મદદ / મુંઝાતા નહીં હો! વૈષ્ણોદેવીમાં ફસાયેલા ગુજરાતીઓની મદદે આવ્યા અજય મોદી, કહ્યું- કાંઈપણ કામકાજ હોય તો...

• વૈષ્ણોદેવી મંદિરમાં ભાગદોડ મામલો
• અજયમોદી આવ્યા મદદે 
• ફસાયેલા ગુજરાતીઓને ઑફિસનો સંપર્ક કરવા કરી અપીલ

જમ્મુ અને કાશ્મીરના પ્રસિદ્ધ માતા વૈષ્ણો દેવી મંદિરમાં ભક્તોની ભારે ભીડને કારણે મચેલી નાસભાગમાં ઓછામાં ઓછા 12 લોકોના મોત થયા છે, ત્યારે સમગ્ર મામલે અમદાવાદના ટુર એન્ડ ટ્રાવેલ્સ કંપનીના અજય મોદી આગળ આવ્યા છે.

ગુજરાતીઓની મદદે આવ્યા અજય મોદી

અમદાવાદની જાણીતી મોદી ટુર્સ એન્ડ ટ્રાવેલ્સ કંપનીના માલિક અજય મોદીએ સમગ્ર ઘટના મામલે સંવેદના વ્યક્ત કરતા VTV સાથેની વાતચીતમાં જણાવ્યું હતું કે,અજય મોદી ટુર એન્ડ ટ્રાવેલ્સના 15-20 જેટલા માણસો વૈષ્ણોદેવીમાં છે. મા વૈષ્ણોદેવીના દર્શને ગયેલા ગુજરાતીઓને ખાસ અપીલ કરી હતી. 

કોઈપણ વ્યક્તિ મદદ માટે કરી શકે છે અમારો સંપર્ક 

અજય મોદીએ જણાવ્યું હતું કે, વૈષ્ણોદેવીમાં ફસાયેલા લોકોને જમવાથી લઈને કોઈપણ પ્રકારની મદદની જરૂર હોય તો તેઓ તાત્કાલિક અસરથી મારો અથવા વૈષ્ણોદેવીમાં રહેલા કંપનીની ઓફિસનો સંપર્ક કરી શકે છે.

LG કાર્યાલય દ્વારા મદદ માટે હેલ્પલાઈન નંબર જાહેર કરવામાં આવ્યો

જમ્મુ અને કાશ્મીરના LG કાર્યાલયે માહિતી આપી કે શ્રી માતા વૈષ્ણો દેવી શ્રાઈન બોર્ડે હેલ્પલાઈન નંબર 01991-234804, 01991-234053 જાહેર કર્યા છે. આ ઉપરાંત, અન્ય હેલ્પલાઇન નંબરો છે - પીસીઆર કટરા - 01991232010/ 9419145182,, પીસીઆર રિયાસી -0199145076/ 9622856295, ડીસી ઓફિસ રિયાસી કંટ્રોલ રૂમ -   01991245763/ 9419839557.

મોડી રાતે થયેલ ભાગદોડમાં 13 લોકોના થયાં મૃત્યુ

જમ્મુ અને કાશ્મીરના પ્રસિદ્ધ માતા વૈષ્ણો દેવી મંદિરમાં ભક્તોની ભારે ભીડને કારણે મચેલી નાસભાગમાં ઓછામાં ઓછા 13 લોકોના મોત થયા છે અને 26 લોકો ઘાયલ થયા છે. અધિકારીઓએ શનિવારે આ માહિતી આપી. ત્રિકુટા પહાડીઓ પર સ્થિત મંદિરના ગર્ભગૃહની બહાર નાસભાગ મચી હતી. નવા વર્ષની શરૂઆતના અવસરે, શ્રદ્ધાળુઓની ભારે ભીડને કારણે નાસભાગ મચી ગઈ હતી, જેઓ શ્રદ્ધાંજલિ આપવા આવ્યા હતા. અધિકારીઓએ જણાવ્યું હતું કે, વરિષ્ઠ અધિકારીઓ અને શ્રાઈન બોર્ડના પ્રતિનિધિઓ સ્થળ પર છે.

રિપોર્ટ અનુસાર કેટલાક લોકો વચ્ચે ઝઘડો થયો અને પછી મારામારી શરૂ થઈ જે ભાગદોડમાં ફેરવાઈ ગઈ.

અધિકારીઓએ જણાવ્યું હતું કે મૃતદેહોને ઓળખ અને અન્ય કાનૂની ઔપચારિકતા માટે હોસ્પિટલમાં મોકલવામાં આવ્યા છે. માતા વૈષ્ણો દેવી નારાયણ સુપર સ્પેશિયાલિટી હોસ્પિટલ સહિત ઓછામાં ઓછા 26 અન્ય લોકોને હોસ્પિટલમાં દાખલ કરવામાં આવ્યા હતા અને ઘણા ઘાયલોની હાલત ગંભીર જણાવવામાં આવી રહી છે. ન્યૂઝ એજન્સી ANI રિપોર્ટ અનુસાર, જમ્મુ-કાશ્મીરના DGP દિલબાગ સિંહે જણાવ્યું કે, કટરા સ્થિત માતા વૈષ્ણો દેવી ભવનમાં નાસભાગમાં 12 લોકોના મોત થયા છે, 13 લોકો ઘાયલ છે. આ ઘટના સવારે 2.45 વાગ્યે બની હતી. સિંહે કહ્યું કે પ્રારંભિક માહિતી અનુસાર, કેટલાક લોકો વચ્ચે ઝઘડો થયો અને પછી મારામારી શરૂ થઈ જે ભાગદોડમાં ફેરવાઈ ગઈ.

J&Kના લેફ્ટનન્ટ ગવર્નર મનોજ સિન્હાએ જણાવ્યું હતું કે,આ ઘટનાની  ઉચ્ચ સ્તરીય તપાસ કરાશે

જમ્મુ-કાશ્મીરના લેફ્ટનન્ટ ગવર્નર મનોજ સિન્હાએ આ ઘટના પર નિવેદન બહાર પાડ્યું છે. તેમણે કહ્યું કે આજની નાસભાગની ઉચ્ચ સ્તરીય તપાસના આદેશ આપવામાં આવ્યા છે. તપાસ સમિતિનું નેતૃત્વ અગ્ર સચિવ (ગૃહ) કરશે, જેમાં એડીજીપી, જમ્મુ અને વિભાગીય કમિશનર, જમ્મુ સભ્યો હશે. સિન્હાએ કહ્યું કે માતા વૈષ્ણો દેવી મંદિરમાં નાસભાગને કારણે થયેલા જાનહાનિથી તેઓ ખૂબ જ દુઃખી છે. મૃતકોના પરિવારજનો પ્રત્યે મારી સંવેદના અને ઘાયલો ઝડપથી સાજા થાય તેવી પ્રાર્થના.