- WHO એ સોમવારે બીજી મેલેરિયા રસીને મંજૂરી આપી દીધી છે
- મલેરિયાની આ બીજી રસીની કિંમત અંદાજે રૂ. 166 થી 335
- ત્રણ ડોઝની આ નવી રસી 75 ટકાથી વધુ અસરકારક છે
વર્લ્ડ હેલ્થ ઓર્ગેનાઈઝેશન (WHO) એ સોમવારે મેલેરિયાની બીજી રસીને મંજૂરી આપી છે. આ નિર્ણયથી દેશોને પ્રથમ મેલેરિયાની રસી કરતાં સસ્તો અને વધુ અસરકારક વિકલ્પ મળી શકે છે. WHOના ડાયરેક્ટર જનરલે જણાવ્યું હતું કે યુએન હેલ્થ એજન્સી બે નિષ્ણાત જૂથોની સલાહ પર નવી મેલેરિયા રસીને મંજૂરી આપી રહી છે. નિષ્ણાત જૂથોએ મેલેરિયાના જોખમવાળા બાળકોમાં તેનો ઉપયોગ કરવાની ભલામણ કરી છે. મેલેરિયા સંશોધક તરીકે, મેં તે દિવસનું સપનું જોયું જ્યારે આપણી પાસે મેલેરિયા સામે સુરક્ષિત અને અસરકારક રસી હશે. હવે આપણી પાસે બે રસી છે.
મલેરિયાની આ બીજી રસીની કિંમત અંદાજે રૂ.166 થી 335
બાળકોમાં મેલેરિયાના નિવારણ માટે WHO દ્વારા મંજૂર કરાયેલ નવી રસીનું નામ R21/Matrix-M છે. કહેવામાં આવી રહ્યું છે કે આ રસી આવતા વર્ષે બજારમાં ઉપલબ્ધ થશે. નવી R21/Matrix-M રસી ઓક્સફર્ડ યુનિવર્સિટી દ્વારા વિકસિત અને સીરમ ઇન્સ્ટિટ્યૂટ ઓફ ઇન્ડિયા દ્વારા ઉત્પાદિત કરવામાં આવી છે, જે ત્રણ આફ્રિકન દેશોમાં ઉપયોગ માટે પહેલાથી જ મંજૂર કરવામાં આવી છે. એક ડોઝની કિંમત $2 અને $4ની વચ્ચે હશે એટલે કે અંદાજે રૂ. 166 થી 335 હશે.
ત્રણ ડોઝની આ નવી રસી 75 ટકાથી વધુ અસરકારક છે
ઓક્સફર્ડ યુનિવર્સિટીએ સીરમ ઈન્સ્ટિટ્યૂટ ઓફ ઈન્ડિયાની મદદથી ત્રણ ડોઝની નવી રસી વિકસાવી છે. સંશોધન દર્શાવે છે કે તે 75 ટકાથી વધુ અસરકારક છે અને બૂસ્ટર ડોઝ સાથે ઓછામાં ઓછા બીજા વર્ષ સુધી રક્ષણ ચાલે છે. આ વર્ષની શરૂઆતમાં ઘાના અને બુર્કિના ફાસોમાં નિયમનકારી સત્તાવાળાઓ દ્વારા રસી મંજૂર કરવામાં આવી હતી.
પ્રથમ રસી માત્ર 30 ટકા અસરકારક છે
ડબ્લ્યુએચઓએ 2021 માં પ્રથમ રસીને મેલેરિયાનો ખતરનાક રોગને નાબૂદ કરવા માટેનો ઐતિહાસિક પ્રયાસ ગણાવ્યો હતો. GSK દ્વારા ઉત્પાદિત 'Mosquirix' નામની રસી માત્ર 30 ટકા અસરકારક છે અને તેને ચાર ડોઝની જરૂર છે, અને તેની સુરક્ષા થોડા મહિનામાં જ ઘટી જાય છે. બિલ એન્ડ મેલિન્ડા ગેટ્સ ફાઉન્ડેશને ગયા વર્ષે Mosquarix માટેનું ભંડોળ પાછું ખેંચી લીધું હતું અને કહ્યું હતું કે તેની અસર ઓછી છે અને પૈસાનો ઉપયોગ બીજી સારી જગ્યા પર કરી શકવામાં આવે છે. જીએસકેએ કહ્યું છે કે તે એક વર્ષમાં તેની રસીના લગભગ 1.5 કરોડ ડોઝનું ઉત્પાદન કરી શકે છે, જ્યારે સીરમ ઇન્સ્ટિટ્યૂટ ઓફ ઇન્ડિયાએ કહ્યું છે કે તે એક વર્ષમાં ઓક્સફર્ડ રસીના 20 કરોડ ડોઝનું ઉત્પાદન કરી શકે છે.
મેલેરિયાને કારણે દર વર્ષે લાખો શિશુઓ મૃત્યુ પામે છે. આ સૌથી મોટી આરોગ્ય કટોકટી છે. એટલા માટે આ બીજી રસીને મંજૂરી આપવામાં આવી છે. માહિતી અનુસાર, દર વર્ષે 10 કરોડથી વધુ ડોઝ બનાવવા માટે કરાર કરવામાં આવ્યા છે. મેલેરિયા સામે અસરકારક રસી વિકસાવવા વૈજ્ઞાનિકો ઘણા વર્ષોથી પ્રયાસ કરી રહ્યા છે. WHO અનુસાર, મલેરિયા મચ્છરના કરડવાથી ફેલાય છે. આ વાયરસ કરતાં ઘણું મોટું છે. મેલેરિયાનો ભોગ બન્યા પછી, કુદરતી રીતે રોગપ્રતિકારક શક્તિ વિકસાવવી મુશ્કેલ બની જાય છે. તેની સામે રસી વિકસાવવી એ પણ ઘણું મુશ્કેલ કામ છે.
