ધર્મ / જાણો ભગવાન શિવને કેમ તુલસી નથી અર્પણ કરાતી, તેની પાછળ જોડાયેલ શ્રાપ કનેક્શન

• હિંદુ ધર્મમાં ભગવાન શિવની પૂજાનું મહત્ત્વ.
• ભગવાન શિવને તુલસીના પાન અર્પણ કરવામાં આવતા નથી. 
• જાણો તેની પાછળ જોડાયેલ શ્રાપ કનેક્શન.

હિંદુ ધર્મમાં ભગવાન શિવની પૂજાનું મહત્ત્વ રહેલું છે. માનવામાં આવે છે કે, ભગવાન શિવની સાચા મનથી પૂજા કરવાથી ભગવાન શિવની વિશેષ કૃપા રહે છે. ભગવાન પર શિવ પર જળાભિષેક અને બિલી પત્ર ચઢાવવાથી ખુશ થઈ જાય છે અને કૃપા વરસાવે છે. શાસ્ત્રો અનુસાર ભગવાન શ્રી કૃષ્ણ અને શ્રી હરિને તુલસીના પાન ખૂબ જ પ્રિય છે. પરંતુ ભગવાન શિવ અને ગણેશને ભૂલથી પણ તુલસીના પાન ન ચઢાવો.

પૌરાણિક કથા
પૌરાણિક કથા અનુસાર તુલસીનું પૂર્વ જન્મમાં નામ વૃંદા હતું અને તે જાલંધર નામના રાક્ષસની પત્ની હતી. જાલંધકર ભગવાન શિવનો અંશ હતો, પરંતુ તેના ખરાબ કર્મોને કારણે તેનો જન્મ રાક્ષસ કુળમાં થયો હતો. જાલંધરને તેન વીરતા પર ખૂબ જ ઘમંડ હતું અને તમામ લોકો તેનાથી પરેશાન હતા. તેની પત્ની પતિવ્રતા સ્ત્રી હોવાને કારણે કોઈ તેની હત્યા કરી શકતું નહોતું. 

રાક્ષસ જાલંધરના મૃત્યુ માટે વૃંદાનો પતિવ્રતા ધર્મ ખતમ થવો જરૂરી હતો. જાલંધરના અત્યાચાર વધવાને કારણે, તે જનકલ્યાણ માટે ભગવાન વિષ્ણુએ રાક્ષસ જાલંધરનું રૂપ ધારણ કર્યું અને વૃંદાનું પતિવ્રતા ધર્મ તોડી નાખ્યું હતું. વૃંદાને આ વાતની જાણ થતા તેણે ભગવાન વિષ્ણુને શ્રાપ આપ્યો. 

ભગવાન વિષ્ણુએ શ્રાપ આપ્યો
વૃંદાના શ્રાપથી રુષ્ઠ થઈને ભગવાન વિષ્ણુએ જણાવ્યું કે, તેઓ રાક્ષસ જાલંધરથી લોકોને બચાવી રહ્યા છે અને વૃંદાને લાકડી બનવાનો શ્રાપ આપી દીધો. વૃંદાનું પ્રતિવ્રતા ધર્મ નષ્ટ થતા ભગવાન શિવે રાક્ષસ જાલંધરની હત્યા કરી દીધી. ભગવાન વિષ્ણુના શ્રાપથી વૃંદા તુલસી બની ગઈ. કહેવામાં આવે છે કે, તુલસી શ્રાપિત છે અને ભગવાન શિવે તેના પતિની હત્યા કરી,  કારણોસર શિવ પૂજામાં તુલસી ચઢાવવામાં આવતી નથી. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)