તમારા કામનું / WhatsApp લાવ્યું ધમાકેદાર ફીચર, જેની આતુરતાથી જોવાતી હતી રાહ, હવે સીધી એડિટ કરી શકશો આ વસ્તુ

• વ્હોટ્સએપ યૂઝર માટે સારા સમાચાર, વ્હોટ્સએપમાં આવ્યું એક નવું ફીચર. 
• એપ્લિકેશનમાંથી બહાર નીકળ્યા વગર કોન્ટેક્ટ સેવ કરી શકાશે. 
• iOS યૂઝર્સને અગાઉથી આ ફીચર આપવામાં આવ્યું.

વ્હોટ્સએપ એક એવી એપ્લિકેશન છે, જે તમામ લોકોના ફોનમાં હશે. યૂઝરને સારો એક્સપીરિયન્સ મળે તે માટે કંપની નવા નવા પ્લાન રજૂ કરે છે. આ પરિસ્થિતિ વચ્ચે મેટાની ઈન્સ્ટન્ટ મેસેજિંગ એપ્લિકેશન વ્હોટ્સએપ એન્ડ્રોઈડ યૂઝર્સ માટે નવા ફીચર પર કામ કરી રહ્યું છે. WaBetaInfo ના એક રિપોર્ટ અનુસાર યૂઝર એપ્લિકેશનમાંથી બહાર નીકળ્યા વગર કોન્ટેક્ટ સેવ કરી શકશે અને ઈન્ફોર્મેશન એડિટ કરી શકશે. યૂઝર્સ કોન્ટેક્ટ લિસ્ટમાં સેવ કરેલ કોન્ટેક્ટને એડિટ કરી શકશે અને નવો કોન્ટેક્ટ સેવ કરી શકશે. જે માટે એપ્લિકેશન બંધ નહીં કરવી પડે. એન્ડ્રોઈડ યૂઝર્સ માટે આ ફીચર ટૂંક સમયમાં રોલ આઉટ કરવામાં આવશે. iOS માટે આ ફીચર અગાઉથી જાહેર કરવામાં આવ્યું છે.  

પ્રાપ્ત થયેલ રિપોર્ટ પરથી જાણવા મળ્યું છે કે, iOS પર એપ્લિકેશનમાં રિપોઝીશન્ડ નેવિગેશન બાર પણ જોવા મળી શકે છે. WABetaInfo અનુસાર એન્ડ્રોઈડ ફોનમાં કોન્ટેક્ટ એડિટ કરવાનું ફીચર ટૂંક સમયમાં આપવામાં આવશે. WhatsApp એન્ડ્રોઈડ ડિવાઈસ પર બીટા યૂઝર્સ માટે એક contact UI લઈને આવશે. જ્યાં કોઈપણ યૂઝર એપ્લિકેશનને બંધ કર્યા વિના નવો કોન્ટેક્ટ સેવ કરી શકશે અથવા કોઈ કોન્ટેક્ટમાં એડિટ કરી શકશે. 

કોન્ટેક્ટ અથવા ફોનના સ્ટોરેજ અથવા યૂઝરના લિંક્ડ Google એકાઉન્ટમાં સ્ટોર થઈ જશે. તમારા ફોનમાં આ ફીચર છે કે, નહીં તે માટે તમે આ સ્ટેપ્સ ફોલો કરીને ચેક કરી શકો છો. 

• સૌથી પહેલા WhatsApp ઓપન કરી લો. 
• કોન્ટેક્ટ લિસ્ટમાં જાવ.
• ઉપર જમણી બાજુ આવેલ ત્રણ ડોટ્સ પર ક્લિક કરો. 
• જો તમને 'Add new contact' ઓપ્શન જોવા મળે તો તમારા WhatsAppમાં આ નવું ફીચર અપડેટ થઈ ગયું છે.