- અયોધ્યા રામ મંદિર પ્રાણ પ્રતિષ્ઠાને લઈ તૈયારીઓ પુરજોશમાં
- 2005માં રામજન્મભૂમિ પર પર આતંકવાદીઓએ કર્યો હતો હુમલો
- ગ્રેનેડ-રોકેટ ફેંક્યા પણ રામલલાની મૂર્તિને કશું ન થયું
Ayodhya Ram Mandir : હાલ અયોધ્યા રામ મંદિર પ્રાણ પ્રતિષ્ઠાને લઈ તૈયારીઓ ચાલી રહી છે. આ દરમિયાન હમણાં તાજેતરમાં જ કેટલાક ઇસમોએ રામ મંદિરને બોમ્બથી ઉડાવી દેવાની ધમકી આપી હતી. જોકે બાદમાં જે ઈમેલ આઈડી પરથી ધમકી આપવામાં આવી તે નકલી હોવાનું સામે આવ્યું હતું. જોકે આપણે ઇતિહાસમાં નજર કરીએ તો વર્ષ 2005માં રામજન્મભૂમિ પર પર જૈશ-એ-મોહમ્મદના આતંકવાદીઓ દ્વારા હુમલો કરવામાં આવ્યો હતો. આજે આપણે જાણીશું એ ઘટના વિશે કે, જેમાં આતંકવાદીઓએ ગ્રેનેડ-રોકેટ ફેંક્યા પણ રામલલાની મૂર્તિને કશું થયું નહોતું.
જાણો 2005 અયોધ્યા આતંકવાદી હુમલા વિશે ?
રામજન્મભૂમિ પર આ આતંકી હુમલો જૈશના 5 આતંકીઓએ કર્યો હતો. આ આતંકવાદીઓ સફેદ જીપમાં સવાર થઈને આવ્યા હતા. આતંકીઓએ હુમલા માટે સવારનો સમય પસંદ કર્યો હતો. મંદિરનું આખું સંકુલ લોખંડના જાડા સળિયાથી ઘેરાયેલું હતું. જો તેઓ ગેટમાંથી ગયા હોત તો તેઓ પકડાઈ ગયા હોત, તેથી આ સુરક્ષા કોર્ડનને ઘૂસાડવા માટે આતંકવાદીઓએ આરડીએક્સ ભરેલી જીપનો ઉપયોગ કર્યો હતો.
એક ગેટ તો બોમ્બથી ઉડાવી દીધો પણ....
અહેવાલો મુજબ આતંકવાદીઓ જીપમાં આવ્યા પણ મંદિર પહોંચતા પહેલા જ નીચે ઉતરી ગયો. એક આતંકવાદી જીપને લોખંડના સળિયાની વાડ પાસે લઈ ગયો. તેણે આત્મઘાતી હુમલામાં જીપમાં ભરેલા ગનપાઉડરને વિસ્ફોટ કર્યો હતો. અને જોરદાર વિસ્ફોટ થયો. આ બ્લાસ્ટમાં એક નાગરિકે પણ જીવ ગુમાવ્યો હતો. આ વિસ્ફોટની સાથે જ અંદર સુધી પહોંચવાનો રસ્તો બની ગયો હતો. જો કે, આની બહાર હજુ પણ એક દિવાલ હતી. જેની અંદર ગર્ભગૃહ હતું. આતંકવાદીઓ મંદિરથી માત્ર 50 મીટર દૂર પહોંચી ગયા હતા. ત્રણ આતંકવાદીઓ અંદરની દિવાલ પર ચઢી ગયા અને મંદિર પર ગ્રેનેડ અને રોકેટ ફેંક્યા. પરંતુ તેની યોજના સફળ થઈ શકી નહીં.
વાંચો વધુ: દેવરહા બાબા: જેમણે દાયકાઓ પહેલા કરી હતી રામ મંદિરની ભવિષ્યવાણી, લોકવાયકા છે કે તેઓ 900 વર્ષ જીવ્યા
સુરક્ષાદળોએ શરૂ કર્યો ગોળીબાર અને પછી....
