શ્રદ્ધાંજલિ / ઓનસ્ક્રીન 'રાવણ'ના નિધન પર રામે દુઃખ પ્રગટ કર્યું, વડાપ્રધાન સહિતનાં લોકોએ શૉક વ્યક્ત કર્યો

• રાવણનું પાત્ર ભજવનારા અરવિંદ ત્રિવેદીનું રાત્રે હાર્ટ એટેકથી નિધન
• વડાપ્રધાન મોદીએ ત્રિવેદીના નિધન પર દુ:ખ દર્શાવ્યું
• અરવિંદ ત્રિવેદી એક અસાધારણ અભિનેતા હતા, ઓમ શાંતિ

ફિલ્મ ઈન્ડસ્ટ્રીમાં શોકનું મોજું ફરી વળ્યું

અરવિંદ ત્રિવેદીના ભત્રીજા કૌસ્તુભ ત્રિવેદીએ તેમના નિધનની પુષ્ટિ કરી છે. તેમના નિધનથી ટીવી અને ગુજરાતી ફિલ્મ ઈન્ડસ્ટ્રીમાં શોકનું મોજુ ફરી વળ્યું છે. અરવિંદ ત્રિવેદીના નિધન પર વડાપ્રધાન મોદી સહિત રામાયણમાં તેના સહ કલાકારો અને ઘણી મોટી સેલિબ્રિટીઓએ દુ:ખ દર્શાવ્યું છે. વડાપ્રધાન નરેન્દ્ર મોદીએ ટ્વિટ દ્વારા લખ્યું, "આપણે અરવિંદ ત્રિવેદીને ગુમાવી દીધા છે. જે ફક્ત એક અસાધારણ અભિનેતા હતા. પરંતુ જનસેવા પ્રત્યે ઝનૂની પણ હતા. ભારતીય પેઢીઓ માટે તેમને રામાયણ ટીવી સીરિયલમાં તેમના કામ માટે યાદ કરવામાં આવશે. ઓમ શાંતિ."

We have lost Shri Arvind Trivedi, who was not only an exceptional actor but also was passionate about public service. For generations of Indians, he will be remembered for his work in the Ramayan TV serial. Condolences to the families and admirers of both actors. Om Shanti. pic.twitter.com/cB7VaXuKOJ

— Narendra Modi (@narendramodi) October 6, 2021

અરૂણ ગોવિલે અરવિંદ ત્રિવેદીના નિધન પર દુ:ખ દર્શાવ્યું

રામાયણમાં શ્રીરામનું પાત્ર ભજવનારા અરૂણ ગોવિલે ટ્વિટ કરી પોતાના નજીકના મિત્ર અરવિંદ ત્રિવેદીના નિધન પર દુ:ખ વ્યક્ત કર્યુ છે. તેમણે પોતાના ટ્વિટમાં લખ્યું, આધ્યાત્મિક રૂપથી રામ અવતારનું કારણ અને સાંસારિક રૂપથી ખૂબ જ સારા, ધાર્મિક, સરળ સ્વભાવના માણસ અને મારા અતિપ્રિય મિત્ર અરવિંદ ત્રિવેદીજીને આજે માનવ સમાજે ગુમાવી દીધા છે. તેમાં કોઈ શંકાને સ્થાન નથી કે તેઓ સીધા પરમલોકમાં જશે અને ભગવાન શ્રીરામનું સાનિધ્ય પ્રાપ્ત કરશે.

आध्यात्मिक रूप से रामावतार का कारण और सांसारिक रूप से एक बहुत ही नेक,धार्मिक, सरल स्वभावी इंसान और मेरे अतिप्रिय मित्र अरविंद त्रिवेदी जी को आज मानव समाज ने खो दिया। नि:संदेह वे सीधे परमधाम जाएंगे और भगवान श्रीराम का सानिध्य पाएंगे।🙏💐

— Arun Govil (@arungovil12) October 6, 2021

લક્ષ્મણનું પાત્ર ભજવનારા સુનીલ લહેરીએ શોક દર્શાવ્યો

રામાયણમાં લક્ષ્મણનું પાત્ર ભજવનારા સુનીલ લહરીએ પણ અરવિંદ ત્રિવેદીના નિધન પર દુ:ખ દર્શાવ્યું છે. તેમણે ટ્વિટર પર અરવિંદ અને તેના પાત્ર રાવણની તસ્વીરો શેર કરતા લખ્યું, ખૂબ જ દુખદ સમાચાર છે કે આપણી વચ્ચે અરવિંદ ભાઈ રહ્યાં નથી. ભગવાન તેમની આત્માને શાંતિ આપે. મારી પાસે કોઈ શબ્દો નથી. તેઓ મારા પિતાની જેમ હતા. તેઓ મારા માર્ગદર્શક અને સજ્જન પુરૂષ હતા.

Bahut dukhad Samachar hai ki Hamare Sabke Pyare Arvind bhai (Ravan of Ramayan) Ab Hamare bich Nahin Rahe😥 Bhagwan Unki Atma ko Shanti De...I am speechless I lost father figure, my guide, well wisher & gentleman ... 🙏😥 pic.twitter.com/RtB1SgGNMh

— Sunil lahri (@LahriSunil) October 6, 2021