LIVE મર્ડર / ઉત્તરપ્રદેશ: રોડ વિવાદને લઇ આરોપીઓએ સપા નેતા અને દીકરાની ગોળી મારીને કરી નાખી હત્યા

• સંભલમાં સપા નેતા અને તેમના દીકરાની હત્યા
• રોડ વિવાદને લઇને ખુલ્લેઆમ હત્યા
• હત્યા બાદ વિસ્તારમાં તણાવ, આરોપી ફરાર

ઘટના સંભલ જિલ્લાના બહજોઈ વિસ્તારની છે. અહીંના ગામ સમસોઈમાં રોડને લઇને બન્ને પક્ષોમાં વિવાદ થયો. સપા નેતાની પત્ની ગામના સરપંચ છે. ગામમાં એક રોડ બનાવવાનું કામ ચાલી રહ્યું છે, જેનો કેટલાક લોકો વિરોધ કરી રહ્યા હતા. આ વિવાદ એટલો વધી ગયો કે બંદૂકો લઇ આવ્યા. આ દરમિયાન ઘટના સ્થળે હાજર સપા નેતા છોટે લાલ દિવાકર અને તેમના દીકરાને ગોળી મારી દેવામાં આવી.

આરોપી જ્યારે ફાયરિંગ કરી રહ્યા હતા તો તે સમયે ઘણા લોકો હાજર હતા. લોકોએ આ ઘટનાનો વીડિયો મોબાઇલમાં કેદ કરી લીધો. આ વીડિયોમાં આરોપી ગોળી મારતા સ્પષ્ટ દેખાઇ રહ્યા છે. જોકે પોલીસે કેટલાક લોકોની ધરપકડ કરી લીધી છે, પરંતુ હત્યાનો મુખ્ય આરોપી હજુ પોલીસ પકડથી દૂર છે.

સપા નેતા છોટેલાલ વિધાનસભા ચૂંટણીમાં ઉમેદવાર પણ રહ્યા છે. પત્ની હાલ સરપંચ છે. આ ઘટના બાદ વિસ્તારમાં રાજનીતિ ગરમાઇ ગઇ છે. ઘટના સ્થળે જિલ્લાના ઉચ્ચ અધિકારીઓ પણ પહોંચ્યા અને પરિસ્થિતિનો તાગ મેળવ્યો. સપા નેતાના પરિવારજનોએ પોલીસ પર બેદરકારીનો આરોપ લગાવ્યો છે. પરિવારજનોનો આરોપ છે કે પોલીસને જાણ કરી દેવામાં આવી પરંતુ સમયસર ઘટના સ્થલે ન પહોંચી. હાલ ગામમાં તણાવપૂર્ણ વાતાવરણ જોતા પીએસી તૈનાત કરી દેવામાં આવી છે.

સપાએ યોગી સરકારને ઘેરી

સમાજવાદી પાર્ટીએ આ ઘટનાની કડક પ્રતિક્રિયા આપી છે. પ્રાર્ટીએ ટ્વીટ કરી કહ્યું કે, 'હત્યારી સરકાર! ભાજપ સત્તા સંરક્ષિત ગુંડા કરી રહ્યા જનતાનો અવાજ ઉઠાવનાર પર પ્રહાર! સંભલના દલિત નેતા અને ચંદૌસીના પૂર્વ સપા વિધાનસભા ઉમેદવાર શ્રી છોટે લાલ દિવાકર સહિત તેમના દીકરાની હત્યા દુખદ! પરિજનો પ્રત્યે સંવેદના! હત્યારાઓની ધરપકડ કરી થાય ન્યાય!'