ઉત્તર પ્રદેશની બારાબંકી લોકસભા સીટથી ભાજપના સાંસદ ઉપેન્દ્ર સિંહ રાવતે સોમવારે લોકસભા ચૂંટણી લડવાનો ઈનકાર કરી દીધો છે. પોતાનો એક અશ્લિલ વીડિયો વાયરલ થયાં બાદ તેમણે ચૂંટણી ન લડવાનો નિર્ણય કર્યો હતો.
જ્યાં સુધી નિર્દોષ નહીં ત્યાં સુધી ચૂંટણી નહીં લડું
હાલમાં જ તેમનો કથિત વીડિયો વાયરલ થયો છે. જણાવવામાં આવી રહ્યું છે કે પાર્ટી હાઈકમાન્ડની સૂચના બાદ તેમણે પોતાનું નામ પાછું ખેંચી લીધું છે. મીડિયાને આપેલા નિવેદનમાં ઉપેન્દ્રસિંહ રાવતે કહ્યું હતું કે જ્યાં સુધી હું નિર્દોષ સાબિત નહીં થાઉં ત્યાં સુધી હું ચૂંટણી નહીં લડું. સાંસદના પ્રતિનિધિ દિનેશ ચંદ્ર રાવતે વાયરલ વીડિયો અંગે યુપી પોલીસને ફરિયાદ કરી છે. ફરિયાદમાં આ વીડિયોને ફેક અને ડીપફેક ગણાવ્યો હતો.
હું ડીપફેક વીડિયોનો ભોગ બન્યો-સાંસદ
ભાજપના સાંસદ ઉપેન્દ્રસિંહ રાવતે સોશિયલ મીડિયા પ્લેટફોર્મ એક્સ પર પોસ્ટ કરીને લખ્યું કે મારો એક વીડિયો ઇન્ટરનેટ પર વાયરલ થઇ રહ્યો છે. તેમણે કહ્યું કે, આ વીડિયોને એડિટ કરીને બનાવવામાં આવ્યો છે. તેમણે કહ્યું કે હું ડીપફેકનો શિકાર બન્યો છું. મેં બારાબંકી પોલીસમાં એફઆઈઆર નોંધાવી છે અને ભાજપના રાષ્ટ્રીય અધ્યક્ષ જેપી નડ્ડાને પણ જાણ કરી છે.
શું છે વાયરલ વીડિયોમાં
વાયરલ વીડિયોમાં ઉપેન્દ્ર રાવત જેવો કોઈ શખ્સ વિદેશી મહિલા સાથે દેખાઈ રહ્યો છે. સોશિયલ મીડિયા પર વાયરલ થયેલા કથિત અશ્લીલ વીડિયો અપ ટુ ડેટ છે. 5 મિનિટનો આ વીડિયો 31 જાન્યુઆરી 2022નો છે. વીડિયોનો સમય 8 વાગ્યાનો છે. વાયરલ થયેલો બીજો વીડિયો પણ મે 2022નો હોવાનું કહેવાય છે. આ સાથે જ ઘણા વધુ વીડિયો પણ વાયરલ થયા છે. વીડિયો વાયરલ થયા બાદ રાવત પર વિપક્ષોએ પસ્તાળ પાડી હતી.
ભોજપુરી સ્ટાર પવન સિંહે પણ ટિકિટ પાછી આપી
આ પહેલા ભોજપુરી સ્ટાર પવન સિંહે આસનસોલથી ચૂંટણી લડવાની ના પાડી દીધી હતી. ભાજપે પવન સિંહને પશ્ચિમ બંગાળના આસનસોલથી ઉમેદવાર બનાવ્યા હતા, જ્યાંથી ટીએમસી નેતા શત્રુઘ્ન સિન્હા હાલ સાંસદ છે. પવન સિંહે એક્સ પર પોસ્ટ કરીને કહ્યું હતું, 'હું ભારતીય જનતા પાર્ટીના ટોચના નેતૃત્વનો દિલથી આભાર વ્યક્ત કરું છું. પાર્ટીએ મારા પર વિશ્વાસ કરીને આસનસોલથી ઉમેદવાર જાહેર કર્યો, પરંતુ કોઈ કારણસર હું આસનસોલથી ચૂંટણી નહીં લડી શકું.