આ તરફ મંદિર પર ગ્રેનેડ ફેંક્યા બાદ તેઓએ મંદિરની સુરક્ષા માટે તૈનાત સૈનિકો પર ગોળીબાર શરૂ કરી દીધો હતો. તરત જ જવાબી કાર્યવાહી કરવામાં આવી હતી. બંને તરફથી લાંબા સમય સુધી ગોળીબાર થતો રહ્યો. એક પછી એક તમામ આતંકવાદીઓ માર્યા ગયા. એક આતંકવાદી માનવ બોમ્બના વેશમાં આવ્યો હતો. ફાયરિંગ દરમિયાન તેના કપડા ઉડી ગયા હતા. આ હુમલામાં ત્રણ સુરક્ષા દળો ઘાયલ થયા હતા.
ગ્રેનેડ-રોકેટ ફેંક્યા પણ રામલલાની મૂર્તિને કશું ન થયું
આ હુમલામાં આતંકવાદીઓની યોજના સફળ થઈ શકી નથી. મંદિર પર ફેંકવામાં આવેલ ગ્રેનેડ વિસ્ફોટ થયો ન હતો. આતંકીઓ પાસેથી 15 લાઈવ ગ્રેનેડ, પાંચ એકે-47 રાઈફલ્સ, બે 9 એમએમ પિસ્તોલ અને રોકેટ લોન્ચર મળી આવ્યા છે. જ્યારે આતંકવાદીઓએ આટલા દારૂગોળા સાથે હુમલો કર્યો ત્યારે મંદિર પરિસરમાં 300 CRPF જવાનો, 600 PAC જવાનો અને 24 UP પોલીસના જવાનો તૈનાત હતા. આ હુમલાના કેસમાં વિશેષ અદાલતે 2019માં શકીલ અહેમદ, મોહમ્મદ નસીમ, આસિફ ઈકબાલ અને ડૉ. ઈરફાનને આજીવન કેદની સજા સંભળાવી હતી. જેમાંથી ઈરફાન યુપીના સહારનપુરનો રહેવાસી છે. જ્યારે બાકીના ત્રણ દોષિતો જમ્મુ-કાશ્મીરના પૂંચના રહેવાસી છે.
તાજેતર જ રામ મંદિરને બોમ્બથી ઉડાવી દેવાની ધમકી અપાઈ હતી
મહત્વનું છે કે, 27 ડિસેમ્બર 2023ના રોજ અયોધ્યામાં રામ મંદિરને બોમ્બથી ઉડાવી દેવાની ધમકી આપવામાં આવી હતી. યુપીના DGP ઓફિસ દ્વારા માહિતી આપવામાં આવી હતી કે CM યોગી, STF ચીફ અમિતાભ યશ અને ભારતીય કિસાન મંચના દેવેન્દ્ર નાથ તિવારીની સાથે રામ મંદિરને પણ બોમ્બથી ઉડાવી દેવાની ધમકી આપવામાં આવી છે. જણાવવામાં આવ્યું હતું કે, ઝુબેર ખાન નામના ઈમેલ આઈડી પરથી ધમકીભર્યો મેલ આવ્યો છે. જોકે, તપાસ કરતાં આઈડી નકલી હોવાનું જાણવા મળ્યું હતું. અને પોલીસે ધમકી આપવાના આરોપમાં તહર સિંહ અને ઓમ પ્રકાશ મિશ્રા નામના આરોપીઓની ધરપકડ કરી હતી. આરોપીની ધરપકડ બાદ વહીવટીતંત્ર અને પોલીસે રાહતનો શ્વાસ લીધો હતો. કારણ કે રામ મંદિરમાં પ્રાણ પ્રતિષ્ઠા પ્રસંગે 2005 જેવી ઘટના કોઈ પણ ભોગે સાંખી શકાય નહીં.
