Health tips / ડાયાબિટીસ પહેલા શરીરમાં દેખાઈ છે આ 5 સંકેત, લક્ષણો જણાઇ તો માત્ર આટલું કરો, આવનારા રોગ પણ ભાગી જશે

•  વિશ્વમાં 42.2 કરોડથી વધુ લોકો ડાયાબીટીસથી પીડિત
• દર વર્ષે અંદાજે 15 લાખ લોકોનાં થાય છે મોત
• આ સંકેત મળે તો તાત્કાલીક ચકાસણી કરવી

WHOના એક રિપોર્ટ પ્રમાણે વિશ્વમાં 42.2 કરોડથી વધુ લોકો ડાયાબીટીસથી પીડિત છે. તેમાંથી દર વર્ષે અંદાજે 15 લાખ લોકોનાં મોત થાય છે. એક રિપોર્ટ પ્રમાણે ભારતમાં અંદાજે 8 કરોડની આસપાસ લોકો ડાયાબીટીસનો શિકાર છે. એવું પણ કહેવામાં આવે છે કે 2045 સુધીમાં આ આંકડો વધીને 13 કરોડ સુધી પહોંચી શકે છે. ખરાબ લાઇફસ્ટાઇલ અને ન ખાવાના ખોરાકને કારણે ડાયાબીટીસ થાય છે. જો કે ડાયાબીટીસને શરીરમાં પ્રવેશવા માટે સમય લાગે છે. જો આ દરમિયાન જ તમે લાઇફસ્ટાઇલમાં બદલાવ કરો તો તે કંટ્રોલમાં પણ આવી શકે છે. પરંતુ સવાર એ થાય કે ડાયાબીટીસ થયું છે કે નહીં એ ખબર કેમ પડે ? ત્યારે ડાયાબીટીસ થાય એટલે શરીરમાં કેટલાક લક્ષણો જોવા મળે છે. એટલે કે પ્રી-ડાયાબીટીસ સ્ટેજમાં જ આપણે ડાયાબીટીસ થતું અટકાવી શકીએ છીએ. 

પ્રી-ડાયાબીટીસના 5 સંકેત 

ઝડપથી થાકી જવું- ડોક્ટરના જણાવ્યા પ્રમાણે શરીર વારંવાર ઝડપથી થાકી જાય તો અનેક બીમારીના લક્ષણ હોય શકે છે, પરંતુ ડાયાબીટીસ હોય તો શરીર વધુ થાક લાગે છે. સામાન્યથી વધુ અને સતત થાક લાગે તો પ્રી-ડાયાબીટીસના લક્ષણ હોય શકે છે. એવામાં તમારે તુરંત ડોક્ટરની સલાહ લેવી હિતવાહક છે. જો ફાસ્ટિંગ બ્લડ શૂગર 100થી વધુ થઇ જાય અને 120થી ઓછું હોય તો તમારે સાવધાન રહેવાની જરૂર છે.

વધુ તરસ લાગવી- વારંવાર તરસ લાગવી એ પણ પ્રી-ડાયાબીટીસ હોઇ શકે છે. વધુ તરસ ત્યારે જ લાગે જ્યારે લોહીમાં શૂગરની માત્રા વધી જાય. જો આવું થાય તો તમારે તુરંત ડાયાબીટીસ મપાવી લેવું. ભુખ વધુ લાગવી - સામાન્ય રીતે બીમારીમાં ભુખ ઓછી લાગે છે પરંતુ પ્રી-ડાયાબીટીસના સ્ટેજમાં ભુખ વધુ લાગે છે.આવા સંજોગોમાં ડાયાબીટીસ મપાવીને તુરંત ડોક્ટરની સલાહ લેવી. 

વારંવાર પેશાબ લાગવો- વધુ પેશાબ લાગવો એ મોટાભાગના લોકોની સમસ્યા હોય છે. જો કે આવું થવા પાછળ પ્રી-ડાયાબીટીસ પણ હોઇ શકે છે. લોહી શુગર વધુ હોવાથી કિડનીનું ફંક્શન ધીમું થઇ જાય છે જેના લીધે વારંવાર પેશાબ લાગે છે. 

આંખોમાં ધુંધળું દેખાવું - આંખની બીમારીને કારણે જોવામાં તકલીફ પડી શકે છે. પરંતુ ઉપર જણાવેલા લક્ષણોની સાથે આંખમાં ધુંધળું દેખાવા લાગે તો સમજવું કે પ્રી-ડાયાબીટીસ છે. શુગરની માત્ર વધવાને કારણે શરીરની નસ પણ પ્રભાવિત થાય છે જેની અસર આંખો પર પણ જોવા મળે છે. 

પ્રી-ડાયાબીટીસ સ્ટેજ આવતાં જ આ વાતનું ધ્યાન રાખવું

જો તપાસમાં પ્રી-ડાયાબીટીસ આવે તો તુરંત લાઇફસ્ટાઇલમાં ફેરફાર કરી લેવો, જેમ કે ચાલવાનું શરૂ કરવું, કસરત કરવી, ભોજનમાં હેલ્ધી વસ્તુઓ ખાવી, તળેલી કે તીખી વસ્તુઓ ન ખાવી, પિત્ઝા, બર્ગર, સોફ્ટ ડ્રિંક, પેકેજ ફૂડ ખાવાના તુરંત બંધ કરવા. મીઠું અને ખાંડવાળી વસ્તુઓ ન ખાવી. શાકભાજી અને ફળો ખાવાનું શરૂ કરવું.

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.