કામની વાત / અચાનક જ ક્યાંક આધાર કાર્ડની જરૂર પડી, તો શું કરશો? આ રીતે ફટાફટ ડાઉનલોડ કરી શકશો E-Aadhaar

• અચાનક આધાર કાર્ડની જરૂર પડે તો E-aadhar ડાઉનલોડ કરો 
• E-aadhar ડાઉનલોડ કર્યા પછી 8 અંકનો પાસવર્ડ જરૂરી છે 
• આ પાસવર્ડ દરેક વ્યક્તિ માટે અલગ-અલગ હોય છે

આધાર કાર્ડની જરૂર દરેક જગ્યા પર આધાર બતાવવા માટે પડે જ છે, એવામાં જરૂરી નથી કે આપણી પાસે હંમેશા આધાર કાર્ડ હોય. એવામાં જો અચાનક કોઈ જગ્યા પર આધાર કાર્ડની જરૂર પડે તો શું કરવું? એવામાં ઘણા લોકો કહેશે કે UIDAIની સત્તાવાર વેબસાઇટ પર જઈને તેઓ આધાર કાર્ડ ડાઉનલોડ કરશો, પરંતુ શું તમે જાણો છો કે E આધાર ડાઉનલોડ કર્યા પછી 8 અંકનો પાસવર્ડ જરૂરી છે?

અહિયાં જણાવી દઈએ કે આ 8 અંકના પાસવર્ડ વિના તમારું ઈ-આધાર કાર્ડ પીડીએફ ફાઈલ નહીં ખુલે..હવે સવાલ એ થાય છે કે આ 8 અંકનો પાસવર્ડ કયો હશે? જો તમને પણ આ જ પ્રશ્ન છે કે ડાઉનલોડ કર્યા પછી પણ ઈ-આધાર નથી ખુલી રહ્યું, તો ચાલો તમને આ વિશે માહિતી આપીએ કે તમે આ સરળતાથી કેવી રીતે શોધી શકો છો.

દરેક વ્યક્તિનો પાસવર્ડ અલગ-અલગ હોય છે
UIDAI (યુનિક આઈડેન્ટિફિકેશન ઓથોરિટી ઓફ ઈન્ડિયા) ની ઓફિશિયલ સાઈટ મુજબ, જો તમે આધાર કાર્ડની ડિજિટલ કોપી અથવા ઈ-કોપી ડાઉનલોડ કરો છો, તો તમારા માટે એ જાણવું મહત્વપૂર્ણ છે કે પાસવર્ડ દરેક વ્યક્તિ માટે અલગ-અલગ હોય છે.

અચાનક જરૂરિયાતના કિસ્સામાં જે વ્યક્તિ આધારની સત્તાવાર સાઇટ પરથી ઇ-આધાર ડાઉનલોડ કરે છે પરંતુ પાસવર્ડ જાણતા ન હોવાને કારણે પરેશાન થાય છે તો ઇ-આધાર ખોલવાની પદ્ધતિ UIDAIની સત્તાવાર સાઇટ પર એક ઉદાહરણ દ્વારા સમજાવવામાં આવી છે.

E આધાર પાસવર્ડ કેવી રીતે શોધવો
પીડીએફ ફાઈલનો પાસવર્ડ એ તમારા નામના પહેલા ચાર અક્ષરો છે.પહેલા ચાર અક્ષરો સિવાય તમારો જન્મ કયા વર્ષમાં થયો છે તે દાખલ કરવાનો રહેશે. ઉદાહરણ તરીકે, જો તમારું નામ સુરેશ કપૂર છે અને તમારું જન્મ વર્ષ 1992 છે, તો તમારા ઇ-આધાર કાર્ડ પીડીએફ ફાઇલનો પાસવર્ડ SURE1992 હશે. 8 અંકનો આ પાસવર્ડ દાખલ કરતાની સાથે જ તમારી પીડીએફ ફાઈલ ખુલી જશે.