કોરોના વાયરસ / આવનારા 6-7 મહિનામાં આવી શકે છે કોરોનાની ત્રીજી લહેર, આ રીતે બચી શકાશે

• નવી લહેર યુવાનોને પ્રભાવિત કરશે
• આ ઠંડીમાં આવવાની શક્યતા
• એક મજબૂત ઈન્ફ્રાસ્ટ્રક્ચર ઉભુ કરવું પડશે

ત્રીજી લહેર ક્યાં સુધીમાં આવશે તે અંગે કંઈ ન કહી શકાય- એક્સપર્ટ

કોરોનાની બીજી લહેર કહેર વર્તાવી રહી છે. ત્યારે હવે ત્રીજી લહેરને લઈને એક્સપર્ટનું માનવું છે કે તે આવશે. પરંતુ તે ક્યાં સુધીમાં આવશે તે અંગે કંઈ ન કહી શકાય.  કેન્દ્ર સરકારના પ્રિંન્સિપલ સાયન્ટિફિક એડવાઈઝર પ્રોફેસર વિજય રાધવને બુધવારે કહ્યુ કે બીજી લહેર બાદ ત્રીજી લહેર આવશે. પ્રેસ કોન્ફરન્સમાં કહ્યુ કે ત્રીજી લહેર આવશે ક્યારે આવશે અને કેટલી ખતરનાક હશે તે  ન કહી શકાય. કોરોના સતત વેરિએન્ટ બદલી રહ્યો છે ત્રીજી લહેર માટે તૈયાર રહેવુ પડશે. તેમણે કહ્યુ કે રસી અસરકારક છે પણ તેને અપગ્રેડ કરવા પર કામ કરાયી રહ્યું છે.

આ ઠંડીમાં આવવાની શક્યતા

ત્રીજી લહેર અંગે બેંગ્લુરુ સ્થિત ઈન્ડિયન ઈન્સ્ટીટ્યૂટ ઓફ પબ્લિક હેલ્થમાં મહામારી વિશેષજ્ઞ ડો. ગિરિધર બાબૂ કહે છે કે આ ઠંડીમાં આવવાની શક્યતા છે. નવેમ્બરના અંતમાં અથવા ડિસેમ્બરની શરુઆતમાં. આ માટે આ સંક્રમણમાં જેમને સૌથી વધારે સંકટ છે તેમને જલ્દીમાં જલ્દી રસી આપવી જરુરી છે.  તેમણે કહ્યુ નવી લહેર યુવાનોને પ્રભાવિત કરશે. ગિરિધર કર્ણાટકમાં નેશનલ કોવિડ ટાસ્ક ફોર્સના મેમ્બર અને એડવાઈઝર પણ છે.

આ રીતે રોકી શકાશે નવી લહેરને

ડો. ગિરિધરે એમ પણ કહ્યુ કે ત્રીજી લહેર 3 ફેક્ટર પર નિર્ભર કરે છે. પહેલા તો તે ડિસેમ્બર સુધી આપણે કેટલાનું રસીકરણ કરીએ છીએ. બીજુ આપણે સુપર સ્પેડર ઈવેન્ટને કેટલી રોકી શકીએ છીએ અને ત્રીજુ કેટલી જલ્દી નવા વેરિએન્ટને ઓળખી શકીએ છીએ.  ત્રીજી લહેરમાં શું થઈ શકે એ અંગે વાત કરતા મૈથમેટિક મોડલ એક્ટપર્ટ પ્રોફેસર એમ. વિદ્યાસાગર કહે છે કે હાલ મોટી સંખ્યામાં લોકો સંક્રમિત છે જેમાં એ સિમ્ટોમેટિક છે. તેમનામાં 6 મહિના સુધી ઈમ્યુનિટી રહેશે પછી નબળી પડશે. એટલે મોટા પ્રમાણ રસીકરણ વધારવુ જોઈએ.

એક મજબૂત ઈન્ફ્રાસ્ટ્રક્ચર ઉભુ કરવું પડશે

ડો. બાબૂ કહે છે કે એક્સપર્ટની સલાહ પર ધ્યાન રાખી તૈયાર રહેવાની જરુર છે.  તેમજ એક મજબૂત ઈન્ફ્રાસ્ટ્રક્ચર ઉભુ કરવું પડશે.  સરકારની આંકડા મુજબ 16.24 કરોડ લોકોને રસી લાગી છે. ભારતમાં અત્યાર સુધી 11 ટકા વસ્તી એવી છે જેમને વેક્સિનનો 1 ડોઝ લાગ્યો છે. આંકડા ઘણા નાના છે.  રોજ 40થી 50 લાખ લોકોનું રસીકરણ થવું જોઈએ જે રસીની અછતને લીધે નથી થઈ રહ્યુ. ત્યારે કોરોનાની બીજી લહેરના 7 મે સુધી પીક પર આવવાનો અંદાજો લગાવાઈ રહ્યો છે. આ બાદ તેમાં ઘટાડો થઈ શકે છે. અલગ અલગ રાજ્યોમાં અલગ અલગ સમયે પીક આવશે.