ફીચર / WhatsApp પર કોઈ અન્ય નહીં વાંચી શકે તમારી ચેટ, આવી રીતે કરો લોક, જાણો કયા યુઝર્સને મળશે આ સુવિધા

• વ્હોટ્સએપ સતત નવા ફીચર્સ રિલીઝ કરી રહ્યું છે.
• યૂઝર્સ ચેટ્સને લોક પણ કરી શકે છે.
• વ્હોટ્એપ લોક કરવાની જરૂર નહીં પડે.

વ્હોટ્સએપ સતત નવા ફીચર્સ રિલીઝ કરી રહ્યું છે. કંપનીએ આ સપ્તાહે મલ્ટી ડિવાઈસ સપોર્ટ એડ કર્યું છે. આ ફીચરની મદદથી યૂઝર્સ એક વ્હોટ્સએપ એકાઉન્ટને અનેક ડિવાઈસમાં એક્સેસ કરી શકાય છે. યૂઝર્સ ચેટ્સને લોક પણ કરી શકે છે. વ્હોટ્સએપમાં ચેટ લોક ફીચર એડ કરવામાં આવશે. હાલ આ ફીચર્સ માત્ર થોડા યૂઝર્સ માટે જ ઉપલબ્ધ હશે. આ ફીચર વિશે અહીંયા વિગતવાર જાણકારી આપવામાં આવી છે. 

વ્હોટ્સએપ લોક ફીચર
WaBetaInfo રિપોર્ટ અનુસાર કેટલાક બીટા યૂઝર્સને નવું ચેટ લોક ફીચર આપવામાં આવશે. આ ફીચરની મદદથી યૂઝર્સે વ્હોટ્એપ લોક કરવાની જરૂર નહીં પડે. જે ચેટ હાઈડ કરવાની હોય, તે જ ચેટ લોક કરી શકાશે. લોક કરેલ ચેટના ફોટોઝ અને વિડીયો પણ ઓટોમેટીક ડાઉનલોડ નહીં થાય. આ ફીચરથી યૂઝર્સની પ્રાઈવસી રહેશે. WaBetaInfoએ આ ફીચરનો સ્ક્રીનશોટ પણ શેર કર્યો છે. જેમાં વ્હોટ્સએપનું અપકમિંગ ફીચર જોઈ શકાય છે. 

ચેટ લોક કેવી રીતે કરી શકાય?

• સૌથી પહેલા વ્હોટ્સએપ ઓપન કરવાનું રહેશે અને કોઈપણ ચેટ ઓપન કરવાની રહેશે. ઈન્ડિવિઝ્યુઅલ અને ગૃપ ચેટ પણ લોક કરી શકાય છે. 
• જે ચેટ લોક કરવી હોય તે ચેટ પર જવાનું રહેશે હવે પ્રોફાઈલ પર ક્લિક કરો. 
• યૂઝર્સે નીચે સ્ક્રોલ કરવાનુ રહેશે, ત્યાર બાદ ચેટ લોક ઓપ્શન જોવા મળશે. 
• હવે Lock this chat with fingerprint ઓપ્શન દેખાશે. હવે તમે કોઈપણ ચેટ લોક કરી શકો છો. 
• હાલ માત્ર ગણતરીના વ્હોટ્સએપનું આ ફીચર આપવામાં આવી રહ્યું છે. સ્ટેબલ યૂઝર્સને આ ફીચર કયારે આપવામાં આવશે, તે અંગે જાણકારી આપવામાં આવી નથી. રિપોર્ટ્સ અનુસાર આવનારા દિવસોમાં અન્ય બીટા યૂઝર્સને આ ફીચરનો લાભ આપવામાં આવશે.