Coronavirus / અમેરિકા અને ચીનના વાકયુદ્ધ વચ્ચે U ટર્ન: US ઇન્ટેલિજન્સે કહ્યું કોરોના માનવ સર્જિત નથી, પણ...

• USICએ કહ્યું કે વાયરસ માનવસર્જિત નથી
• USICએ એમ પણ કહ્યું કે જોકે આ કેવી રીતે માણસોમાં ફેલાયો તેની તપાસ ચાલુ છે
• USICએ એક રીત ચીનને ક્લિન ચિટ આપી છે

USICએ એમ પણ કહ્યું છે કે ઉપલબ્ધ પુરાવા અને વૈજ્ઞાનિકો સમ્મતિ અનુસાર કોવિડ -19 વાયરસ કોઈ પણ લેબમાં જિનેટિક મોડિફિકેશન દ્વારા પણ (સામાન્ય કોરોના વાયરસના જીન્સમાં કૃત્રિમ ફેરફાર) બનાવવામાં આવ્યો નથી.  અત્યાર સુધી ટ્રમ્પ ચીન પર આરોપ લગાવતા રહ્યા છે કે કોરોના વાયરસ ચીનમાં વુહાનની લેબમાં ઉત્પન્ન થયો છે. જ્યારે ચીન આ વાતનો ઇનકાર કરતું રહ્યું છે. 

જો કે, USICએ એમ પણ કહ્યું હતું કે તેઓ કોવિડ -19 વાયરસનો ફેલાવો પ્રાણી સાથેના માનવ સંપર્કને કારણે થયો હતો કે ચીનમાં એક પ્રયોગશાળામાં અકસ્માતને કારણે તે ફેલાવા લાગ્યો છે તેની કડક તપાસ કરવાનું ચાલુ રાખશે.

ઉલ્લેખનીય છે કે અમેરિકા સતત વાયરસ માટે ચીનને દોષી ગણાવતું રહ્યું છે. ટ્રમ્પ જાહેરમાં 'અદ્રશ્ય દુશ્મન' ના ફેલાવા માટે ચીન પર દોષારોપણ કરતા રહ્યા છે અને તેની વિરુદ્ધ તપાસ શરૂ કરી છે. તેમનું કહેવું છે કે મહામારીને કારણે થયેલા નુકસાન માટે યુ.એસ. ચીન પાસેથી જર્મની કરતાં વધુ વળતર લેશે.

જર્મનીએ ચીન પાસેથી 12.41 લાખ કરોડનું વળતર માંગ્યું છે. અમેરિકા, બ્રિટન અને જર્મનીના નેતાઓનું માનવું છે કે જો ચીને પારદર્શિતા દાખવી હોત અને વાયરસના પ્રારંભિક તબક્કે તેની માહિતી શેર કરી હોત, તો ઘણા લોકોના મૃત્યુ અને વૈશ્વિક અર્થવ્યવસ્થાના વિનાશને ટાળી શક્યા હોત. બીજા ઘણા દેશો ચીન પાસે તેમને થયેલા નુકસાન માટે વળતરની માંગ કરી રહ્યા છે.