ટેન્શન / એક ગયુંને બીજું આવ્યું.! કોરોનાના વળતાં પાણી વચ્ચે સામે આવી ખતરનાક બીમારી, ભારતમાં નોંધાયો પહેલો કેસ, WHOને સેમ્પલ મોકલાયા

• ભારતમાં કોરોના વાયરસ બાદ હવે વધુ એક વિચિત્ર બીમારી
• એક ભારતીય ખેડૂત સિલ્વર લીફ નામની બીમારીથી સંક્રમિત 
• આ રોગ છોડ માટે ખૂબ જ જોખમી માનવામાં આવે છે

ભારતમાં કોરોના વાયરસ બાદ હવે વધુ એક વિચિત્ર બીમારી સામે આવતા ચિંતાજનક સ્થિતિ ઊભી થઈ છે. વાત જાણે એમ કે, માહિતી મુજબ આ રોગનું નામ સિલ્વર લીફ છે, જેના કારણે એક ભારતીય ખેડૂત સંક્રમિત થયો છે. વિગતો મુજબ આ રોગ છોડ માટે ખૂબ જ જોખમી માનવામાં આવે છે. રિપોર્ટ અનુસાર 61 વર્ષીય મશરૂમ ખેડૂતને ફ્લૂ જેવા લક્ષણો હતા. ગયા અઠવાડિયે જ અમેરિકન આરોગ્ય અધિકારીઓ દ્વારા કેન્ડીડા ઓરીસ ફૂગ અંગે ચેતવણી જાહેર કરવામાં આવી હતી. આરોગ્ય અધિકારીઓના જણાવ્યા અનુસાર તાજેતરના વર્ષોમાં આ રોગ ત્રણ ગણો વધી ગયો છે.

એક અહેવાલ મુજબ જ્યારે સર્જનોએ પરીક્ષણ માટે ફ્લૂના નમૂના મોકલ્યા ત્યારે કોન્ડ્રોસ્ટેરિયમ પર્પ્યુરિયમની શોધ થઈ. અહેવાલો અનુસાર સિલ્વર લીફ રોગ છોડને ચેપ લગાડે છે, જેના કારણે છોડના પાંદડાઓનો રંગ બદલાવા લાગે છે. એવું માનવામાં આવે છે કે, આ વ્યક્તિ મોલ્ડ, યીસ્ટ અને મશરૂમ્સના સંપર્કને કારણે બીમાર થઈ ગઈ છે. દર્દીની સારવાર કરી રહેલા ડોકટરોના જણાવ્યા અનુસાર આ વ્યક્તિ છોડમાં જોવા મળતી અનેક પ્રકારની ફૂગના સંપર્કમાં આવ્યો હતો. આ રોગ સ્વસ્થ લોકોને પણ સરળતાથી ઘેરી શકે છે.

સિલ્વર લીફ રોગના લક્ષણો શું ? 
રિપોર્ટ્સ અનુસાર દર્દીને લાંબા સમયથી ગળવામાં તકલીફ થઈ રહી હતી. તેને સતત થાક અને અવાજના કર્કશ જેવી સમસ્યા હતી. દર્દીને આ સમસ્યાઓમાંથી છુટકારો મેળવવામાં ત્રણ મહિનાનો સમય લાગ્યો હતો. જોકે દર્દીને કોઈપણ પ્રકારનું સ્વાસ્થ્ય જોખમ ન હતું. દર્દીની છાતીનો એક્સ-રે પણ કરવામાં આવ્યો હતો, જેનું પરિણામ નોર્મલ આવ્યું હતું. જોકે સીટી સ્કેનથી ખબર પડી કે વ્યક્તિની ગરદનમાં પેરાટ્રેકિયલ ઈન્ફેક્શન છે.

WHO ને મોકલ્યા સેમ્પલ 
આ રોગ તેના સંપર્કમાં આવનારા 60 ટકા લોકોને મારી શકે છે. દર્દીની સારવાર કરનારા ડોકટરોએ કેસ પેપર પણ WHOને મોકલ્યા હતા. દર્દીના પ્રારંભિક સ્કેનમાં વિન્ડ પાઇપ (વિન્ડપાઇપ) ચેપનો સંકેત મળ્યો હતો. સ્થાનિક સંશોધકોએ તેને કોન્ડ્રોસ્ટેરિયમ પર્પ્યુરિયમ નામ આપ્યું છે.