નિવેદન / દરેક ધર્મનું સન્માન કરીએ છીએ, સનાતન પર વિવાદ વધતાં કોંગ્રેસ બેકફૂટ પર, હવે નરમ સૂર

• સનાતન ધર્મ પર રાજકીય વિવાદ
• હવે કોંગ્રેસે દાખવ્યો નરમ સૂર
• કહ્યું દરેક ધર્મનું સન્માન કરીએ છીએ

સનાતન ધર્મના વિવાદની રાજકીય અસરથી ચિંતિત કોંગ્રેસ હવે બેકફૂટ પર આવી રહી હોય તેવું લાગી રહ્યું છે. તમિલનાડુના સીએમ એમકે સ્ટાલિનના પુત્ર ઉદયનિધિએ પોતાના નિવેદનમાં સનાતન ધર્મને ખતમ કરવાની વાત કરી હતી. આના પર કોંગ્રેસ મહાસચિવ કેસી વેણુગોપાલે કહ્યુ કે આ અભિવ્યક્તિની સ્વતંત્રતાનો મુદ્દો છે. આ ઉપરાંત રાષ્ટ્રપતિ મલ્લિકાર્જુન ખડગેના પુત્ર પ્રિયાંકે તો ત્યાં સુધી કહી દીધું હતું કે ધર્મમાં જે અસમાનતા છે તેને ખતમ કરી દેવી જોઈએ. આવા ધર્મને માત્ર બીમારી સાથે જ સરખાવી શકાય. ભાજપે આ મુદ્દે મોટો હોબાળો મચાવ્યો હતો અને પાર્ટી પર આકરા પ્રહાર કર્યાં હતા. 

અમે બધા ધર્મોનું સન્માન કરીએ છીએ
હવે કોંગ્રેસે આ મુદ્દે બેકફૂટ પર આપી છે. કોંગ્રેસ પ્રવક્તા પવન ખેરાએ કહ્યું છે કે કોંગ્રેસ અને ઈન્ડીયા ગઠબંધન તમામ ધર્મો અને જાતિઓનું સન્માન કરે છે. 
રાજાના નિવેદન વિશે પૂછવામાં આવતા ખેરાએ કહ્યું, "અમે તમામ ધર્મો અને જાતિઓનું સન્માન કરીએ છીએ. માત્ર કોંગ્રેસ જ નહીં, પરંતુ ભારત ગઠબંધનનો દરેક ભાગીદાર તમામ ધર્મો અને જાતિઓનું સન્માન કરે છે. તેમણે કહ્યું કે અમે આવા નિવેદનો સાથે સહમત નથી. 

ડીએમકેના વધુ એક નેતાનું વિવાદાસ્પદ નિવેદન 
તામિલનાડુના સીએમ એમ કે સ્ટાલિનના પુત્ર અને રાજ્યની સત્તાધારી પાર્ટી ડીએમકેના નેતા ઉદયનિધિએ થોડા દિવસ પહેલા સનાતન ધર્મ વિશે વિવાદાસ્પદ નિવેદન આપ્યું હતું જે પછી હવે તેમના બીજા નેતા એ.રાજાએ પણ વિવાદ વધાર્યો છે. રાજાએ કહ્યું હતું ઉદયનિધિ તો ઘણા નરમ રહ્યાં છે હું તો ત્યાં સુધી કહું છું કે સનાતન ધર્મને એચ.આય.વી./એઇડ્સ અને રક્તપિત્ત સાથે સરખાવવો જોઈએ. 

ભાજપે રાહુલ-સોનિયા પાસેથી જવાબ માગ્યો 
રાજા અને કોંગ્રેસનું નરમ વલણ જોઈને ભાજપ રોષે ભરાયો હતો. ભાજપ રાહુલ ગાંધી અને સોનિયા ગાંધી પાસેથી સીધો જવાબ માંગી રહ્યો હતો. ઉલ્લેખનીય છે કે ડીએમકે પણ નવા રચાયેલા ઈન્ડીયા ગઠબંધનનો ભાગ છે. આ ઉપરાંત તામિલનાડુમાં સત્તાધારી પક્ષ છે. આવી સ્થિતિમાં સનાતન ધર્મ પર સતત પ્રહાર કરતા તેના નેતાઓ પણ કોંગ્રેસને અસહજ સ્થિતિમાં મૂકી રહ્યા છે.