આસ્થા / ભગવાન ભોળાનાથને કરો આ રીતે પ્રસન્ન, તો નર્કમાં જવાના બદલે મુક્તિ મળશે, જાણો શુભ મૂહુર્ત

• નર્ક નિવારણ ચતુર્દશીની વિશેષતા
• ભગવાન શિવને લવિંગ અર્પણ કરવા જોઈએ  
• નર્ક નિવારણ ચતુર્દશીનું શુભ મુહૂર્ત

માઘ મહિનાની કૃષ્ણ પક્ષની ચતુર્દશી નર્ક નિવારણ ચતુર્દશી કહેવામાં આવે છે. એવી માન્યતા છે કે આ દિવસે ભગવાન શિવની પૂજા-અર્ચના કરવાથી તેમની કૃપા પ્રાપ્ત થાય છે. આ સાથે લોકોને નર્કથી પણ મુક્તિ મળે છે. આ દિવસને માસિક શિવરાત્રી પણ કહેવામાં આવે છે.  આ વર્ષે 24 ફેબ્રુઆરીએ નર્ક નિવારણ ચતુર્દશી છે. 

નર્ક નિવારણ ચતુર્દશીની વિશેષતા 
સનાતન ધર્મમાં ચતુર્દશી તિથિનું વિશેષ મહત્વ છે. એક વર્ષની અંદર 24 ચતુર્દશી હોય છે. આ દિવસે ભગવાન  શિવની પૂજા કરવી ખૂબ જ શુભ માનવામાં આવે છે. જ્યોતિષનું કહેવું છે કે આ દિવસે ભગવાન શિવ અને માતા પાર્વતીના લગ્ન નક્કી થયા હતા. જે પણ લોકો નર્ક ચતુર્દશીનું વ્રત કરે છે, તેમણે નર્ક નથી જવું પડતું. આ સાથે તેમણે જણાવ્યું કે, આ દિવસે ગંગા સ્નાનનો વિશેષ મહિમા છે. આ દિવસે ભગવાન શિવને ગંગાજળ, દૂધ, દહીં, ઘી, મધ, ગુલાબ અને બિલી પત્ર અર્પણ કરવા જોઈએ. તેનાથી વિશેષ લાભ મળે છે. આ સાથે તેમણે જણાવ્યું કે જો ભગવાન શિવને લવિંગ અર્પણ કરવામાં આવે તો તેનાથી તમારા દરેક કષ્ટ દૂર થાય છે. 

વાંચવા જેવું: આ 4 રાશિના જાતકોમાં લવમેરેજના યોગ, પ્રેમીના દરેક સપના પૂરા કરવાનું હોય છે જનુન, વફાદારી સૌથી વધારે

નર્ક નિવારણ ચતુર્દશીનું શુભ મુહૂર્ત 
જ્યોતિષના જણાવ્યા મુજબ, 8 ફેબ્રુઆરી 2024 ના સવારે 6:41 વાગ્યે ચતુર્દશીની તિથિ શરૂ થાય છે. જે 9 ફેબ્રુઆરી 7:22 વાગ્યા સુધી રહેશે. આ તિથિની શરૂઆત ઉત્તરાષદા નક્ષત્રમાં થઈ રહી છે. જે ઘણું ફાયદાકારક માનવામાં આવે છે. આ દિવસે ભગવાન શિવ સાથે માતા પાર્વતીની પૂજા કરવામાં આવે તો ઉત્તમ ફળની પ્રાપ્તિ થશે.