- સતત એસીમાં રહેવાથી તેની આદત પડી જાય છે
- એસીના કારણે ડિહાઈડ્રેશન અને સ્કિન ડ્રાયનેસની સમસ્યા થઈ શકે છે
- એસીનો વધુ ઉપયોગથી માઇગ્રેન થઇ શકે છે
5 Major Side Effects of AC:ગરમીમાં એર કંડિશનર (AC) માં બેસવુ દરેકને પસંદ હોય છે. ACની ઠંડી હવા દરેક ઉંમરના લોકોને આકર્ષિત કરે છે. કેટલાક લોકો કારથી ઓફિસ અને ઓફિસથી ઘર સુધી આખો સમય એસીમાં જ રહે છે. આવા લોકોને થોડા સમય પછી એર કંડિશનરની આદત પડી જાય છે અને તેમને એસી વગર ગમતું નથી. જ્યારે પણ તેઓ એસીમાંથી બહાર નીકળે છે ત્યારે તેમની તબિયત ખરાબ થવાનો ભય રહે છે. શું તમે જાણો છો કે તમારી આ આદત ખતરનાક સાબિત થઈ શકે છે. એસીના વધુ પડતા ઉપયોગથી શરીરને અનેક મોટા નુકસાન થાય છે.
એક રિપોર્ટ મુજબ, નબળા વેન્ટિલેશનવાળા એર કંડિશનરનો વધુ પડતો ઉપયોગ માથાનો દુખાવો, ઉધરસ, ઉબકા અને શુષ્ક ત્વચા સહિત આરોગ્ય સંબંધિત સમસ્યાઓનું કારણ બની શકે છે. એર કન્ડીશનિંગની સીધી અસર આપણા સ્વાસ્થ્ય પર પડે છે. AC પ્રત્યે થોડી બેદરકારી તમને બીમાર કરી શકે છે. ખાસ કરીને જે લોકો આખો સમય AC નો ઉપયોગ કરે છે, તેમને તેનાથી થતા નુકસાન વિશે જાણવું જ જોઈએ. આવો જાણીએ એસીના વધુ પડતા ઉપયોગથી થતી 5 મોટી સમસ્યાઓ વિશે...
એસીનો વધુ પડતો ઉપયોગ કરવાથી થાય છે આ નુકશાન
1. એર કંડિશનર ભેજ ઘટાડવા અને રૂમને ઠંડુ કરવા માટે રૂમમાંથી ભેજ ખેંચે છે. આ તમારી ત્વચામાંથી પાણી ખેંચી શકે છે અને તમે ડિહાઇડ્રેશનનો શિકાર બની શકો છો. એસીના કારણે ડિહાઈડ્રેશન અને સ્કિન ડ્રાયનેસની સમસ્યા થઈ શકે છે.
2. કેટલાક અભ્યાસો સૂચવે છે કે, જે લોકો વાતાનુકૂલિત ઇમારતોમાં કામ કરે છે તેઓને શ્વસન સંબંધી સમસ્યાઓ જેમ કે વહેતું નાક અને શ્વાસ લેવામાં તકલીફ થવાની શક્યતા કુદરતી વેન્ટિલેશનવાળી ઇમારતોમાં કામ કરતા લોકોની તુલનામાં વધુ હોય છે.
3. જાણકારોનું માનીએ તો, ઉનાળામાં એર કંડિશનરનો વધુ પડતો ઉપયોગ માથાનો દુખાવો અથવા માઇગ્રેનનું જોખમ વધારી શકે છે. જે લોકોને માઈગ્રેનની સમસ્યા છે, તેમણે એસીનો વધુ ઉપયોગ ન કરવો જોઈએ, નહીં તો માઈગ્રેન થઈ શકે છે.
4. વૈજ્ઞાનિકોના મતે, એર કન્ડીશનિંગમાં વધુ સમય વિતાવવાથી લોકો માટે ગરમ તાપમાનનો સામનો કરવો મુશ્કેલ બને છે. જો તમે લાંબા સમય સુધી AC માં રહો છો, તો તમારા શરીરની ગરમી ટોલરેન્સ કરવાની ક્ષમતા ઓછી થઈ જશે, જેના કારણે તમને અન્ય ગરમ સ્થળોએ ઘણી તકલીફ પડશે.
5. વાતાનુકૂલિત સ્થળોએ ભેજનો અભાવ છે, જેના કારણે તમારી આંખોમાં શુષ્કતાની સમસ્યા ઉભી થઈ શકે છે. આ સિવાય આંખોમાં ખંજવાળ અને બળતરા થઈ શકે છે. આટલું જ નહીં, લાંબો સમય ACમાં રહેવાથી દ્રષ્ટિ પણ ઝાંખી પડી શકે છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
