મહામારી / મોત કોરોનાથી, ડેથ સર્ટિફિકેટ ટાઈફોડનું ! લાપરવાહી કે આંકડા છુપાવવાનું ષડયંત્ર, જાણો ક્યાં બની ઘટના

• પ્રધાનમંત્રી મોદીના સંસદીય મતવિસ્તાર વારાણસીની ઘટના
• વારાણસીના રમના ગામની ઘટના
• બે ભાઈઓના કોરોનાથી મોત
• બન્નેના ડેથ સર્ટિફિકેટમાં મોતનું કારણ ટાઈફોડ લખાયું 

મીડિયા રિપોર્ટ અનુસાર, પ્રધાનમંત્રી મોદીના સંસદીય મતવિસ્તાર વારાણસીના રમના ગામમાં કોરોનાને કારણે ઘણા લોકોના મોત થયા છે. તપાસ રિપોર્ટમાં કોરોના હોવા છતાં પણ મૃતકના ડેથ સર્ટિફિકેટમાં કોરોનાનો ઉલ્લેખ જ નથી પરંતુ તેને બદલે ટાઈફોડથી મોત થયું હોવાનું લખેલું જોવા મળતું હતું.

રમના ગામના પટેલ પરિવારમાં 3 દિવસમાં 2 સભ્યોના મોત થયા. 50 વર્ષીય રામરથી સિંહનું 27 એપ્રિલે મોત થયું.રામરથીનો એન્ટિજન ટેસ્ટ પોઝિટીવ આવ્યો પરંતુ પરિવારને ડેથ સર્ટિફિકેટ મળ્યું નથી

રામરથીના 74 વર્ષીય મોટાભાઈ રમાશંકરનું મોત પણ કોરોનાને કારણે થયું હતું. પરંતુ તેમના ડેથ સર્ટિફિકેટમાં મોતનું કારણ ટાઈફોડ અથવા તો ન્યુમોનિયા લખવામાં આવ્યું છે. 

ભારતના કુલ 2.5 કરોડથી વધારે કેસ

ભારતમાં હવે કોરોનાના નોંધાનારા નવા કેસની સંખ્યામાં હાલ ઘટાડો જોવા મળી રહ્યો છે. જો કે મોતના આંકડા હજું પણ વધારે છે. આ દરમિયાન સોમવારે ભારતના કુલ 2.5 કરોડથી વધારે કેસ ધરાવતો દુનિયાનો બીજા નંબરનો દેશ બન્યો છે. પહેલા સ્થાન પર અમેરિકા છે. જ્યારે બ્રાઝિલ ત્રીજા સ્થાન પર છે.  બ્રાઝિલમાં 1.56 કરોડ કુલ કેસ આવ્યા છે.

ગત આંકડાની સરખામણી કરતા જાણવા મળ્યુ કે ભારતમાં ફક્ત 14 દિવસમાં 50 લાખ કોરોનાના કેસ વધ્યા છે. ત્યારે ભારતના 2 કરોડ કુલ કોરોના કેસના આંકડા પાર કર્યા હતા. અત્યાર સુધી 50 લાખ કેસ 15 દિવસમાં વધ્યા હતા. આ પહેલા જ્યારે ભારતના કુલ કોરોના કેસ 1 કરોડથી વધીને 1.5 કરોડ થયા હતા. જ્યારે 121 દિવસ લાગ્યા હતા.

મોતના આંકડા પણ 4 હજારની નીચે રહ્યા

ભારતમાં સોમવારે સતત બીજી દિવસે કોરોનાના નવા કેસ 3 લાખની અંદર આવ્યા છે. મોતના આંકડા પણ 4 હજારની નીચે રહ્યા. 17 મે રાતે 11 વાગ્યા સુધી દેશમાં 2.6 લાખ નવા કેસ નોંધવામાં આવ્યા હતા. સાથે 3719 લોકોના મોત થયા. સોમવારે કોરોનાના એક્ટિવ કેસની સંખ્યા પણ ઓછી જોવા મળી. સોમવારે આ લગભગ 1.5 લાખ ઓછા થયા.