યુથ કોંગ્રેસના પૂર્વ પ્રમુખ વિશ્વનાથસિંહ વાઘેલાથી માંડીને યુથ કોંગ્રેસના પૂર્વ મહામંત્રી વિનયસિંહ તોમરથી લઇને NSUIના નેતાઓએ આજે કેસરિયો ધારણ કર્યો છે. કોંગ્રેસમાંથી રાજીનામું આપ્યા બાદ આજે કમલમ ખાતે વિશ્વનાથસિંહ વાઘેલા, વિનયસિંહ તોમર સહિત જીગર માળી, પાર્થ દેસાઈ, વિશાલ ઠાકોર, ભાવરી સમાજના ગુજરાત પ્રમુખ માલારામ ભાવરી ભાજપમાં જોડાયા છે. અનેક સમર્થકો સાથે કોંગ્રેસના યુવા નેતાઓએ આજે કેસરિયો ધારણ કર્યો છે. કોંગ્રેસના આ પૂર્વ દિગ્ગજોનું ગોરધન ઝડફિયાએ ખેસ પહેરાવીને ભાજપમાં સ્વાગત કર્યું હતું.
प्रदेश कोंग्रेस के युवा प्रमुख श्री विश्वनाथसिंह वाघेला, NSUI के और यूथ कोंग्रेस के पदाधिकारी आज भाजपा में शामिल हुए। भाजपा युवा मोर्चा प्रमुख श्री प्रशांत कोराट, पूर्व प्रमुख श्री डो ऋत्विज पटेल, अहमदाबाद ज़िलाध्यक्ष श्री हर्षद गिरी जी, यग्नेशभाई उपस्थित। @BJP4Gujarat pic.twitter.com/YnzxJDV3GV
ભાજપમાં જોડાયા બાદ વિશ્વનાથસિંહ વાઘેલાએ પ્રતિક્રિયા આપતા જણાવ્યું કે, 'હું ભાજપના નેતાઓ-કાર્યકરોથી પ્રેરાઈને ભાજપમાં જોડાયો. હું કાર્યકર બનીને કામ કરીશ.' ઉલ્લેખનીય છે કે, વિશ્વનાથસિંહે હજુ બે દિવસ પહેલા જ કોંગ્રેસમાંથી યુથ કોંગ્રેસના પ્રમુખ પદેથી રાજીનામું આપી દીધું હતું. જ્યારે વિનયસિંહ તોમરે યુથ કોંગ્રેસના મહામંત્રી પદેથી રાજીનામું આપી દીધું હતું.
એ સિવાય ગુજરાત યુથ કોંગ્રેસના મંત્રી હેમાંગ પટેલે પણ યુથ કોંગ્રેસમાં રાજીનામું ધરી દીધું હતું. જૂથબંધીના કારણે હેમાંગ પટેલે રાજીનામું આપ્યાની ચર્ચાએ પણ જોર પડક્યું હતું.
આવાં લોકોના જવાથી કોઈ ફરક નથી પડતો: પાર્થિવ કઠવાડિયા
જોકે વિશ્વનાથ વાઘેલાના નિવેદન સામે પાર્થિવ કઠવાડિયાએ પ્રતિક્રિયા આપતા કહ્યું કે, 'કમલમમાં ખુરશીઓ ખાલી હતી એ બધાએ જોયું. આવાં લોકોના જવાથી કોઈ ફરક નથી પડતો. તેઓને યુવા સંગઠનનું નેતૃત્વ કરવાનો મોકો મળ્યો પરંતુ ભાજપમાં જોડાયા. આઠ લાખથી વધુ યુવા કાર્યકર્તાઓ કોંગ્રેસમાં જોડાયા છે. ભાજપમાં જોડાવવાના કાર્યક્રમનો ફિયાસ્કો થયો. દલબદલુ લોકો પોતાના ફાયદા માટે ભાજપમાં જાય છે. તેમની સાથે 3 ટકા યુવાનો પણ નથી ગયા.'
વિશ્વનાથસિંહ વાઘેલાએ કોંગ્રેસ પર લગાવ્યા હતા ગંભીર આક્ષેપ
વિશ્વનાથસિંહ વાઘેલાએ ગાંધી-નેહરુ પરિવાર પર આક્ષેપ લગાવતા કહ્યું કે, 'હું પ્રદેશ પ્રમુખ પદેથી મારું રાજીનામું આપી રહ્યો છું. કોંગ્રેસના સનિયર નેતાઓના આંતરિક જુથવાદનો હું ભોગ બન્યો. મને કામ કરવામાં અડચણો ઉભી કરવામાં આવતી. કોંગ્રેસ સંગઠનને નિષ્ફળ બનાવવા કાવતરા કરાયા. કોંગ્રેસ પક્ષ ચાપલુસોથી ઘેરાયેલો છે. કોંગ્રેસમાં યુવાનનો દુરુપયોગ જ થાય છે. યુવાનો કોંગ્રેસ પક્ષમાં દેશનું ભવિષ્ય નથી જોતા. કોંગ્રેસ પક્ષ એકપણ રીતે યોગ્ય નથી લાગતો. યુવાનો કોંગ્રેસમાં સમય વેડફી રહ્યાં છે. આંતરિક જૂથવાદથી પક્ષમાં દુશ્મનો ઉભા થાય છે. દેશની સત્તા માટે જનતાએ કોંગ્રેસને ખૂબ તકો આપી. કોંગ્રેસ પોતોના જ કાર્યકરોને શંકાની નજરે જુએ છે. કોંગ્રેસમાં વડીલો કે યુવાનોને સન્માન નથી મળતું. કોંગ્રેસે ભારત જોડવા અત્યાર સુધીમાં શું કર્યું? ભારત જોડો યાત્રા કરતા કોંગ્રેસ જોડો યાત્રા કરવી જોઈએ.'
