રાજ્યમાં સાયક્લોનિક સક્યૂલેશન સક્રિય થયું છે...અને તેને અસર ગુજરાતના વાતાવરણમાં જોવા મળશે. ખાસ કરીને 12 અને 13 જાન્યુઆરીએ કમોસમી વરસાદની આગાહી કરવામાં આવી છે.
12 જાન્યુઆરીએ કચ્છમાં સામાન્ય વરસાદ પડવાની આગાહી કરાઈ છે..13 જાન્યુઆરીએ બનાસકાંઠા,જૂનાગઢ, ગીર સોમનાથમાં આગાહી કરી છે..પોરબંદર અને કચ્છમાં સામાન્ય વરસાદની આગાહી કરાઈ છે. 14 જાન્યુઆરીથી ફરીવાર વધારે ઠંડી પડવાની શક્યતા છે.
આ વિસ્તારોમાં કમોસમી વરસાદની આગાહી
આગામી બે દિવસ લઘુતમ તાપમાન વધશે અને ઠંડીમાં ઘટાડો થશે, અને ત્યાર બાદ વાતાવરણમા પલટો આવશે. સાથે કમોસમી વરસાદની સંભાવના હવામાન વિભાગે વ્યક્ત કરી છે. સૌરાષ્ટ્ર, કચ્છ, ઉત્તર ગુજરાત, બનાસકાંઠા, દ્વારકા, જામનગર, કચ્છમા કમોસમી વરસાદની હવામાન વિભાગે આગાહી કરી છે.
ઉતરાયણની મજા બગડશે
સાયક્લોનિક સર્ક્યુલેશન પતંગ રસિયાઓનીની પણ મજા બગડી શકે છે. હવામાન વિભાગનું અનુમાન છે કે, ઉતરાયણના દિવસે 15 થી 20 કિલોમીટરની ઝડપે પવન ફૂંકાશે, ત્યારે જોવાનું એ છે કે સાક્લોનિક સર્ક્યુલેશન કેવી અસર થશે.
ઠંડીમાં હજુ વધારો થશે
ગુજરાતમાં તાપમાનનો પારો દિવસે દિવસે ગગડી રહ્યો છે. ત્યારે હવે આગામી બે દિવસ હજુ પણ પારો ગગડવાની હવામાન વિભાગે આગાહી કરી છે.. હવામાન વિભાગની આગાહી મુજબ લોકોને હજુ પણ બે દિવસ કાતિલ ઠંડી સહન કરવી પડશે. આજે રાજ્યમાં સૌથી ઓછુ નલિયામાં 4.2 ડિગ્રી તાપમાન નોંધાયુ છે. અમદાવાદમાં 10 ડિગ્રી, વડોદરામાં 10, રાજકોટમાં 9.9 ડિગ્રી અને ભુજમાં 8.4 ડિગ્રી તાપમાન નોંધાયુ છે. ઉત્તર ભારતમાં થઈ રહેલી હિમવર્ષાના કારણે ઠંડીના પ્રમાણમાં વધારો થઈ રહ્યો છે પણ હવે તાપમાન વધશે અને વરસાદ થશે.