દરોડા / ટ્રૂ વેલ્યુ ગ્રુપને ત્યાં 3 દિવસથી ચાલી રહેલા સર્ચ ઓપરેશનમાં EDને મળી મોટી સફળતા, આટલા કરોડ કર્યા જપ્ત

• અમદાવાદના જાણીતા બિલ્ડરને ત્યાં ઇડીની રેડ
• ટ્રુ વેલ્યુ ગ્રુપને ત્યાં સતત ત્રીજા દિવસે ઇડીની તપાસ
• દરોડામાં 6 કરોડની રોકડ જપ્ત કરવામાં આવી

અમદાવાદના જાણીતા બિલ્ડર અને તેના ભાગીદારને ત્યાં EDનું સર્ચ ઓપરેશન ચાલી રહ્યું છે. બિલ્ડરને ત્યાં દસ્તાવેજો અને બેનામી સંપત્તિની તપાસ ચાલુ છે અને તેમના તમામ વ્યવહારોની તપાસ પણ કરાઇ છે. તેવામાં હવે આ દરોડામાં 6 કરોડની રોકડ જપ્ત કરાઈ છે. ભારતીય ઉપરાંત વિદેશી ચલણ પણ કબજે લેવાયું છે. એર્ડોર ગ્રુપના બેન્કોને ચૂનો લગાવ્યાના ગુનામાં સંડોવણી આવી સામે છે. અનેક ડમી કંપનીઓ ઊભી કરીને સર્ક્યુલર ટ્રેડિંગ કરતા હતા. ટ્રૂ વેલ્યુ ગ્રુપ, વિપુલ એન્ડ મનીષ એસોસિયેટ્સ પર સકંજો કસ્યો છે. ટ્રૂ વેલ્યુ મેનેજમેન્ટ કન્સલ્ટન્ટ પર પણ સકંજો કસાયો છે. જોકે હજુ બિલ્ડરને ત્યાં દસ્તાવેજો અને બેનામી સંપતીની તપાસ ચાલુ છે. બિલ્ડર દ્વારા કરાયેલ વ્યવહારોની પણ તપાસ હાથ ધરાઇ છે.

અમદાવાદના ઈતિહાસની મોટી રેડ

આ દરોડામાં બીજા રાજ્યોમાંથી પણ અધિકારીઓને બોલાવામાં આવ્યાં છે. જેમાં કુલ 6 જેટલી ટીમ તપાસમાં જોડાઇ છે. આ રેડને અમદાવાદના ઈતિહાસની મોટી ગણાતી રેડમાંની એક ગણાય છે. કારણ કે તપાસ માટે અન્ય રાજ્યોમાંથી પણ EDના અધિકારીઓની ફોજ ઉતારવામાં આવી છે. હાલ અમદાવાદના મોટા બિલ્ડરને ત્યાં રેડના પગલે ફફડાટ મચ્યો છે. 

અનેક કંપનીઓએ લોન નહીં ભરી હોવાના કિસ્સામાં ટ્રુ વેલ્યૂ ગ્રૂપની સંડોવણીની શંકા

ટ્રુ વેલ્યુ મેનેજમેન્ટ કન્સલ્ટન્ટના વ્યવહાર અંગે તપાસ કરવામાં આવી રહી છે. ચાર્ટર્ડ એકાઉન્ટન્ટ મનીષ શાહ અને સમીર મહેશ્વરી પ્રમોટર છે. જેઓ કંપનીઓને મોટી લોન અપાવવાનું કામ કરતાં હતા. અનેક કંપનીઓએ લોન નહીં ભરી હોવાના કિસ્સામાં ટ્રુ વેલ્યુ ગ્રૂપની સંડોવણીની શંકા છે.

લક્ઝુરિયસ ફ્લેટ્સ અને કમર્શિયલ ઓફિસ બનાવે છે આ બિલ્ડર

અમદાવાદના એસ.જી હાઈવે, પ્રહલાદ નગર, આંબલી-બોપલ અને બોડકદેવ જેવા પૉશ વિસ્તારમાં ટ્રુ વેલ્યુ ગ્રુપની જુદી જુદી સ્કીમ આવેલી છે. આ વિસ્તારોમાં એક એક ફ્લેટ અને ઓફિસ કરોડો રૂપિયા હોય તેવી બિલ્ડિંગો બનાવેલી છે.