હેલ્થ ટિપ્સ / કોરોનાથી ગભરાવવાના બદલે ડાયટ બદલો, કોવિડ સામે લડવા માટે ‘અમૃત’ સમાન છે આ ઔષધિઓ, ઇમ્યૂનિટી બુસ્ટ થશે

• કોરોના સામે લડવા માટે ‘અમૃત’ સમાન છે આ ઔષધિઓ
• તુલસી, ગળો સહિતની ઔષધિ છે રામબાણ ઈલાજ

હાલ ભારત સહિત સમગ્ર દુનિયા ફરી એક વખત કોરોનાકાળનો સામનો કરી રહી છે. કાળમુખા કોરોનાથી બચવા માટેના મુખ્ય ઉપાય સોશિયલ ડિસ્ટન્સિંગ, માસ્ક પહેરવું અને હાથને વારંવાર સે‌િનટાઇઝ કરવા તે છે. કોરોનાથી ગભરાવવાના બદલે તમે ડાયટમાં કેટલીક એવી વસ્તુઓનો સમાવેશ કરી શકો છો, જેનાથી તમારી ઇમ્યૂનિટી વધે. કેટલીક ઔષધીઓ અને જડીબુટ્ટીઓ અંગે જાણો, જેમને ડાયટમાં લેવાથી તમે બીમાર નહીં પડો અને તમારી ઇમ્યૂનિટી મજબૂત થશે. 

તુલસીઃ 

જડીબુટ્ટીઓની રાણી તુલસી બેક્ટેરિયા, વાઇરસ અને ફંગસને દૂર કરે છે. તુલસીનો કાઢો કે ચા પીવાથી ઇમ્યૂનિટી મજબૂત થાય છે. તુલસી શ્વસનતંત્રનાં અંગોને મજબૂત કરે છે. આ ઉપરાંત પ્રો-ઇન્ફ્લેમેટરી પદાર્થોને કન્ટ્રોલ કરે છે, તેનાથી ઇન્ફ્લેમેશન ઘટે છે. 

અશ્વગંધાઃ 

એ‌િન્ટબેક્ટેરિયલ, એ‌િન્ટવાઇરલ ગુણોથી ભરપૂર આયુર્વેદિક ઔષધિ અશ્વગંધા પણ ઇમ્યૂનિટીને મજબૂત બનાવે છે, તેનાથી શરીરના અંગ અને ઓજસને પોષણ મળે છે, જેનાથી તે વાઇરસના સંક્રમણ સામે લડવામાં સક્ષમ બને છે. આ ઉપરાંત અશ્વગંધા વજન અને હિમોગ્લોબિનનું સ્તર વધારવામાં પણ મદદરૂપ બને છે. 

ગળોઃ

 ગિલોય કે ગુડુચ્ચી ઇમ્યૂનિટી વધારવાની સાથે-સાથે શરીરને સંક્રમણ સામે લડવાની તાકાત આપે છે. આ ઔષધિમાં રહેલા એ‌િન્ટઇન્ફ્લેમેટરી અને એ‌િન્ટઇન્ફ્લેમેશન ગુણો તણાવ અને વારંવાર બીમાર પડવા તેમજ સંક્રમણના કારણે નબળા પડેલા શરીરને તાકાત આપે છે. 

આંબળાઃ
ફોસ્ફરસ, આયર્ન, કેરો‌િટન, વિટા‌િમન-બી જેવાં પોષક તત્ત્વોથી ભરપૂર સુપરફૂડ આંબળાં વાઇરસનો ઝડપથી પ્રસાર રોકે છે. નિષ્ણાતોનું માનવું છે કે તેનાથી વાઇરસના કારણે થતું ઓ‌િક્સડેસિવ નુકસાન પણ થતું નથી. રોજ સેવનથી કેન્સર જેવી બીમારીઓનો ખતરો ઘટે છે. 

ભારતીય મસાલાઃ

 ભારતીય મસાલા, જેમ કે મરી, ઇલાઇચી, લવિંગ, ગરમ મસાલા, સિંધવ મીઠું પણ કોઇ ઔષધીથી કમ નથી. આયુર્વેદમાં તેનો ઉપયોગ દવાના રૂપમાં થાય છે. જો તમે ઇમ્યૂન સિસ્ટમને મજબૂત બનાવવા ઇચ્છતા હો તો તેને પોતાના ડાયટનો હિસ્સો બનાવો.

 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)