સીએમ નિર્ણય / હોટલના એકાંતમાં રાજનાથે વસુંધરા રાજેનું શું કહ્યું? સામે આવ્યું, તરત માનીને ખુશીથી બહાર આવ્યાં

• રાજસ્થાનના સીએમના એલાન પહેલા રાજનાથ જયપુરની લલિત હોટલમાં વસુંધરા રાજને મળ્યાં
• પાર્ટી હાઈકમાન્ડના નિર્ણયને જાણકારી આપી
• પાર્ટીમાં તેમની હવે પછીની ભૂમિકા વિશે પણ વાત કરી

રાજસ્થાનના સીએમનું નામ જાહેર કરવા દિલ્હીથી આવેલા ભાજપના નિરીક્ષક અને કેન્દ્રીય સંરક્ષણ મંત્રી રાજનાથ સિંહ જયપુરમાં આવીને સૌથી પહેલું હોટલ લલિતમાં વસુંધરા રાજેને એકાંતમાં મળવાનું કર્યું હતું. તેમને આવું કરવાનું કહેવામાં આવ્યું હોઈ શકે. હોટલ લલિતમાં રાજનાથ સિંહ અને વસુંધરા રાજે 1 કલાક જેટલો સમય મળ્યાં હતા. બેઠકમાં રાજનાથે વસુંધરા રાજેને પાર્ટી હાઈકમાન્ડના નિર્ણયને જાણકારી આપી હતી કે ભજનલાલ શર્માને સીએમ જાહેર કરવાના છે અને તે પણ તમારા દ્વારા પ્રસ્તાવિત થશે. રાજનાથે રાજેને પાર્ટીમાં હવે પછીની તેમની ભૂમિકા વિશે પણ વાત કરી હતી. સૂત્રોના જણાવ્યા અનુસાર, સિંહે વસુંધરાને પાર્ટીના નેતૃત્વના નિર્ણયની જાણકારી આપી હતી અને ધારાસભ્ય દળની બેઠકમાં શર્માના નામનો પ્રસ્તાવ મૂકવા માટે તેમને સમજાવ્યા હતા. સૂત્રોના જણાવ્યા મુજબ સિંઘે તેને ખાતરી આપી હતી કે તેનો આગામી રોલ આગામી થોડા દિવસોમાં નક્કી કરવામાં આવશે.

રાજનાથની વાત માની ગયા વસુંધરા રાજે
રાજનાથની આ વાત રાજેએ તરત સ્વીકારી લીધી હતી અને બેઠક બાદ હસતાં હસતાં બહાર આવ્યાં હતા. તેમણે પાર્ટીના આદેશનું માન આપ્યું હોવાનું પણ જણાઈ રહ્યું છે. જોકે ચૂંટણી પરિણામો આવ્યાં બાદ તરત રાજે શક્તિ પ્રદર્શન કરવા લાગ્યા હતા અને સમર્થક ધારાસભ્યોને મળવા લાગ્યાં હતા. 

પોતાના નામ જાહેર થતાં ઘડીકભર ભજનલાલને વિશ્વાસ ન પડ્યો 
જયપુરની સાંગાનેર બેઠક પરથી ધારાસભ્ય બનેલા 54 વર્ષીય ભજનલાલ શર્મા રાજસ્થાનના નવા સીએમ છે. જયપુરમાં ભાજપ કાર્યાલયમાં નવા ચૂંટાયેલા ધારાસભ્યો નવા મુખ્યમંત્રીની વરણી માટે બેઠા હતા ત્યારે ચોથી લાઈનમાં ભજનલાલ શર્મા પણ બેઠા હતા. ભજનલાલ શર્માને જરા પણ ખબર નહોતી કે સીએમ તરીકે તેમનું નામ જાહેર થવાનું છે. તેઓ પણ સીએમનું નામ સાંભળવા આતુર હતા પરંતુ આ તો તેમને જ લોટરી લાગી અને તેમનું નામ સીએમ તરીકે જાહેર કરાયું હતું. મંગળવારે જયપુરમાં ભાજપના પ્રદેશ મુખ્યાલયમાં વિધાનસભા પક્ષના નેતાની પસંદગી માટે યોજાયેલી બેઠકમાં શર્માના નામનો પ્રસ્તાવ મૂક્યો હતો. બેઠકમાં હાજર ધારાસભ્યોએ કહ્યું કે શર્માનો ચહેરો જોઇને એવું લાગી રહ્યું હતું કે જાણે તેઓ પોતે વિશ્વાસ નથી કરી શકતા. આ બેઠકમાં તેઓ અન્ય ધારાસભ્યો સાથે ચોથી હરોળમાં બેઠા હતા. વરિષ્ઠ નેતાઓ અને ધારાસભ્યો આગળની બે હરોળમાં બેઠા હતા. જો કે, થોડા સમયમાં પ્રદેશ પ્રમુખ સી.પી. જોશીએ તેમને સ્ટેજ પર બોલાવ્યા હતા. પાર્ટીના પાંચ વરિષ્ઠ ધારાસભ્યોએ તેમની ઉમેદવારીને ટેકો આપ્યો હતો.