અડપલાં / વડોદરા: પત્ની-પુત્રીને ઉપાડી ગયો અમાન રાણા , બાદમાં 8 વર્ષીય દીકરીનું શરીર છંછેડ્યું, આપવીતી જાણી પિતા હતપ્રત, બેંગ્લોરથી ત્રણ ઝબ્બે

• વડોદરા તેમજ બેંગ્લોર ખાતે સગીરા સાથે અડપલા કરનાંર યુવકની ધરપકડ
• પોલીસે ફરિયાદીનાં આધારે પોક્સો હેઠળ ગુનો દાખલ કરી ધરપકડ કરી
• બાપોદ પોલીસે બેંગ્લોરથી અમાન રાણાની ધરપકડ કરી

સમગ્ર બનાવની વિગત એવી છે કે એક માસ પહેલા અમાન રાણા ફરિયાદીની પત્નિને તેની આઠ વર્ષીય દિકરી સાથે ભોળવીને ભગાડી ગયો હતો. તે બાદ પરણીતાનાં પતિ દ્વારા આ બાબતે પોલીસ મથકે ફરિયાદ નોંધાવતા પોલીસે ગુનો નોંધી તપાસ હાથ ધરી હતી. ત્યારે યુવક બેંગ્લોર હોવાની માહિતી પોલીસને મળતા પોલીસ દ્વારા બેંગ્લોરથી અમાન રાણા, પરણીતા તેમજ બાળકીને શોધી કાઢ્યા હતા.  ત્યાર બાદ પરણીતાની પૂછપરછ હાથ ધરતા મહિલાએ મરજીથી યુવક સાથે ગઈ હોવાનું સ્વીકાર્યું હતું. જે બાદ બાળકીનો કબ્જો તેનાં પિતાને સોંપી દેવામાં આવ્યો હતો. 

સગીરાએ તેનાં પિતા સમક્ષ ઘટસ્ફોટ કરતા પોક્સો હેઠળ ગુનો નોંધવામાં આવ્યો
બેંગ્લોરથી વડોદરા પરત લાવ્યા બાદ આઠ વર્ષીય બાળકીએ તેનાં પિતા સમક્ષ ઘટસ્ફેટ કર્યો હતો. જેમાં યુવક અમાન રાણા દ્વારા સગીરા સાથે શારીરીક અડપલા કર્યાનો ઘટસ્ફોટ કર્યો હતો. જે બાદ પોલીસે યુવક અમાન રાણા વિરૂદ્ધ વધુ એક પોક્સોની કલમ હેઠળ ગુનો દાખલ કરી ધરપકડ કરી હતી. ઓગસ્ટમાં ગુનો દાખલ થયા બાદ અમાન ફરાર હતો. બાપોદ પોલીસની ટીમે બેંગ્લોર સહિત વિવિધ સ્થળોએ તપાસ હાથ ધરી હતી. ત્યારે અમાન રાણા બેંગ્લોરથી પોલીસનાં હાથે ઝડપાઈ જતા પોલીસે કાયદેસરની કાર્યવાહી હાથ ધરી હતી. 

ફરિયાદનાં આધારે અમાન રાણાની પોલીસે ધરપકડ કરી કાયદેસરની કાર્યવાહી હાથ ધરી
આ બાબતે વડોદરા ઝોન-4 નાં ડીસીપીસ પન્ના મોમાયાએ જણાવ્યું હતું કે,  બાપોદ પોલીસ મથકે ખાતે એક પોક્સો મુજબનો ગુનો દાખલ કરવામાં આવ્યો છે. ત્યારે ફરિયાદીનાં જણાવ્યા મુજબ તેમની દીકરી સાથે આરોપીએ બેગ્લોર ખાતે  અને બાપોદ પોલીસ મથકની હદમાં જાતીય સતામણી કરેલ હતી. જેથી ફરિયાદીની ફરિયાદ મુજબ ગુનો દાખલ કરવામાં આવ્યો હતો. જે બાદ અમાન રાણાની બાપોદ પોલીસે ધરપકડ કરી તેની સામે કાયદેસરની કાર્યવાહી હાથ ધરી છે.