- કોહલી અને ગંભીરના ઝઘડાનો વિવાદ હજુ સુધી પૂર્ણ થયો નથી.
- 10 વર્ષ પછી તે જ પ્રકારની લડાઈનો પાર્ટ 2 જોવા મળ્યો.
- ટૂંક સમયમાં લડાઈનો પાર્ટ-3 જોવા મળી શકે છે.
વિરાટ કોહલી અને ગૌતમ ગંભીરના ઝઘડાનો વિવાદ હજુ સુધી પૂર્ણ થયો નથી. RCB અને LSGના પ્લેઓફની રેસમાં જળવાઈ રહેવા માટે આ બાબત આટલી આગળ વધી રહી છે. IPLના મેદાન પર 1 મે 2023ના રોજ વિરાટ કોહલી અને ગૌતમ ગંભીર વચ્ચે જે કંઈપણ થયું તે જ બાબત વર્ષ 2013માં પણ થઈ ચૂકી છે. 10 વર્ષ પછી તે જ પ્રકારની લડાઈનો પાર્ટ 2 જોવા મળ્યો છે. ટૂંક સમયમાં લડાઈનો પાર્ટ-3 જોવા મળી શકે છે. કહાની થોડી બદલાઈ શકે છે, પરંતુ આ પ્રકારની પરિસ્થિતિ જ જોવા મળી શકે છે.
પ્લેઓફની રેસમાં RCB અને LSG
IPL 2023માં કોહલી VS ગંભીરનો નજારો ફરીથી કેવી રીતે જોવા મળી શકે છે. પ્લેઓફની રેસમાં જળવાઈ રહેવા માટે આ પ્રકારે થવાની સંભાવના છે. 1 મેના રોજ IPL 2023ની 43મી મેચ રમાઈ હતી, જેમાં RCBએ LSGને 18 રનથી હરાવ્યું હતું અને તેની સાથે પોઈન્ટ ટેબલમાં મજબૂત સ્થિતિમાં આવી ગયું હતું.
IPL 2023ના પોઈન્ટ ટેબલમાં 5 ટીમ એવી છે, જે 10 પોઈન્ટ ધરાવે છે. આ પાંચ ટીમ અગાઉ 2થી 6 પોઈન્ટ ધરાવતી હતી. આ ટીમો વચ્ચે માત્ર રનરેટ અલગ છે. આ રેસમાં RCB પાંચમાં સ્થાન પર છે અને લખનઉ સુપર જાયન્ટ્સ ત્રીજા નંબર પર છે.
કોહલી VS ગંભીર
જે પાંચ ટીમ 10 પોઈન્ટ ધરાવે છે, તે તમામ ટીમોએ 9-9 મેચ રમી છે. RCB અને LSGએ હજુ 5-5 મેચ રમવાની છે. આગામી 5 મેચમાં આ ટીમ સારું પ્રદર્શન કરે તો તેમને પ્લેઓફની ટિકીટ પણ મળી શકે છે. આ બે ટીમ વચ્ચે કાંટાની ટક્કર જોવા મળી રહી છે. આ બંને ટીમ સામ સામે આવશે તો વિરાટ અને ગંભીર ફરી એકવાર સામે આવી શકે છે.
