ધનું કૃત્યુ આચરવા સાથે પીડિત વિદ્યાર્થીને બદનામ કરવાનો આક્ષેપ કરવામાં આવી રહ્યો છે. આ બનાવને પગલે ગઈકાલે મોટી સંખ્યામાં વિદ્યાર્થીઓ નિલમબાગ પોલીસ મથકે આવી પહોંચ્યા હતા. વિદ્યાર્થીઓની સાથે વિદ્યાર્થિનીઓ પણ નિલમબાગ પોલીસ મથકે આવી પહોંચી હતી અને પોલીસ મથકનો ઘેરાવો કરવામાં આવ્યો હતો.   

PGના વિદ્યાર્થી પર આક્ષેપ
અહીં વિદ્યાર્થીઓના ટોળા દ્વારા આરોપી વિદ્યાર્થી સામે ફરિયાદ નોંધાવાની માંગ કરવામાં આવી હતી. જોકે, વિદ્યાર્થીઓએ નીલમબાગ પોલીસ સ્ટેશનના કર્મચારીઓ પર પણ આક્ષેપ કર્યો છે. વિદ્યાર્થીઓનું કહેવું છે કે પોલીસ બદકામ કરનારા વિદ્યાર્થી સામે ફરિયાદ નોંધાવામાં આનાકાની કરી રહી છે. સાથે જ વિદ્યાર્થીઓએ આક્ષેપ કર્યો છે કે નીલમબાગ પોલીસ આરોપી વિદ્યાર્થીને છાવરી રહી છે.