તમારા કામનું / આ રીતે ઈન્ટરનેટ વિના UPI થી પૈસા ટ્રાન્સફર કરો

• ઈન્ટરનેટ વગર UPI દ્વારા મોકલો પૈસા 
• ફોનના ડાયલર પર ડાયલ કરો *99# USSD 
• UPI લિંક મોબાઇલમાંથી કોઇપણ સમયે ઉપયોગ કરી શકશે

આજના યુગમાં આપણું તમામ મહત્વનું કામ મોબાઈલ પર થાય છે, પછી તે બેંકનું કામ હોય કે પેમેન્ટ. આજકાલ લોકોએ રોકડ રાખવાનું બંધ કરી દીધું છે, પછી તે નાની રકમ હોય કે મોટી, દરેક વ્યક્તિ ફક્ત UPI પેમેન્ટ કરવા માંગે છે. એક જ ક્લિકથી તમામ કામ થઈ જાય છે. UPI પેમેન્ટ વડે સરળતાથી પેમેન્ટ કરવામાં આવે છે. તેને ફક્ત એક સક્રિય ઇન્ટરનેટ કનેક્શનની જરૂર છે. ઘણીવાર એવું જોવા મળે છે કે તમે એવી જગ્યાએ છો જ્યાં ઇન્ટરનેટ સેવા નથી અથવા તો તમારું નેટ સ્લો ચાલી રહ્યું છે. આવી સ્થિતિમાં UPI પેમેન્ટ કરવું અશક્ય બની જાય છે. પરંતુ અમે તમને જણાવી દઈએ કે શક્ય છે કે તમે ઈન્ટરનેટ વગર UPI નો ઉપયોગ કરી શકો. તમારે ફક્ત તમારા ફોનના ડાયલર પર *99# USSD કોડનો ઉપયોગ કરવાનો છે.

UPI આઈડી કઈ રીતે રજીસ્ટર કરશો 
1. સૌપ્રથમ તમારા ફીચર્સ ફોન પર *99# ડાયલ કરો
2. ત્યારપછી તમારી ભાષા પસંદ કરો 
3. ભાષા પસંદ થયા પછી તમને તમારા મોબાઈલ સાથે લિંક થયેલા બેંક એકાઉન્ટને સિલેક્ટ કરો.
4. ત્યારપછી બેંક એકાઉન્ટ વેરિફિકેશન માટે ડેબીટ કાર્ડની ડિટેલ્સ પૂછવામાં આવશે ત્યારબાદ તમારું ઓફલાઈન UPI વેરિફિકેશન સંપૂર્ણ થશે.

ઇન્ટરનેટ વગર UPI પેમેન્ટ કેવી રીતે કરવું
1. ફોન પર ડાયલર ખોલો અને *99# લખો, 'કૉલ' બટન પર ટેપ કરો
2. તમે પૈસા મોકલવા માટેના એક સહિત ઘણા વિકલ્પો સાથે મેનુ પોપ અપ જોશો. બંધબેસતો વિકલ્પ પસંદ કરો
3. ચુકવણી પ્રાપ્ત કરનાર વ્યક્તિની માહિતી એન્ટર કરો - નંબર લખો અને પછી મોકલો પર ટેપ કરો.
4. UPI એકાઉન્ટ સાથે લિંક કરેલ મોબાઇલ નંબર દાખલ કરો અને મોકલો દબાવો.
5. તમે જે રકમ મોકલવા માંગો છો તે દાખલ કરો અને પછી મોકલો.
6. વ્યવહાર પૂર્ણ કરવા માટે તમારો UPI PIN દાખલ કરો.

ખાસ નોંધ:- ઓફલાઈન પૈસા મોકલવા માટે તમારે એક ફી ચૂકવવી પડશે જે 0.50 પૈસા પ્રતિ ટ્રાન્સફરના લાગશે