કટાક્ષ / 'મારી જીંદગીમાં મને ધમકી દેતા નથી આવડી...', વાંકાનેરના MLA જીતુ સોમાણીના કટાક્ષ પર શું બોલ્યા મોહન કુંડારિયા?

ભાજપ દ્વારા જાહેર કરાયેલ પ્રથમ લોકસભા ઉમેદવારોની યાદીમાં ગુજરાતનાં 5 નેતાઓને પડતા મુકાયા હતા. જે બાદ રાજકોટનાં સાંસદ પર વાંકાનેરનાં ભાજપનાં જ ધારાસભ્ય દ્વારા કટાક્ષ કરવામાં આવતા રાજકોટ ભાજપમાં થોડા સમય માટે ગરમ માહોલ જોવા મળ્યો હતો. ત્યારે આ મતભેદ ભાજપને નુકશાન પહોંચાડશે કે ફાયદો તે તો આગામી સમયમાં જ ખબર પડશે. 

ભાજપ દ્વારા લોકસભા ચૂંટણીની તડામાર તૈયારીઓ શરૂ કરી દીધી છે. ત્યારે ગુજરાતમાં 15 લોકસભા સીટ પર ઉમેદવારો જાહેર કરી દીધા છે. તો અમુક જગ્યાએ નવા ચહેરાને સ્થાન આપવામાં આવ્યું છે. રાજકોટ બેઠક પર ઉમેદવાર જાહેર થયાનાં બીજા દિવસે વાંકાનેરનાં ધારાસભ્ય જીતુ સોમાણીનો વીડિયો વાયરલ થયો હતો. આ વીડિયોમાં તેઓ રાજકોટનાં સાંસદ મોહન કુંડારિયાની ટિકિટ કપાયા બાદ કટાક્ષ કરી રહ્યા હતા. વીડિયોમાં જીતુ સોમાણીએ કહ્યું હતું કે, હવે કાર્યકર્તાઓને કોઈ ધમકાવશે નહી, ઘણા લોકો પક્ષનું નામ બદનામ કરતા, સરકારનું નામ બદનામ કરતા, હિટરલ શાહી વાયરતા, કાર્યકર્તાઓનો અપશબ્દો બોલવા જેવી બાબતે મોહન કુંડારિયા પર કટાક્ષ કર્યો હતો. 

ભાજપમાં કદી ટિકિટ કપાતી જ નથીઃ મોહનભાઈ કુંડારિયા
મોહનભાઈ કુંડારિયાએ આ બાબતે તેઓની પ્રતિક્રિયા આપતા જણાવ્યું હતું કે,  ભારતીય જનતા પાર્ટીનાં ઉમેદવાર તરીકે રાજકોટની સીટ પર કેન્દ્રીય મંત્રી રૂપાલાને નોટીનેટ કરવામાં આવ્યા ત્યારે આજે રાજકોટમાં પહેલી વખત પધારી રહ્યા છે. એમનું ભવ્ય સ્વાગત કરવામાં આવશે. તેમજ રાજકોટ જીલ્લાનાં તમામ કાર્યકર્તાનાં માધ્યમથી સ્વાગત કરવામાં આવશે. ત્યારે બાદ રાજકોટ શહેરમાં પ્રવેશ કરશે. જે બાદ રણછોડદાસજી આશ્રમમાં જશે. ત્યાં દર્શન કરશે ત્યાર બાદ શહેર ભાજપનાં માધ્યમથી રેલીનું આયોજન કરવામાં આવશે. ત્યારે બાદ તેઓ રાજકોટ લોકસભા મધ્યસ્થ કાર્યાલય ખાતે જશે.ત્યારે મોહનભાઈ કુંડારિયાને ટિકિટ કપાવવા બાબતે પૂછતા તેઓએ જણાવ્યું હતું કે,  ભાજપમાં કદી ટિકીટ કપાતી જ નથી. જેમ મસાલ રેલી હોય ને એક બીજીને મશાલ આપે બીજો ત્રીજાને આપે આમાં ટિકીટ કપાવવાની કોઈ વાત જ નથી.  

વધુ વાંચોઃ અંતે અર્જુન મોઢવાડિયા-અંબરીશ ડેરે કર્યા કેસરિયા, CR પાટીલના હસ્તે સમર્થકો સહિત વિધિવત રીતે જોડાયા ભાજપમાં

જીંદગીમાં મને કદી ધમકી આપતા આવડી નથીઃ મોહન કુંડારિયા
જીતુભાઈ સોમાણીએ કરેલ કટાક્ષ બાબતે મોહન કુંડારિયાએકહ્યું હતું કે,  હું કોઈ પણ બાબતને નેગેટીવ રૂપે જોતો જ નથી. અમારા કાર્યકર્તા ઉભા છે. જીંદગીમાં મને કદી ધમકી આપતા આવડી નથી. ભવિષ્યમાં આવડશે પણ નહી અને ભગવાન એવું શીખવાડે પણ નહી.  જીતુભાઈ સોમાણીની વાત પર હું કંઈ જ કહેવા માંગતો નથી.  હું ભારતીય જનતા પાર્ટીનો સૈનિક છું.  ભારતીય જનતા પાર્ટીનાં કાર્યકરને હું હંમેશા પ્રેમ અને લાગણીથી જોતો હોઉ છું. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો