દુષ્કર્મ / જામ ખંભાળીયામાં બે કિશોરી પર દુષ્કર્મથી ચકચાર, નરાધમોએ છરીની અણીએ હવસની ભૂખ સંતોષી

• જામ ખંભાળીયામાં બે કિશોરી પર દુષ્કર્મ 
• એક આરોપી બે મદદગાર સામે ફરિયાદ 
• પોલીસે તપાસ દરમિયાન ત્રણેયને ઝડપી લીધા 

દેવભૂમિ દ્વારકાના ખંભાળીયામાં બે સગીરવયની બહેનો પર એક શખ્સે દુષ્કર્મ આચર્યાની ઘટનાની સનસનાટી મચી ગઈ છે. આ દુષ્કર્મમાં  અન્ય બે શખ્સે મદદગારી કર્યાની પોલીસ ફરીયાદ દાખલ થઇછે.  ફરીયાદના આધારે પોલીસે  તપાસના ચક્રો ગતિમાન કરીઆરોપીઓને ઝડપી લીધા છે.દ્વારકાના ખંભાળીયા વિસ્તારમાં રહેતી બે સગીર બહેનો પર એક શખ્સે દુષ્કર્મ આચર્યાનું અને બે શખ્સે મદદગારી કર્યાનું બહાર આવતા આ મામલે ભોગ બનનારના પિતા દ્વારા મુખ્ય આરોપી નિકેશ ચંદુ પ્રજાપતી, આશિષ  આહીર અને મહેશ ચાવડા ( રે. ખંભાળીયા)ની વિરુઘ્ધ  પોકસો એકટ  મુજબ  ફરીયાદ નોંધાવી હતી.

પોલીસ ફરિયાદમાં જણાવાયા પ્રમાણે  આરોપી નિકેશ ચંદુએ ફરીયાદીની 16 વર્ષ અને 9 માસની પુત્રીને લલચાવી ફોસલાવી મિત્રતા કેળવી તેણી સાથે અવાર નવાર શરીર સબંધ બાંધતો . આ પછી  આરોપી નિકેશે સગીરાને પ્રેગનેન્સી ટેસ્ટ કરાવવા માટે બોલાવી હતી.  જયાં ભોગ બનનાર સગીરા અને તેની 14 વર્ષ ની માસીયાઈ  બહેનને સાથે લઇને આરોપી ગયા હતા.
અહીં  આરોપી નિકેશ પ્રજાપતીએ ભોગ બનનારની નાની બહેનને  એકલી બોલાવતા ભોગ બનનાર કિશોરીએ  તેની સાથે  એકલી જવાની ના કહી હતી. 

 આ વખતે ત્રણેય આરોપીઓએ જેમાં આરોપી આશિષ અને મહેશએ ભોગ બનનારના દુપટ્ટા વડે હાથપગ બાંધી દીધા હતા અને આ બે પૈકી એક આરોપીએ તેણીને છરી બતાવીને બૂમા-બૂમ કરીશ તો જાનથી મારી નાખવાની ધમકી પણ  આપી હતી.ધાક-ધમકી  આપ્યા બાદ  આરોપી નિકેશે  ભોગ બનનારની નાની બહેન સાથે તેમની મરજી વિરુઘ્ધ શરીર સબંધ બાંઘ્યો.  આમ ત્રણેય શખ્સોએ એકબીજાને મદદગારી કરી ગુન્હો આચર્યો હતો.

1 જાન્યુઆરી થી 27 ફેબ્રુઆરી દરમિયાનના સમયગાળામાં  બજાણા રોડ અને શ્રીજી સોસાયટી વિસ્તારના અવાવરૂ ‚ જગ્યાએ આ ઘટના ઘટી હોવાનું ફરીયાદમાં જણાવાયું છે. સમગ્ર મામલો સામે આવતા ગઇકાલે ભોગ બનનારના પિતા દ્વારા ઉપરોકત ત્રણેય આરોપી જેમાં મુખ્ય આરોપી નિકેશ અને તેને મદદ કરનારા આશિષ તથા મહેશની વિરુઘ્ધ વિધિવત ગુન્હો નોંધાવતા ખંભાળીયાના પીઆઇ પી.એમ. જુડાલ અને સ્ટાફ દ્વારા તપાસ શરુ કરવામાં આવી હતી પોલીસે ફરીયાદના આધારે  તપાસ કરીને ત્રણેય શખ્સોની અટકાયત કરીને આગળની કાર્યવાહી ચલાવવામાં આવી રહી છે
.