ગંભીર / ભ્રષ્ટાચારનો ભાર? રાજકોટમાં 100 કરોડનો બ્રિજ આઠ મહિના મોડો બન્યો અને એક જ વર્ષમાં પડી ગઈ તિરાડો

• રાજકોટમાં એક વર્ષ પહેલાં ખુલ્લો મુકવામાં આવેલા બ્રિજમાં તિરાડ
• સિવિલ હોસ્પિટલ ચોકમાં બનાવવામાં આવેલ ટ્રાય એંગલ બ્રિજમાં છતના ભાગે તિરાડ
• એક જ વર્ષમાં તિરાડો જોવા મળતા અનેક સવાલો ઉઠ્યા
• 100 કરોડથી વધુના ખર્ચે બ્રિજ ત્યાર કરવામાં આવ્યો
• 8 મહિના મોડું કામ પૂર્ણ કર્યું તો પણ અનેક સવાલો

Rajkot Bridge News : રાજકોટમાં એક વર્ષ પહેલાં ખુલ્લો મુકવામાં આવેલા બ્રિજમાં તિરાડ પડ્યાની ઘટના સામે આવી છે. વાત જાણે એમ છે કે, આ બ્રિજને બનાવવામાં પહેલા જ 8 મહિના મોડું થયું હતું. જોકે હવે આ બ્રિજ બન્યાના એક મહિનામાં જ તિરાડો પડતાં હવે અનેક સવાલો પણ ઊભા થઈ રહ્યા છે. નોંધનિય છે કે, આ બ્રિજને 100 કરોડથી વધુના ખર્ચે તૈયાર કરવામાં આવ્યો હતો. 

રંગીલા રાજકોટમાં એક વર્ષ પહેલા બનાવવામાં આવેલ બ્રિજમાં તિરાડો પડતાં કથિત રીતે ભ્રષ્ટાચારની સંભાવના દેખાઈ રહી છે. વિગતો મુજબ રાજકોટમાં સિવિલ હોસ્પિટલ ચોકમાં બનાવવામાં આવેલા ટ્રાય એંગલ બ્રિજમાં છતના ભાગે તિરાડ પડી ગઈ છે. આ બ્રિજને 100 કરોડથી વધુના ખર્ચે બ્રિજ તૈયાર કરાયો હતો. જોકે માત્ર એક વર્ષમાં જ આ બ્રિજમાં તિરાડો પડી જતા અનેક સવાલ ઊભા થયા છે. 

બ્રિજ આઠ મહિના મોડો બન્યો અને એક જ વર્ષમાં પડી ગઈ તિરાડો 
રાજકોટમાં સિવિલ હોસ્પિટલ ચોકમાં બનાવવામાં આવેલા ટ્રાય એંગલ બ્રિજ એક વર્ષ પહેલાં ખુલ્લો મુકવામાં આવ્યો હતો. વિગતો મુજબ આ 100 કરોડથી વધુના ખર્ચના આ બ્રિજનું કામ તેના નિર્માણના નિર્ધારિત સમય કરતાં 8 મહિના બાદ પૂર્ણ થયું હતું. જે બાદમાં 19 ઓક્ટોમ્બર 2022ના રોજ બ્રિજ ખુલ્લો મૂકવામાં આવ્યો હતો. જોકે હવે બ્રિજના સર્કલમાં જોઇન્ટ વગરના બ્રિજમાં તિરાડો જોવા મળતા અનેક સવાલો ઊભા થયા છે . 

સળગતા સવાલો  

• સરકારી બાંધકામમાં ક્યારે અટકશે ભ્રષ્ટાચાર?
• બ્રિજની કામગીરી અંગે તંત્ર કેમ ગંભીર નહીં?
• હાઇકોર્ટની ફટકાર બાદ પણ પરિસ્થિતિ કેમ ન સુધરી?
• એક વર્ષમાં બ્રિજમાં કઈ રીતે તિરાડો પડી શકે?
• તંત્ર ક્યારે કરશે જવાબદારો સામે કાર્યવાહી?
• 8 મહિના કામ મોડું પૂર્ણ કર્યા બાદ પણ કેમ વેઠ ઉતારી?
• મોટી દુર્ઘટના થાય તો કોણ જવાબદાર?