ક્રિકેટ / એક જ મેચમાં સટાસટ 6 વિકેટ ખેરવી...: IPL 2024 પહેલા MS ધોનીના આ ખેલાડીએ મચાવ્યો તરખાટ, લઈ ચૂક્યો છે હેટ્રીક

• વિજય હઝારે ટ્રોફીના બીજા તબક્કાની મેચમાં દીપક ચહરે 6 વિકેટ ઝડપી 
• આ તેની લિસ્ટ-એ કારકિર્દીમાં અત્યાર સુધીનું આ સર્વશ્રેષ્ઠ પ્રદર્શન છે
• 10 ઓવરમાં 4.1ના ઈકોનોમી રેટથી 41 રન આપીને 6 વિકેટ લીધી

IPL 2024નું કાઉન્ટડાઉન શરૂ થઈ ગયું છે.આ દરમિયાન એમએસ ધોનીની ટીમ ચેન્નાઈ સુપર કિંગ્સના ફાસ્ટ બોલર દીપક ચહરે બોલ સાથે અદભૂત પ્રદર્શન કર્યું છે. હાલમાં રમાઈ રહેલી વિજય હઝારે ટ્રોફીના બીજા તબક્કામાં રાજસ્થાનના ફાસ્ટ બોલર દીપક ચહરે ગુજરાત સામે 6 વિકેટ ઝડપી હતી. તેની ઘાતક બોલિંગ સામે પ્રથમ બેટિંગ કરવા ઉતરેલી વિપક્ષી ટીમ 29 ઓવરમાં માત્ર 128 રન પર જ સિમિત રહી હતી. દીપકનું તેની લિસ્ટ-એ કારકિર્દીમાં અત્યાર સુધીનું આ સર્વશ્રેષ્ઠ પ્રદર્શન છે. ચાલો તેની બોલિંગ અને આંકડાઓ પર એક નજર કરીએ.

Deepak Chahar Last Match Scored 66* off 56 and Today Took 6/41 (10 Overs) Against Gujarat 🔥 . pic.twitter.com/PhADxZiLae

— Junaid Khan (@JunaidKhanation) November 25, 2023

દીપકની બોલિંગ આવી હતી
વિપક્ષી બેટ્સમેન પાસે દીપકની બોલિંગનો કોઈ જવાબ નહોતો. તેણે ગુજરાતના ઓપનર પ્રિયાંક પંચાલ (3)ને બોલ્ડ કરીને પોતાની વિકેટ ખાતું ખોલાવ્યું હતું. આ પછી તેણે વિપક્ષના કેપ્ટન ચિંતન ગજા (0), પીયૂષ ચાવલા (18), વિશાલ જયસ્વાલ (1), જયવીર પરમાર (0) અને અર્જન નાગવાસવાલા (0)ને પેવેલિયનનો રસ્તો બતાવ્યો. તેણે તેની 10 ઓવરમાં 4.1ના ઈકોનોમી રેટથી 41 રન આપીને 6 વિકેટ લીધી હતી.

#ICYMI

Deepak Chahar (6-41) was at his lethal best in the #VijayHazareTrophy game between Gujarat and Rajasthan today #GUJvRAJ pic.twitter.com/qiKzjdNnJ1

— Cricbuzz (@cricbuzz) November 25, 2023

દીપકે લિસ્ટ-A કારકિર્દીમાં પ્રથમ વખત 6 વિકેટ લીધી હતી
આ પ્રથમ વખત છે જ્યારે દીપકે લિસ્ટ-A ક્રિકેટમાં 6 વિકેટ લીધી હોય. આ તેની બીજી પાંચ વિકેટ છે. તેની લિસ્ટ-એ કારકિર્દીમાં તેણે 60 મેચમાં 28ની સરેરાશથી 82 વિકેટ ઝડપી છે. પોતાની સ્વિંગ બોલિંગ માટે જાણીતા દીપકે 2010માં લિસ્ટ-એ કારકિર્દીની શરૂઆત કરી હતી. તેણે પોતાની ડેબ્યૂ મેચમાં 2 વિકેટ ઝડપી હતી.

દીપકની આંતરરાષ્ટ્રીય કારકિર્દી પર એક નજર
દીપકે અત્યાર સુધી 13 વનડેમાં 30.56ની એવરેજ અને 5.75ના ઈકોનોમી રેટથી 16 વિકેટ લીધી છે. ODI ક્રિકેટમાં તેનું સર્વશ્રેષ્ઠ પ્રદર્શન 27 રન આપીને 3 વિકેટ ઝડપી છે. તેણે 24 T20 આંતરરાષ્ટ્રીય મેચોમાં પણ દેશનું પ્રતિનિધિત્વ કર્યું છે, જેમાં તેણે 24.24ની એવરેજ અને 8.17ના ઈકોનોમી રેટથી 29 વિકેટ લીધી છે. આ દરમિયાન તેણે એક મેચમાં 6 વિકેટ પણ લીધી છે.

Five wicket haul for Deepak Chahar in the Vijay Hazare Trophy against Gujarat. pic.twitter.com/5Zqdw8D7yB

— Johns. (@CricCrazyJohns) November 25, 2023

રોહિત શર્માએ દીપક ચહર પર કટાક્ષ કર્યો હતો
દીપક ચહરે તેની છેલ્લી આંતરરાષ્ટ્રીય મેચ 7 ડિસેમ્બર 2022ના રોજ બાંગ્લાદેશ પ્રવાસ પર રમી હતી. 3 મેચની ODI સિરીઝની બીજી મેચમાં દીપક ચહર માત્ર 3 ઓવર બોલિંગ કર્યા બાદ ઈજાગ્રસ્ત થયો હતો અને તેણે મેચ છોડવી પડી હતી. આ મેચમાં ભારતને 5 રનથી હારનો સામનો કરવો પડ્યો હતો. જે બાદ કેપ્ટન રોહિત શર્માએ ઈશારા સાથે હાર માટે દીપક ચહરની ઈજાને જવાબદાર ગણાવી હતી. તેણે કહ્યું"જ્યારે તમે દેશ માટે રમવા આવો છો, ત્યારે તમારે સંપૂર્ણપણે ફિટ હોવું જોઈએ, આ રીતે અડધું ફિટ આવવું યોગ્ય નથી."

આ ઘટના બાદ દીપક ચહરને કોઈપણ સીરીઝમાં તક આપવામાં આવી નથી. તેની પાછળ રોહિત શર્માની નારાજગીનું કારણ ગણી શકાય.